Спорт
УЕФА индиректно призна дека Њукасл е оштетен, го тргна од листата ВАР-судијата

ПСЖ од непостоечки пенал досуден во 96., а реализиран во 98.минута, успеа да остане непоразен на домашен терен од Њукасл во Лигата на шампионите. Овој бод го приближи ПСЖ, а го оддалечи Њукасл во осминафиналето во Лигата на шампионите.
„Голем прашина“ во англиската јавност веднаш по завршувањето на натпреварот.
„Како е можно дека ова е пенал за ПСЖ? Смешно“, напиша Линекер на социјалната мрежа Х (поранешен Твитер), додека поранешниот напаѓач на Ливерпул, Стен Колимор се огласи со оваа порака: „ВАР, умри, те молам“. Во сличен тон е и пораката на на Ширер: „Какво ср..е“.
Пенал за францускиот шампион беше досуден откако топката се одби од градите на Тино Ливраменто и го погоди во лактот. Според правилата на ФИФА и УЕФА тоа не е пенал, но сепак главниот судија Полјакот Шимон Марчинијак, според многумина најдобриот судија на светот, ја прифати сугестијата на сонародникот од ВАР-собата Томаш Квјатковски и помошникот на ВАР, Иван Бебек, судија од Хрватска.
Марчинијак ја гледаше снимката и на општо изненадување ја смени својата прва одлука и досуди пенал за ПСЖ.
УЕФА, официјално се уште не се огласила за спорната одлука. Сепак, одлуката која ја донесоа луѓето од УЕФА укажува дека во Нион се свесни за големата грешка што ја направија судиите.
Судијата Квјатковски вечерва требаше да биде во ВАР-собата на натпреварот од Лигата на шампионите помеѓу Реал Сосиедад и Салцбург, но тој е отстранет и на неговоот место ќе биде Германецот Марко Фриц.
Од друга страна, Иван Бебек не е казнет и тој вечерва ќе биде ВАР судија на натпреварот помеѓу Бенфика и Интер.
Причината поради која Бебек не беше казнет бидејќи тој беше асистент во ВАР-собата (АВАР). Главниот ВАР судија секогаш е одговорен да го повика судијата да прегледа спрона ситуација.
Во овој случај, предлогот Марчинијак да ја погледне спорната ситуација го даде Квјатковски, па тој беше казнет со изоставување на денешниот натпревар.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нов Хрват во Реал Мадрид? Чаби Алонсо навистина „загриза“

Реал Мадрид без хрватскиот играч стана речиси незамислив. Лука Модриќ си заминува, а Анте Будимир би можел да дојде на „Сантијаго Бернабеу“.
Според шпанските медиуми, Чаби Алонсо е сериозно заинтересиран да го доведе напаѓачот на Осасуна.
Секако, „кралскиот клуб“ сака да оди што е можно поевтино, па се разгледува опцијата за активирање на откупната клаузула од 20 милиони евра, но Реал би сакал и таа да се намали.
Планот е во договорот да се вклучи млад фудбалер од академијата на Мадрид, како што се Јакоб Рамон или Лорен Агуада.
Будимир би бил воодушевен да игра за Реал Мадрид, клуб кој го смета за најдобар во светот, а Чаби Алонсо исто така „загриза“ да го доведе.
За многумина е чудно што Реал сака 34-годишен играч, но Хрватот наводно би прифатил да биде резерва и да игра од клупата, како што направи Хоселу минатата сезона кога ја освоија Лигата на шампионите.
Оваа сезона, Будимир постигна 21 гол во Ла Лига и додаде три асистенции. Во Купот на Кралот има уште три гола.
Спорт
Никој не е заинтересиран за Светското клупско првенство, дури ни Меси не сакаат го гледаат

Низок интерес за натпреварите од Светското клупско првенство во САД.
Според светските медиуми, ФИФА е сериозно загрижена за нискиот интерес на навивачите за Светското клупско првенство. Затоа одлучи повторно да ги намали цените на билетите.
Пред два дена беше објавено дека за првиот натпревар од отворањето на натпреварувањето се продадени помалку од 25.000 билети.
Првиот натпревар ќе се игра на стадионот „Хард Рок“ во Мајами, со капацитет од 64.767 седишта. Ривали се домашниот тим Интер Мајами и египетскиот Ал Ахли од Каиро.
За потсетување, Интер е дом на големи светски ѕвезди како што се Аргентинецот Лео Меси, Уругваецот Луис Суарез, Шпанците Серхио Бускетс и Жорди Алба…
🚨 FIFA are seriously concerned about poor fan interest in the Club World Cup and have slashed ticket prices again. 🎟️
Fewer than 25,000 tickets have been sold for the opening match. 😳
(Source: @TheAthleticFC) pic.twitter.com/8HlxKycCN9
— Transfer News Live (@DeadlineDayLive) June 10, 2025
Светското клупско првенство на ФИФА ќе се одржи од 14 јуни до 13 јули. Ќе учествуваат 32 екипи од шест континенти (конфедерации). Натпреварите ќе се играат во 11 градови на 12 стадиони.
Натпреварите од Светското клупско првенство на ФИФА во 2025 година ќе се одржат во државите Њу Џерси, Шарлот, Синсинати, Лос Анџелес, Мајами, Нешвил, Орландо (два стадиони), Филаделфија, Сиетл, Вашингтон и Атланта.
Спорт
Нико Вилијамс му рекол „Да“ на Баерн

Нико Вилијамс (22) им порачал на челниците на Баерн дека е отворен за трансфер во Германија. Менаџерот веќе ги започнал преговорите со германскиот шампион.
Крилниот напаѓач на Атлетик Билбао го привлекува вниманието на бројни европски гиганти благодарение на одличните настапи во шпанската репрезентација и Ла Лига.
Баерн го гледа како потенцијално засилување на левото крило, а интерес за Вилијамс покажаа и клубови од Премиер лигата. Неговата откупна клаузула е „само“ 58 милиони евра.