Скопје
Неколку автобуски линии ќе сообраќаат по изменети траси
ЈСП известува дека денеска, среда, и в четврток, поради одржување на министерскиот совет на ОБСЕ, јавниот превоз ќе функционира со изменет режим од вообичаениот, а продажните места на ЈСП ќе имаат изменето работно време од редовното.
В петок, 1 декември, јавниот превоз ќе продолжи да функционира вообичаено, а ова се однесува и на билетарниците и на центрите за персонализација на ЈСП „Скопје“.
Жичницата сите денови ќе функционира вообичаено, од 10 до 17 часот.
Режим на јавен превоз
Денеска, среда (29.11.2023) автобусите ќе возат вообичаено во согласност со важечкиот возен ред (делничен зимен).
В четврток (30.11.2023) ќе сообраќаат по саботен возен ред.
Почнувајќи од денеска, среда (29.11.2023) од 13 часот, па сѐ до завршување на министерскиот совет на ОБСЕ в четврток (30.11.2023), линиите 7, 8, 15, 15А, 18, 19, 21А, 26, 29, 59, и 118 ќе сообраќаат по изменети траси.
Траси на движење
Линии 8 и 15А
– од мостот „Гоце Делчев“, наместо по булеварар Илинден, ќе продолжуваат по булеварот Партизански одреди.
Посочениот режим ќе важи и во двете насоки на движење.
Линии 7, 15, 19, 26, 29 и 59
– наместо на крајните терминали во Карпош 3 и Карпош 4, ќе продолжуваат по булеварот Партизански одреди, па десно по улицата Никола Парапунов (стара телевизија), каде што не чекаат време, туку веднаш ќе продолжуваат десно по булеварот Илинден, па десно по улицата Љубљанска, па со лево свртување ќе продолжуваат по булеварот Партизански одреди.
Линии 18, 21А и 118
– од булеварот Крсте Петков Мисирков ќе продолжуваат право кон Бит-пазар, потоа по булеварот Никола Карев (пластичарската улица) и од кај Момин Поток ќе продолжуваат по сопствените редовни траси до крајните стојалишта.
Посочениот режим ќе важи и во двете насоки на движење.
Работно време на продажни места
Денеска, среда (29.11.2023), сите билетарници и центри за персонализаација на ЈСП „Скопје“ ќе работат од 6.30 до 13 часот.
В четврток (30.11.2023) за сите ќе биде неработен ден.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
(Видео) Стефковски: Изминатите 3 години од мандатот реализиравме 530 нови проекти
По повод три години од оддржувањето на локалните избори, градоначалникот на општина Гази Баба Бобан Стефковски утрово преку видео обраќање се обрати на граѓаните во кое информираше за сработеното во изминатите три години од неговиот мандат.
Во обраќањето градоначалникот Стефковски истакна дека денес повеќе нема населено место во општина Гази Баба кое нема вода за пиење, а по однос на проблемот со недостатокот на фекалната канализација тој полека но сигурно се надминува.
„Изградивме спортска сала во Стајковци, а за неколку дена од денес ќе ја пуштиме во употреба и новата сала во Булачани. Дополнително до крајот на годината ќе започнеме со изградба на нова сала и во Црешево. Градиме нова детска градинка во Трубарево, а за неколку недели од денес ќе започнеме со изградба на нова градинка во Инџиково“, порача Стефковски.
„На крајот од обраќањето градоначалникот Стефковски порача: тука нема да застанеме. Продолжуваме со уште посилно темно да работиме со цел реализација на проект повеќе. Ветив одговорна, чесна и посветена работа и докажав дека тоа е возможно. До последниот ден од мандатот ќе го вложувам и последниот атом од мојата енергија, бидејќи граѓаните заслужуваат дела“, заклучи Стефковски.
Скопје
Герасимовски: Почнавме со реализирање на проектот за хортикултурно и партерно уредување во Капиштец
Градоначалникот на Општина Центар, Горан Герасимовски, изврши увид во работните активности за хортикултурно и партерно уредување во населбата Капиштец, на потегот од Беверли Хилс до трговскиот центар Зебра.
Во тек е расчистување на теренот со механизација, а земјиштето се израмнува, што ќе овозможи понатамошно уредување на просторот.
„Наша цел е да создадеме зелени и уредени места за одмор и рекреација на граѓаните. Верувам дека овој простор ќе стане омилено место за жителите на Центар“, порача Герасимовски.
Проектот вклучува комплетно озеленување на површина од 7.840 м², како и реконструкција и нивелирање на пешачките патеки. Планирано е поставување нова урбана опрема, како што се канти за отпадоци, клупи, држачи за велосипеди, нови детски реквизити, систем за наводнување и модерно ЛЕД осветлување, кое ќе ја подобри видливоста и безбедноста во вечерните часови.
Овој проект е финансиски поддржан од претходната Влада со сума од 24.780.000 денари, а се реализира на барање на жителите на Општина Центар, кои овој предлог го доставија на ланскиот буџетски форум.
Скопје
Без струја неколку скопски општини
Поради планирани прекини во електро снабдувањето денеска без електрична енергија ќе бидат корисниците од неколку скопски општини.
– Во период од 08,00ч до 15.00ч дел од корисниците во ЧОЈЛИЈА: фабрика Пјурели Плант, фотоволтаци Нордик, Еуровиа, Енерџи Груп во индустриска зона Чојлиа (општина Илинден)
– Во период од 08,30ч до 11.30ч дел од корисниците од ул. Крсте Асенов, ул. Добри Даскалов, дел од бул. Христијан Тодоровски Карпош (општина Чаир),
– Во период од 11.30ч до 14.30ч дел од корисниците од ул Ресенска, дел од ул. Втора Македонска Бригада, дел од ул Кемал Сејфула (општина Чаир)
– Во период од 09.00ч до 15.00ч дел од корисниците од с. Сопиште ( ул 134 кај гробиштата) (општина Сопиште).