Спорт
Ѓоковиќ ја презеде одговорноста за елиминацијата на Србија од Дејвис купот

Новак Ѓоковиќ ја презеде одговорноста за елиминацијата на Србија од Италија во полуфиналето на Дејвис купот.
Србија загуби од Италија со 1:2, на неверојатен начин, откако Ѓоковиќ во вториот меч во синг, против Јаник Синер не успеа да искористи три поврзани меч топки.
„Честитики за Италијанците, го заслужија ова. Посебно Јаник, речиси е да не промашуваше. За мене лично ова е големо разочарување. Ја преземам одговорноста за трите меч топки. Кога губиш за својата земја, горчливиот вкус е уште поголем “, рече Новак.
Тој се осврна и на оние три меч топки што ги имаше во сингл против Синер.
„На ова ниво, против таков тенисер, сè се случува брзо. Тој сервираше исклучително добро. Познато е дека има еден од најбрзите форхенди. Не ме изненади. Знам дека Јаник квалитетен тенисер. екогаш кога требаше, наоѓаше добар сервис“, додаде светскиот рекет број еден.
Новак беше прашан и за неговата психичка подготвеност да игра вакви натпревари под притисок.
„Не сакам да зборувам за тоа. Ќе звучи како изговор. Сега ми е многу тешко. Се обидов да го дадам својот придонес, но денес тоа не ми беше судено “, изјави Ѓоковиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дејвид ќе го предводи нападот на Јувентус

Она за што се зборуваше со денови, во саботата доби потврда, Џонатан Давид е нов играч на Јувентус.
25-годишениот фудбалер потпиша договор со Јувентус до 30 јуни 2030 година, а во клубот доаѓа како слободен агент.
Канадскиот фудбалер, ја започна својата кариера во Отава, а потоа играше за Гент и Лил.
Дејвид играше во Лил во претходните пет години и постигна 109 гола и 30 асистенции во 232 натпревари.
Тој одигра 67 натпревари за канадската репрезентација и постигна 36 гола.
Во моментов се шпекулира дека доаѓањето на Дејвид е знак дека раководството на клубот одлучило да го продаде Влаховиќ ова лето.
Останува да се види што ќе се случи во следните неколку дена.
Foto/ EPA-EFE/MOHAMMED BADRA
Спорт
Ферстапен со брилијантен круг до пол-позицијата на Силверстоун“

Возачот на Ред Бул, Макс Ферстапен, ја освои пол-позицијата пред Големата награда на Велика Британија, 12-та трка од овогодинешното првенство во Формула 1.
Актуелниот шампион стигна до најдоброто стартно место со неверојатен круг и време од 1:24.892 минути, со десетинка предност во однос на Оскар Пјастри во Мекларен.
Вториот возач на Мекларен, Ландо Норис, го имаше третото време, а неговиот сонародник Џорџ Расел од Мерцедес ќе стартува веднаш до него од вториот ред.
Рекордерот по број на победи на „Силверстоун“, Луис Хамилтон, ќе стартува од петтото место. Третиот ред го комплетира неговиот тимски колега Шарл Леклер.
Следува Андреа Кими Антонели, но возачот на Мерцедес има казна од три позиции и ќе стартува од 10-то место. Осмие е Оли Берман од Хас, зад него се Фернандо Алонсо (Астон Мартин) и Пјер Гасли (Алпин).
Големата награда на Велика Британија е закажана за недела во 16 часот.
Foto/ EPA/PETER POWELL
Спорт
Замена за Влаховиќ? Јувентус донесе нов напаѓач

Она за што се зборуваше со денови сега е официјално потврдено – Џонатан Давид е нов играч на Јувентус.
Овој 25-годишен фудбалер потпиша договор со Јувентус до 30 јуни 2030 година, а во клубот доаѓа како слободен играч.
Канадскиот фудбалер, кој игра на позицијата напаѓач, ја започна својата кариера во Отава, а потоа играше за Гент и Лил.
Давид играше во Лил во претходните пет години и постигна 109 гола и 30 асистенции во 232 натпревари.
Одигра 67 натпревари за канадската репрезентација и постигна 36 гола. Српските фудбалери Душан Влаховиќ и Филип Костиќ играат за Јувентус.
Моментално се шпекулира дека доаѓањето на Давид е знак дека раководството на клубот одлучило да го продаде Влаховиќ ова лето.
Останува да се види што ќе се случи во следните неколку дена.
Фото: ЕПА