Спорт
(Видео) Тре Јанг го замолкна Сан Антонио, Вучевиќ подобар од Јанис

Изминатата ноќ се одиграа девет натпревари во НБА лигата, а еден од најинтересните е виден во „Фрост банк центарот“ во Сан Антонио. Атланта Хокс славеа против Сан Антонио Спарс 137:135. Ефикасно беше и во дуелот меѓу Мајами Хит и Индијана Пејсерс 142:132.
Јанг беше централна фигура на натпреварот, во Сан Антонио. Ги постигна последните седум поени за Атланта, натпреварот го заврши со 45 поени (15/29 од поле) и 14 асистенции. Дежонте Мареј, поранешен играч на Спарс постигна 24 поени.
Во редовите на Сан Антонио се истакнаа младите ѕвезди. Џереми Сохан имаше 33 поени, 8 скока и 6 асистенции, Девин Васел додаде 25 поени, Келдон Џонсон 22 поени и 11 скока, а Виктор Вембањама, првиот пик на претходниот драфт, имаше 21 поен и 12 скока. Сан Антонио се наоѓа во серија од 13 порази.
Од играчите од регионот, најдобар беше црногорскиот центар Никола Вучевиќ. Тој го предводеше Чикаго Булс до победа по продолжението од 120:113 над Милвоки Бакс. По 48 минути кошарка во Јунајтед центар резултатот беше 106:106.
Вучевиќ дуелот го заврши со 29 поени (11/21 од поле), 10 скока и 6 асистенции, додека Јанис Адетокумбо кај Милвоки запиша 26 поени, 14 скока и 5 асистенции.
Неверојатно звучи податокот дека откако Вучевиќ влезе во НБА во 2011 година, ниту еден кошаркар немал повеќе дабл-дабл натпревари од него. Тоа само го засилува впечатокот дека е еден од најпотценетите НБА играчи во изминатата деценија.
Кошаркарите на Оклахома ги победија Лос Анџелес Лејкерс со 133:110 и ја прекинаа серијата од два порази. Шеј Гилџес-Александер го предводеше победничкиот тим со 33 поени, седум асистенции и четири скока, Џејлен Вилијамс постигна 21 поен и седум асистенции, а Чет Холмгрен додаде 18 поени.
Во тимот од Лос Анџелес најефикасен беше Ентони Дејвис со 31 поен со 14 скока, Леброн Џејмс додаде 21 поен, 12 скока и шест асистенции.
Кошаркарите на Мајами ја победија Индијана со 142:132 и ја прекинаа серијата од три порази. Мајами победи благодарение на брилијантната четвртата четвртина во кој постигна 45 поени за прв пат од 1989 година, а тимот погоди 15 од последните 17 шута.
Џими Батлер го предводеше Мајами со 36 поени и 11 скока, Џејми Харкс постигна 24 поени, а Џош Ричардсон 19 поени.
Кај поразениот тим најефикасен беше Тајрис Халибартон со 44 поени и 10 асистенции. Оби Топин додаде 25 поени, а Брус Браун 15.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Ги елиминира Фенербахче од Лигата на шампионите, па потпиша договор со нив

Во денот кога Фенербахче му врачи отказ на тренерот Жозе Мурињо, турските медиуми објавија дека клубот го договорил трансферот на поранешниот играч на Галатасарај, Керем Актуркоглу.
Бенфика ќе добие фиксни 22.500.000 и низ бонусите уште 2.500.000 евра.
Интересно, Актуркоглу на некој начин му го потпиша отказот на Жозе Мурињо.
Во средата, тој го постигна единствениот гол во плејоф двомечот меѓу Бенфика и Фенербахче. Овој гол и овозможи на Бенфика да игра во Лигата на шампионите, а Фенербахче го испрати во Лига Европа.
Актуркоглу од семејни причини инсистираше да трансферот.
Foto/ EPA/ERDEM SAHIN
Спорт
Миовски се враќа во Шкотска, ќе потпише за Глазгов Ренџерс

Македонскиот репрезентативец Бојан Миовски се враќа во Шкотска. Џирона и Глазгов Ренџерс го договориле трансферот. Миовски ќе гоо стави потписот на договорот со „полицајците“ кога ќе ги мине лекарските прегледи, кои се најавени до крајот на денот.
Бојан Миовски две сезони блескаше во дресот на Абердин, во кои постигна 44 гола. Минатото лето реши да се пресели во Шпанија, за да игра во Лигата на шампионите. Џирона за него на Абердин му плати 8.500.000 евра.
Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Неговиот статус не се смени ниту во новата сезона и покрај тоа што беше стартер во првото коло против Рајо Ваљекано (0:2). Миовски одигра 45 минути, а потоа беше заменет кога голманот Газанига доби црвен картон.
Во второто коло и убедливиот пораз од Виљареал, Миовски воопшто не беше во составот на Џирона и тогаш беше јасно дека во клубот повеќе не сметаат на него.
Џирона реши да го продаде напаѓачот и покрај тоа што имаше до јуни 2028 година.
Глазгов Ренџерс за Миовски на Џирона ќе и плати 5.000.000 евра.
Foto/ EPA
Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин