Спорт
Два високи пласмани за Македонски каратисти од Светската карате лига во Португалија

Викторија Јовановска го освои петтото место на Карате 1 Серија А во Матосинхос, Португалија, откако во борбата за бронзата зауби со резултат 4-7 од – Анквуд Олаја Енхаили од Шпанија.
Ова е успех за Јовановска, иако радоста можеше да биде поголема, бидејќи каратистката на Макпетрол извојува 4 победи а во полуфиналето загуби 0-1 од Ешли Какиај од Холандија. Во борбата за медал водеше со 4-3 поени на само 9 сек до крајот За жал таа не успеа да го зачува водството и мораше да се задоволи со високиот пласмн на петто место.
61 кг
Викторија Јовановска – Дарија Питта (Италија) 1-1
Викторија Јовановска – Клаудија Сантос (Португалија) 8-0
Викторија Јовановска – Ѓихане Менасер (Франција) 4-0
Викторија Јовановска – Јелена Калајѓиќ (Австралија) 1-0
Полуфинале
Викторија Јовановска – Ешли Какиај (Холандија) 0-1
За бронза
Викторија Јовановска – Анквуд Олаја Енхаили (Шпанија) 4-7
Во борбите на Карате 1 Серија А во Матосинхос, Португалија, неколку каратисти на Макпетрол забележаа по две победи.
Најискусниот репрезентативец, кој беше и во улога на тренер, Петар Заборски првата борба ја загуби, но доби шанса во репасажот бидејќи Херохи Пицул од Украина се пласира во финалето. Петар одлично стартуваше и заблежа две победи, а во третата беше поразен со минимален резултат 0-1 од Швеѓанецот Рики Хааг.
Витомир Трајковски забележа две ефектни победи, а во третата средба со Нико Мантере од Финска е поразен со 1-2.
Во истата категорија Петар Спасеновски забележа победа и пораз.
Стефан Стојановиќ постигна две победи, а во третиот меч загуби со минимален резултат 0-1од Николаи Секот од Германија.
На Карате 1 Серија А, настапија 990 спортисти од 70 земји.
Тимот го водеше тренерот и натпреварувач Петар Заборски.
Карате 1 Серија А – Матосинхос 2023, останати резултати:
75 кг
Петар Заборски – Херохи Пицул (Украина) 0-9
Репасаж
Петар Заборски – Матео Гамба (Италија) 5-0
Петар Заборски – Лием ле Тан (Франција) 2-0
Петар Заборски – Рики Хааг (Шведска) 0-1
84 кг
Витомир Трајковски – Џијанмарко Маглијано (Италија) 9-0
Витомир Трајковски – Жан-Клод Оверман (Холандија) 4-2
Витомир Трајковски – Нико Мантере (Финска) 1-2
Петар Спасеновски – Аро Туоминен (Финска) 5-3
Петар Спасеновски – Валери Соник (Украина) 1-4
+84 кг
Стефан Стојановиќ – Леонардо Переира (Португалија) 3-0
Стефан Стојановиќ – Леае Бенхенија (Мароко) 3-3
Стефан Стојановиќ – Николаи Секот (Германија) 0-1
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Интер подготвиле договор за Киву

Кристијан Киву, до крајот на денот треба да потпише договор со Интер, тврдат италијанските медиуми.
Романецот, вчера бил во хотел во центарот на Милано, каде што имал разговор со челниците на Интер и како што стојат работите, состанокот поминал добро.
Киву треба да потпише двегодишен договор овој петок, по што официјално би бил претставен како нов тренер на Интер.
Тој доаѓа на тренерската позиција во клубот на местото Симоне Инзаги, кој гзамина по дебаклот во финалето на Лигата на шампионите и го презеде тимот на Ал Хилал.
Досега, Киву работеше како тренер само во младинските категории на Интер, а оваа сезона го водеше првиот тим на Парма, успеа да избори опстанок во Серија А.
Киву, играч доби „кредит“ беше дел од најславните моменти на клубот. Играше за Интер од 2007 до 2014 година, а во сезоната 2009/10 ја освои тројната круна, што е најдобрата сезона во историјата на клубот.
Спорт
Габриел го продолжи договорот

Дефанзивецот на Арсенал, Габриел, потпиша нов четиригодишен договор со клубот, објави „Скај Спортс“. Претходниот договор на Бразилецот имаше важност до јуни 2027 година.
Габриел (27) му се приклучи на Арсенал од Лил во 2020 година. Тој има 210 настапи во сите натпреварувања, на кои постигнал 20 гола.
„Дојдов како млад играч и по речиси пет години сум среќен што научив многу. Горд сум на себе, ова беше неверојатно патување и среќен сум што го продолжувам. Се надевам дека ќе освојувам трофеи со овој клуб, бидејќи го сакам овој клуб, а и моето семејство го сака“, – изјави Габриел за веб-страницата на клубот.
Бразилецот ги пропушти последните два месеци од сезоната поради операција на тетивата, но се очекува да биде подготвен за почетокот на следната сезона.
„Скај Спортс“ објави дека одборот на клубот бара продолжување на договорите на Вилијам Салиба и Букајо Сака.
Порано оваа недела, Арсенал објави дека Жоржињо и Киран Тиерни ќе го напуштат клубот на крајот од месецот, кога ќе им истечат договорите.
Спорт
Македонија вечерва против Белгија и традицијата
Фото/ ffm.mk
Фудбалската репрезентација на Македонија, вечерва ќе ја пречека Белгија во квалификациите за пласман на Светското првенство, кое за 13 месеци ќе се одржува во САД, Канада и Мексико.
Македонија ќе го одигра третиот натпревар во Ј групата, додека Белгија во Скопје ги отвора квалификациите за пласман на Мундијалот.
Белгија не играше во март, бидејќи имаше обврски во Лигата на нации, а Македонија одигра два натпревари, победи кај Лихтенштајн и одигра нерешено со Велс.
„Мора да сме на својот максимум, па ќе видиме што ќе ни донесе тоа. Овој јунски период години наназад ни е проблематичен. Што се однесува до сегашната ситуација, мора да го смениме тој менталитет индивидуално и како тим. Тоа што го видов изминатите седум дена ми дава за право да бидам оптимист дека овој јуни ќе биде поинаков. Менталитетот на играчите е поинаков отколку досега, атмосферата и енергијата се одлични. Без оглед на повредите, во текот на овие денови имаме дополнителни проблеми. Под знак прашалник се Алими, Димоски и Трапановски, но се надевам дека ќе бидат способни да заиграат. Се надевам дека на физички план ќе бидеме поподготвени од минатото“, рече на прес конференцијата пред натпреварот, селекторот на Македонија Благоја Милевски.
На сите им е јасно дека Белгија е исклучително квалитетен тим, покрај тоа и традицијата не и оди во прилог на Македонија.
Вечерва, Македонија и Блегија ќе го одиграат петтиот меѓусебен дуел. Претходните дуели беа во квалификациите за пласман на Европското првенство во 1996 година и Светското првенство во 2014 година.
Белгија има три победи, еден натпревар завршил нерешено, првиот пред три децении, кога во Брисел Македонија одигра 1:1. Гол разликата е 9:1 во корист на Белгија.
Белгија во Скопје ја интересира само победата и ништо друго. Тоа го потврди селекторот Руди Гарсија, кој е пожали на временските прилики во главниот град на Македонија.
„Дојдовме да победиме. Го анализиравме противникот. Сите се спремни. Не чека тежок дуел,ќе влеземе без потценување. Македонија прави притисок и ги користи грешките на противникот. Македонија веќе има четири бода.За нас е необично што почнуваме од последната позиција на табелата. Македонија е силна, но ние ќе дадеме се од себе да победиме“.
Натпреварот ќе стартува во 20.45 часот, ќе го суди Англичанецот Кавана. По дуелот со Белгија, Македонија патува во Астана, каде на 9.јуни ќе игра против Казахстан.