Свет
Рјабков: Америка сака да предизвика немири и да ја смени власта во Русија
![](https://makfax.com.mk/wp-content/uploads/2023/11/677z381_1-unrest-in-Moscow.jpg)
САД сè повеќе се фокусираат на промена на владата и организирање внатрешни немири во Русија, изјави заменик-министерот за надворешни работи на Руската Федерација, Сергеј Рјабков.
„САД не само што почнаа хибридна војна против Русија, која се води, очигледно, до последниот Украинец,. туку тие сè уште сакаат да ѝ нанесат стратешки пораз на Русија и да покажат зголемен фокус на промената на власта во Русија, да организираат внатрешни немири во Русија“, рече заменик-министерот.
Според него, во овие услови сценариото за конфронтација меѓу Москва и Вашингтон стана нешто од кое треба да се тргне. Во исто време Рјабков не исклучи дека натамошната ескалација од страна на САД може да доведе до прекин на руско-американските дипломатски односи.
„Опсегот на избори, земајќи го предвид расположението во Вашингтон, е мал. Чисто негативна опција е натамошната ескалација, во дипломатска насока, прекин на исклучително тенките билатерални односи. Или помалку драматична опција: целосна воздржаност на Русија и Кина со елементи на дијалог, во комбинација со активни обиди да се создаде раскол на мнозинството во светот што не се согласува со западниот светски поредок заснован на правила“, објасни заменик-министерот за надворешни работи на Руската Федерација.
Рјабков додаде дека не може „точно да предвиди што ќе преовладува“ во американската политика, пренесува „Танјуг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.