Свет
(Видео) Израелските деца ги налутија Палестинците со песна: „Дали вака ги воспитуваат своите деца?
Израелската организација, која себеси се нарекува Граѓански фронт, предизвика контроверзии на социјалните мрежи со продуцирање песна во која децата го слават уништувањето во Газа и велат „ништо нема да остане таму“ за една година.
Наводно, снимката содржи деца евакуирани од заедниците во близина на Појасот Газа, а песната е на удар на критики во Израел и во странство поради текстот, како и фактот дека ја пеат деца.
These Israeli children dedicate a song to the children of Gaza pic.twitter.com/w2WNWAOBFa
— ❀ قرنـــاآسـه ✿ (@8zal) November 21, 2023
Видеото е почит на класичната израелска поема HaReut („Заедништво“), напишана од поетот Хаим Гури за настаните од војната за независност во 1948 година. Оригиналната верзија на песната е нежна ода за оние изгубени во ужасите на војната, пишува „Тајмс оф Израел“.
Новата верзија, од друга страна, има многу помилитантен тон, содржи реплики, како: „ИДФ ја минува границата за да ги елиминира носителите на свастика“, „Ќе ги избришеме сите“ и „Ќе му покажеме на светот како ги уништуваме нашите непријатели“.
Клип од песната беше споделен од пропалестинските активисти на социјалните мрежи со коментари: „Израелските деца пеат геноцидна песна за Газа“ и „Вака ли ги воспитуваат своите деца?“. Во Израел некои корисници ја поздравија новата верзија, но повеќето реакции беа крајно негативни.
Веројатно и самиот Гури, кој цел свој живот беше левичарски активист, ќе беше незадоволен од новата верзија на песната. „Навистина се надевам дека неговите наследници… ќе тужат и ќе ве натераат да ја избришете оваа работа“, напиша еден корисник на „Твитер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с
Свет
Се повеќе мали деца се дебели, предупредува ФАО
Организацијата за храна и земјоделство на Обединетите нации (ФАО) предупреди дека прекумерната тежина кај деца под пет години, анемијата кај жените на возраст од 15 до 49 години и дебелината кај возрасните се во пораст во голем број земји.
Западен Балкан со 10,3 отсто и Кавказскиот регион со 9,1 отсто имаат највисока стапка на прекумерна тежина кај децата до пет години, додека стапката на дебелина кај возрасните исто така се зголемува.
Вредностите на анемијата кај жените на возраст од 15 до 49 години ја надминуваат глобалната проценка од 29,9 отсто во Киргистан со 35,8 отсто, Таџикистан 35,2 отсто и Азербејџан 35,1 отсто.
За да се справат со овие предизвици, сите актери во Европа и Централна Азија треба да се фокусираат на квалитетот на исхраната, осигурувајќи дека сите граѓани имаат пристап до разновидна и урамнотежена исхрана.
Никој не треба да се остави зад себе. Ова мора да биде поддржано со едукативни и кампањи за подигање на јавната свест кои поттикнуваат поздрав и поодржлив избор на храна, се додава во соопштението.