Македонија
(Видео) Цела Македонија на нозе доцна вечерва: се чисти снегот со сите расположливи машини

Општините ширум Македонија на големо работат на расчитување на улиците и булеварите. Најавуваат дека се на готовс и подготвени се да работат ако треба и цела ноќ.
„Вечерва го свикав кризниот штаб на Општина Бутел имајќи ги во предвид најавите и временската прогноза за врнежи од снег во текот на ноќта. Издадов налог и насоки за подготвеност на фирмата за зимско одржување за брзо и ефикасно справување со евентуалните врнежи од снег. Дежурни екипи од комуналното одделение ќе бидат поставени на најкритичните места доколу дојде до поголеми наноси на снег. Како и минатите две години така и оваа Општина Бутел спремна ја дочекува зимата и ги уверувам граѓаните дека навремено ќе се справиме со снегот“, пишува градоначалникот на Бутел, Дарко Костовски.
„Сите патишта и улици во општина Прилеп се проодни за сообрајќај! Нашата Локална самоуправа, заедно со надлежните служби и фирми, подготвени ги дочекавме врнежите на првиот снег. Службите се активирани, веќе се на терен и брзо и ефикасно патиштата се успешно исчистени осигурувајќи непречен и безбеден сообрајќај во општината.Ќе продолжиме да делуваме со цел да обезбедиме сигурност во текот на зимскиот период, за сите наши сограѓани да можат непречено да ги одвиваат своите обврски по сите наши локални патишта и улици“, вели градоначалникот на Прилеп, Борче Јовчески
„Попладнево, заедно со моите соработници, излеговме на терен, со цел согледување на функционирањето на Зимската служба. Првите врнежи од снег ги дочекавме целосно подготвени, така што екипите на јавните претпријатија со целата расположлива механизација, работат на расчистување на улиците, а обезбедени се доволни количини на сол и ризла за постапување согласно потребите, временските услови и според Програмата за Зимска служба за сезоната 2023/2024. После расчистувањето на улиците од прв приоритет, ќе се пристапи на расчистување на улиците од втор приоритет, а се интервенира и на патиштата до руралните места“, соопшти Тони Коњановски, градоначалник на Битола.
„Зимската служба на општина Чашка и ЈПКД Тополка активно работи на расчистување од снег на локалните патишта во општината.
Мометално со едно вклучено возило се работи на расчистување на локалниот пат кон селата Горно и долно Јаболчиште.
Зимската служба на ЈПКД Тополка во текот на ноќта ќе биде постојано на терен со цел да се обезбеди непречен сообраќај кон населените места. Почитувани граѓани на општина Чашка напоменуваме дека е задолжително употребa на зимска опрема за движење на вашите возила.
Доколку има потреба за брзо и итно реагирање за помош , побарајте го задолженото лице од општина Чашка на тел.број:075 331 340“, информира Горан Стојановски, градоначалник на Општина Чашка.
„Поради обилните врнежи од снег, се врши нанесување на сол и песок на коловозите во нашиот град, за да овозможиме безбедно одвивање на сообраќајот во сите населени места. На високите делови, како и на тротоарите, чистењето го вршат вработени во двете јавни претпријатија, кои ќе бидат дежурни во текот на целата ноќ, за жителите слободно да пристапуваат до нивните домови.
Ги повикувам граѓаните, на официјалните страници на ЈП Исар и ЈП Стипион да даваат сугестии за чистење на непроодни места и улици во секој дел од градот!“, напиша штипскиот градоначалник Иван Јорданов.
„Вечерва директно на терен лично раководам со кризниот штаб со цел расчистување на улиците од снегот. Нема ниту една улица во општина Гази Баба која во овој момент е блокирана поради врнежите од снег кои ги зафатија населените места од Црешево до Раштак! Механизацијата на економските оператори кои се задолжени за зимско оддржување навремено постапи согласно моите насоки и интензивно работи на расчистување на снегот.Се фрла сол на коловозите со цел да се спречи евентуално замрзнување, имајќи ги предвид врнежите од дожд и снег и секако ниските температури.Граѓаните да бидат спокојни. Остануваат службите во текот на целата ноќ на терен и подготвени сме веднаш да реагираме!
‼️Безбедноста во сообраќајот е наш приоритет и ќе ја исполниме нашата должност да создадеме услови граѓаните безбедно и непречено да можат да ги извршуваат своите обврски“, стои во објавата на градоначалникот на Гази Баба, Бобан Стефковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Денеска топол ден низ цела Македонија

Управата за хидрометеоролошки работи (УХМР) информира дека денеска нѐ очекува претежно сончево и топло време, со слаб до умерен ветер, а долж Повардарието повремено ќе дува и засилен северен ветер.
Минималните утрински температури се движат од 8 до 18 степени, додека максималните ќе достигнат од 26 до 33 степени Целзиусови. Метеоролозите најавуваат стабилни услови во текот на целиот ден.
Во Скопје, времето исто така ќе биде сончево и топло. Ќе дува умерен, а во одредени делови од котлината и повремено засилен северен ветер. Температурата во главниот град ќе се движи од 14 до 31 степен.
„Очекуваме стабилно време и во следните денови, со претежно сончеви периоди и температури кои ќе останат високи за овој период од годината“, велат од УХМР.
Македонија
(Видео) ВМРО-ДПМНЕ ги објави имињата на уште осум кандидати за градоначалници

Извршниот комитет на ВМРО-ДПМНЕ, вечерва во Штип определи уште осум кандидати за градоначалници за претстојните локални избори.
ВМРО-ДПМНЕ донесе одлука да му предложи на Централниот комитет.
1. Македонски Брод – Жарко Ристески.
2. Могила – Драганчо Саботковски
3. Пробиштип – Тони Тоневски
4.Богданци – Марјан Пеев
5. Демир Капија – Наталија Димитриева
6. Росоман – Ѓорги Крстевски
7. Новаци – Стевче Стевановски
8. Дебарца – Златко Силјановски
Пратеникот Антонијо Милошоски по состанокот изјави дека овие 8 кандидати за градоначалници се одговорни, исполнителни личности кои што својата активност ја докажале не само во рамките на коалицијата на ВМРО-ДПМНЕ туку имаат углед и во самите општини. Ним ќе им биде препорачано во следниот период, да си отворат што поголема комуникација со локалните граѓани во општините за да може да поработат директно на терен за составување на програмата која што е потребна за локални избори.
Централниот штаб ќе биде на располагање заедно со еден тим кој што ќе биде формиран за локалните избори, да им помогне за одредени проекти, кој што се од поголемо капитално значење за Македонски брод, Могила, Новаци, Пробиштип, Богданци, Демир Капија, Росоман и Дебарца.
„Цениме дека со овие 8 вечерва објавени кандидати за градоначалници и претходните 25, ВМРО-ДПМНЕ со самодоверба чекори кон локалните избори бидејќи сме единствената партија која што во моментов има обзнането имиња на 33 кандидати за градоначалници за кои што сметаме дека се на добар пат и да ја добијат довербата на граѓаните“, рече Милошоски.
За оние кои што се актуелни градоначалници, партијата смета дека дека со досегашната работа, ќе имаат добар кредит да ја добијат и понатамошната доверба.
Македонија
СДСМ: Јавното обвинителство се обиде да ја релативизира одговорноста на актуелните функционери

Според СДСМ, со денешната прес-конференција, Јавното обвинителство уште еднаш потврдило дека постои сериозен обид да се минимизира и релативизира одговорноста на носителите на актуелни функции и институции поврзани со трагедијата во Кочани.
Од опозициската партија велат дека наместо да се лоцира институционалната одговорност и да се повикаат на одговорност директорите на Државниот пазарен инспекторат, УЈП и други релевантни органи кои имаа обврска да постапуваат, фокусот се префрла на индивидуални случаи и на маргинални групи, избегнувајќи ја суштината – зошто и како фирма увезувала и со месеци продавала опасна пиротехника без дозвола, и кој тоа го дозволил.
Дополнително, како што се додава, наместо да се отворат посебни истраги за секој аспект од случајот – за незаконскиот увоз, за институционалниот надзор, за реакцијата на полицијата и за конкретните пропусти на диското, Обвинителството сѐ спакува во еден предмет, со што ризикува да се развлекува постапката со години, па дури и децении. Со ваков пристап, правдата станува недостижна – а тоа е неприфатливо.
„Сериозно прашање е и одлуката приведените полицајци и полициски функционери, кои биле одговорни кобната вечер, да се пуштат на слобода со мерки за претпазливост. Особено загрижува фактот дека двајца од нив биле пресретнати на пат кон граница со Бугарија, што отвора сомнеж за можно бегство и криење на вината.
СДСМ уште еднаш потенцира – без целосна и непристрасна истрага, без одговорност за институциите и носителите на функции кои затаиле, нема да има вистинска правда за жртвите и нивните семејства.
Граѓаните гледаат. И со право очекуваат правда“, се додава во партиското соопштение.