Македонија
Нема мали луѓе и големи држави, Северна Македонија мисли глобално, рече Спасовски за „Политика“

Нема мали луѓе и големи држави, Северна Македонија размислува глобално, изјави министерот за внатрешни работи, Оливер Спасовски, за белградска „Политика“ на тема самитот на ОБСЕ, чиј претседавач е Македонија.
Со оглед на тоа што во сила се исклучителните мерки од трет степен на безбедност поради собирот на кој се најавени 70-ина делегации со приближно 1.000 учесници, министерот за внатрешни работи, Оливер Спасовски, беше запрашан за важноста, односно за историското значење на 30. министерски совет на ОБСЕ како платформа за дијалог меѓу земјите учеснички, а во контекст на глобалните геополитички збиднувања.
„Северна Македонија мисли глобално, уверена дека само дијалогот носи резултати; кога ќе седнеме на иста маса, тоа значи дека сме подготвени да разговараме за сите прашања, дури и ако конверзацијата не донесе брзи резултати. Сите треба да ги имаме глобалните предизвици во својот фокус: нема тука мали и големи луѓе, народи или држави“, рече Спасовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.