Македонија
Митевски: Петровец е една од општините која не доби ниту денар средства од централната власт
![](https://makfax.com.mk/wp-content/uploads/2023/11/Борче-Митевски.jpg)
Ние сме една од општините која не доби ниту денар средства од централната власт, а сите добро знаеме дека целиот патен сообраќај до Аеродром Петровец се одвива преку населеното место Петровец. Секој период од денот е преоптеретен со возила, вели градоначалникот на општина Петровец, Борче Митевски од настанот „Важно е! Платформа за иднина!“ во рамките на акцијата на ВМРО-ДПМНЕ „Важно е! Од тебе зависат промените!“.
Митевски посочи дека тие како општинска администрација, изработиле проект за пешачка патека од две илјади метри, во вредност од 24 милиони, го изработиле проектот, а одговорот од власта беше немаме финансиски средства. Посочи дека се работи за тротоар од центарот на Петровец, кој поминува покрај основното општински училиште „Кочо Рацин“ –Петровец, каде што учат околу 600 дечиња, со што ги заштитуваме нашите деца да бидат побезбедни при идење и враќање од училиште.
„Бидејќи знаевме дека нема да добиеме финансиски средства од централната власт, Општина Петровец направи пешачко-велосипедска патека од центарот на Петровец до центарот на село ‘Ржаничани во должина од две илјади метри и ширина од две метри, во вредност од 24 милиони денари одвоени од буџетот на Општина Петровец“, рече Митевски.
Митевски зборуваше и за поголемите капитални проекти кои што општинската администрација ги реализираше со финансиски средства од општинскиот буџет како што се општинската зграда која што беше неопходна, затоа што старата била во многу лоша состојба и истата била изградена по завршувањето на војната.
„Еден од поголемите проекти што ги реализиравме во последните две години е и новата општинска зграда, за која можеме слободно да кажеме дека во целост е изградена со средства од буџетот на Општина Петровец, во висина од 34 милиони денари. Старата општинска зграда беше изградена 1946 година, веднаш после војната, донација од Франција. Во Сушица изградивме културен дом и нов плоштад. Во изминативе две години асфалтиравме и поплочивме со бекатон плочки 3.500 метри улици, канализациони системи пуштивме во повеќе населени мести, во должина од 3000 метри, три нови водоводни системи во населени места во општината“, истакна градоначалникот Борче Митевски, посочи дека, исто така, извршиле и реконструкција во четири подрачни училишта во општината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Почина поранешниот пратеник на СДСМ, Миле Андонов
![](https://makfax.com.mk/wp-content/uploads/2024/06/pratenik.jpg)
На 62-годишна возраст, денес во Кочани, почина поранешниот пратеник од редовите на СДСМ, Миле Андонов.
Неговите сопартијци се збогуваа со него на социјалните мрежи.
„Сочувство до семејството, роднините и пријателите на трагично починатиот Миле Андонов, наш почитуван другар и сопартиец. Андонов даде значен придонес во развојот на Кочани, но и во политичко-економскиот живот во земјата, како пратеник во Собранието од редовите на СДСМ, но и како силен поддржувач на реформските процеси, на прогресивните, социјалдемократски политики. Нека почива во мир“, се наведува на страницата на СДСМ на „Фејсбук“.
Тој беше дипломиран економист, а во три мандати, во периодот од 2008 до 2016 година беше дел од пратеничката група на СДСМ.
Македонија
Парада на гордоста во Скопје под мотото „спектакуларно непослушни“
![](https://makfax.com.mk/wp-content/uploads/2024/06/parada-na-gordosta-skopje.jpg)
Под мотото „Спектакуларно непослушни!“ вечерва во Скопје се одржува петтата Парада на гордоста.
Учесниците се собраа во паркот „Жена-борец“, по што го почнаа протестниот марш низ градските улици кој завршувa на стадионот на АРМ во Градскиот парк со богата музичка програма.
Организаторите велат ова е еден ден кога ЛГБТИ луѓето можат да бидат видливи, свои и автентични.
Македонија
(Видео) Ковачевски: Владината Програма во делот на економијата е општа, без бројки за просечната и минималната плата
![](https://makfax.com.mk/wp-content/uploads/2024/06/thumbnail_Димитар-Ковачевски.jpg)
Во владината програма има неконзистентни делови и ставови. Што се однесува до економијата која е најзначајна за едно општество, најавите се општи, без конкретни бројки за зголемување на просечната и минималната плата, рече претседателот на СДСМ и пратеник во македонското Собрание, Димитар Ковачевски во денешното обраќање.
-Добро е што има продолжување на досегашните владини политики за поддршка на инвестициите и за македонските компании. За разлика од периодот до 2016 година кога од страна на ВМОР-ДПМНЕ беа поддржувани само странски компании. Но има неконзистентност во ставовите на ВМРО-ДПМНЕ да не се зголемува задолжувањето на државата. Сега кога заврши кризата несоодветно и неконзистентно е да се најавува зголемување за 8% на националниот долг на Македонија. Со каматите некаде на крајот на тој период ќе дојде до 10% зголемување на јавниот долг. Неконзистентност од јавно декларирање за не зголемување на долгот кон зголемување на долгот од 10% веднаш при доаѓањето на новата Влада, рече Ковачевски.
Во делот на инфраструктурата сите предложени елементи во делот на програмата се продолжување на сите стратешки проекти на досегашната Влада предводена од СДСМ, додаде Ковачевски.
-Тука пред се мислам на Коридорот 8 и Коридорот 10Д коишто исто така од ВМРО-ДПМНЕ беа квалификувани како криминални проекти, изведувачите беа квалификувани како криминални организации. Дури како што ја читам програмата провејува дека ќе им бидат доверени и други проекти, додаде Ковачевски.
Во однос на персоналниот состав на Владата, Ковачевски посочи дека од сегашното владино мнозинство беа искажувани негативни лични квалификации за луѓе кои сега се предложени за министри, како што е примерот со Таравари.
-Укажав на тројца пратеници дека давање лични квалификации не е добро. Со оглед на тоа дека господинот Таравари беше најнапаѓан за политичка корупција. Им укажав дека неговата политичка траекторија имплицира дека еден ден ќе треба да гласаат за него. Сега доаѓа тој ден кога ВМРО-ДПМНЕ ќе треба да гласа за Таравари за министер за здравство, рече Ковачевски.