Свет
Макрон: Целосното уништување на Хамас може да значи уште десет години војна
![](https://makfax.com.mk/wp-content/uploads/2023/10/898cf5ad-789c-44cf-bb94-d9c43db7fd56.jpg)
Францускиот претседател Емануел Макрон предупреди дека целта на Израел за целосно уништување на Хамас мора да биде јасно дефинирана, во спротивно тоа ќе предизвика уште десет години војна и повика на удвојни напори за постигнување траен прекин на огнот.
„Целосно уништување на Хамас…“, „…дали некој мисли дека е можно?“, рече Макрон на прес-конференција одржана на маргините на конференцијата COP28 во Дубаи.
„Ако тоа е целта, војната ќе трае десет години“, рече Макрон и побара израелските власти да ја објаснат нивната цел.
Франција е многу загрижена за новото насилство во Газа, рече Макрон и го најави своето патување во Катар каде ќе се обиде да придонесе во напорите за договор за нов прекин на огнот.
На прес-конференцијата Макрон рече дека ситуацијата во Газа бара удвојување на напорите за постигнување траен прекин на огнот и ослободување на сите заложници.
„За Израел нема трајна безбедност во регионот ако безбедноста на таа земја се постигне по цена на палестинските животи, што со себе носи незадоволство во регионот. Да бидеме колективно проникливи и трезвени“, додаде тој.
„Ефикасната борба против тероризмот не значи систематско и трајно бомбардирање“, рече Макрон, загрижен бидејќи бомбардирањето беше обновено по истекот на примирјето меѓу Израел и Хамас во петокот.
„Точниот одговор против терористичката група не значи елиминација на целата територија или бомбардирање на сите цивилни области“, посочи тој.
Кога станува збор за ослободувањето на заложниците кои се уште ги држи Хамас, Макрон смета дека потребни се уште неколку дена работа, мислејќи на актуелните преговори кои продолжуваат. Меѓу исчезнатите на 7 октомври има и четворица француски државјани.
Затоа, во сабота навечер во Катар, францускиот претседател ќе вечера со шеикот Тамим бин Хамад Ал Тани, емирот на оваа земја, кој е ангажиран во преговорите за примирје и ослободување на заложниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.