Македонија
Левицата: Четвртина од буџетот за 2024 година планиран со нови задолжувања
![](https://makfax.com.mk/wp-content/uploads/2023/11/Четвртина-од-буџетот-за-2024-година-планиран-со-нови-задолжувања.jpg)
Во собраниска процедура влезе предлог-буџетот на Република Македонија за 2024 година, кој ќе тежи 5,5 милијарди евра. Првата слика што може да се добие е дека рекордните расходи предизборно ќе се трошат за додворување на гласачкото тело преку гарантирани повисоки плати и пензии место реформи во јавната администрација и целосна ревизија во пензискиот фонд, велат од Левицата.
Според нив, покрај зголемените приходи, кои се нереални, власта една четвртина од своето расипничко трошење (или речиси 1,4 милијарда евра) ќе го покрива преку нови домашни и странски задолжувања. Иако стапката на инфлација оптимистички е проектирана на 3,6 отсто, власта очекува повисоки приходи за 11,3 отсто по основ на ДДВ, што значи дека цените и понатаму ќе растат, а акцизите ќе се зголемат за 11,7 отсто.
И економскиот раст, како што велат од оваа партија, е преценет, се очекува да изнесува 3,4 отсто, а најмногу како резултат на контроверзните бруто-инвестиции за коридорите 8 и 10 д, кои ќе го изедат буџетот следните 5 години. Оценуваат дека во 2024 година за коридорите ќе се потрошат безмалку 250 милиони евра.
„Изборните активности ќе нè чинат речиси 15 милиони евра, а каматните плаќања се зголемени и како расте јавниот долг, се наметнуваат и повисоки трошоци за камати.
Капиталните расходи се проектирани на повисоко ниво од оваа година, меѓутоа со секој ребаланс се први на удар за кратење. Владата и понатаму планира реализација на капитални проекти преку субвенции на претпријатија и невладини организации, дури 41 отсто од вкупните расходи. Капитален развој преку „невладините“ организации е погубен, а покрај овие субвенции, тие ќе добијат дополнителни 19,5 милиони евра преку трансфери, со што власта ќе си обезбеди предизборна поддршка. Значајни средства ќе се потрошат за новите клинички центри во Скопје и во Штип, кои „почнаа да се градат“ во далечната 2015 година, а изградбата ќе почне или ќе продолжи и во наредните две години. Договорот за Клиничкиот центар „Мајка Тереза“ во Скопје е раскинат и се заканува неизвесна арбитражна постапка“, потенцираат од Левицата.
Предлог-буџетот, според нив, за 2024 година изнесува 34 отсто од БДП, а според ММФ, сивата економија се движи околу 38 отсто од БДП.
„Покрај сузбивњето на неформалната економија, постојат многу други решенија, како воведување данок на експлоатација, за да се спречат најпрофитабилните своите вработени да ги плаќаат на минималец и да ги користат профитите создадени од работниците само за лично богатење, како и воведување данок на луксуз.
Меѓутоа, СДС и ДУИ и понатаму ги задолжуваат идните генерации сметајќи на нивната солидарност за да живеат во луксуз и изобилство на грбот на народот место да ја полнат државната каса од најбогатите и да им овозможат на сиромашните слоеви достоен и пристоен живот“, додаваат од партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Почина поранешниот пратеник на СДСМ, Миле Андонов
![](https://makfax.com.mk/wp-content/uploads/2024/06/pratenik.jpg)
На 62-годишна возраст, денес во Кочани, почина поранешниот пратеник од редовите на СДСМ, Миле Андонов.
Неговите сопартијци се збогуваа со него на социјалните мрежи.
„Сочувство до семејството, роднините и пријателите на трагично починатиот Миле Андонов, наш почитуван другар и сопартиец. Андонов даде значен придонес во развојот на Кочани, но и во политичко-економскиот живот во земјата, како пратеник во Собранието од редовите на СДСМ, но и како силен поддржувач на реформските процеси, на прогресивните, социјалдемократски политики. Нека почива во мир“, се наведува на страницата на СДСМ на „Фејсбук“.
Тој беше дипломиран економист, а во три мандати, во периодот од 2008 до 2016 година беше дел од пратеничката група на СДСМ.
Македонија
Парада на гордоста во Скопје под мотото „спектакуларно непослушни“
![](https://makfax.com.mk/wp-content/uploads/2024/06/parada-na-gordosta-skopje.jpg)
Под мотото „Спектакуларно непослушни!“ вечерва во Скопје се одржува петтата Парада на гордоста.
Учесниците се собраа во паркот „Жена-борец“, по што го почнаа протестниот марш низ градските улици кој завршувa на стадионот на АРМ во Градскиот парк со богата музичка програма.
Организаторите велат ова е еден ден кога ЛГБТИ луѓето можат да бидат видливи, свои и автентични.
Македонија
(Видео) Ковачевски: Владината Програма во делот на економијата е општа, без бројки за просечната и минималната плата
![](https://makfax.com.mk/wp-content/uploads/2024/06/thumbnail_Димитар-Ковачевски.jpg)
Во владината програма има неконзистентни делови и ставови. Што се однесува до економијата која е најзначајна за едно општество, најавите се општи, без конкретни бројки за зголемување на просечната и минималната плата, рече претседателот на СДСМ и пратеник во македонското Собрание, Димитар Ковачевски во денешното обраќање.
-Добро е што има продолжување на досегашните владини политики за поддршка на инвестициите и за македонските компании. За разлика од периодот до 2016 година кога од страна на ВМОР-ДПМНЕ беа поддржувани само странски компании. Но има неконзистентност во ставовите на ВМРО-ДПМНЕ да не се зголемува задолжувањето на државата. Сега кога заврши кризата несоодветно и неконзистентно е да се најавува зголемување за 8% на националниот долг на Македонија. Со каматите некаде на крајот на тој период ќе дојде до 10% зголемување на јавниот долг. Неконзистентност од јавно декларирање за не зголемување на долгот кон зголемување на долгот од 10% веднаш при доаѓањето на новата Влада, рече Ковачевски.
Во делот на инфраструктурата сите предложени елементи во делот на програмата се продолжување на сите стратешки проекти на досегашната Влада предводена од СДСМ, додаде Ковачевски.
-Тука пред се мислам на Коридорот 8 и Коридорот 10Д коишто исто така од ВМРО-ДПМНЕ беа квалификувани како криминални проекти, изведувачите беа квалификувани како криминални организации. Дури како што ја читам програмата провејува дека ќе им бидат доверени и други проекти, додаде Ковачевски.
Во однос на персоналниот состав на Владата, Ковачевски посочи дека од сегашното владино мнозинство беа искажувани негативни лични квалификации за луѓе кои сега се предложени за министри, како што е примерот со Таравари.
-Укажав на тројца пратеници дека давање лични квалификации не е добро. Со оглед на тоа дека господинот Таравари беше најнапаѓан за политичка корупција. Им укажав дека неговата политичка траекторија имплицира дека еден ден ќе треба да гласаат за него. Сега доаѓа тој ден кога ВМРО-ДПМНЕ ќе треба да гласа за Таравари за министер за здравство, рече Ковачевски.