Спорт
(Видео) Спектакуларни голови и трилер-победа на Ливерпул, Челси со 10-мина го победи Брајтон
Foto/ EPA
Во терминот од 15.00 часот во англиската Премиер лига постигнати се 18 гола на четири натпревари – во просек по 4,5 по натпревар. Во 14. коло. Челзи го победи Брајтон со 3:2, Ливерпул по трилер триумфираше против Фулам со 4:3. Борнмаут и Астон Вила ги поделија бодовите 2:2, а нерешено имаше и на натпреварот Вест Хем – Кристал Палас 1:1.
Челзи водеше со два гола во воведната фаза од натпреварот, Енцо Фернандез ги доведе „сините“ во водство во 17. минута, а четири минути подоцна, Леви Колвил го удвои водството.
Брајтон израмни со голот на Буонаноте во 43. минута. Две минути подоцна Челси остана о играч помалку. Капитенот на овој натпревар, Конор Галагер беше исклучен откако го доби вториот жолт картон. бидејќи доби втор жолт картон во 45. минута. Челси со играч помалку ја зголеми предноста. Енцо Фернандез погоди под пенал.
Неизвесност во самиот финиш донесе резервистот Жоао Педро во втората минута од судиското надополнување кога ја намали предноста на Челси на 3:2.
На „Енфлид“, Ливерпул и Фулам одиграа фантастичинен натпревар, во кој „црвените“ постигнаа три спектакуларни гола, а Ливерпул во финишот направи пресврт и славеше со 4:3.
Ливерпул два пати водеше во првиот дел со головите на Александер-Арнолд и Мекалистер, а Фуламс е враќаше преку Вилсон и Тете.
„Котиџерс“ долго им даваа отпор на „црвените“, а потоа поведоа во 80. минута со голот на Де Кордова-Рид.
Но, Ливерпул повторно успеа да се извлече. И тоа со два гола во рок од две минути.
Повторно имаше прекрасни голови, прво на Ватару Ендо во 87. минута, а потоа во 88. на Александар-Арнолд.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал одбил 45 милиони евра за Арда Гулер
Арда Гулер, минатото лето за 20 милиони евра пристигна во Реал од Фенербахче. На почетокот се мачеше со повредите, на крајот забележа 11 настапи, мина на теренот 350 минути, тоа му беше доволно да постигне четири гола и да придонесе за 36. титула на Реал.
Гулер доби шанса од Карло Анчелоти да биде стартер во финишот на сеозната, кога Реал ја обезбеди титулата. Се шпекулираше дека наредната сезона би може да биде позајмен во друг клуб за да стекне искуство, а шпанските медиу и тврдат дека Арсенал испратиле понуда од 45 милиони евра за да го откупат неговиот договор.
„Арда дефинитивно ќе биде овде и следната сезона“, изјави Анчелоти отфрлајќи секаква можност за продажба на Турчинот.
„Навистина ми се допаѓа како играч. Сите знаеме дека е со врвен квалитет и талент. Тој е малку ограничен во играта без топка. Таму мора да се подобри и тоа е она што го прави”, изјави претходно Анчелоти по еден натпревар.
По завршувањето на сезоната Арда Гулер ќе им се приклучи на колегите од турската репрезентација која ќе настапи на Европското првенство во Германија.
Спорт
Крај на сезоната за Едерсон – Херојот Ортега ќе брани во последното коло
Голманот на Манчестер сити, Едерсон, нема да може да им помогне на соиграчите во наредниот период поради мала фрактура што ја заработи на натпреварот со Тотенхем.
Бразилецот беше заменет по судир со стоперот на противничката екипа Кристијан Ромеро.
Во моментот кога беше заменер, Едерсон го искажа своето незадоволство од одлуката на тренерот Пеп Гвардиола.
Едерсон ја напушти играта во 69. минута, му го препушти местото Стефан Ортега, кој блескаше во преостанатиот дел од натпреварот и имаше голем придонес за победата на Сити.
Избраниците на Пеп Гвардиола го зазедоа првото место на табелата откако го совладаа Тотенхем со 2:0. Ортега, два пати го запре Дејан Кулушевски, а во 84.минута веројатно ја имаше одбраната на сезоната кога го запре ударот на Хјунг-Мин Сон во ситуација еден на еден при резултат 0:1.
Сити во последното коло ќе влезе со два бода повеќе од Арсенал. Во недела Сити ќе го пречека Вест Хем, а Арсенал ќе игра против Евертон.
Спорт
ФИФА најави ВАР-револуција
Џани Инфантино, претседателот на ФИФА најави големи промени на конгресот на светската фудбалска федерација во Бангкок.
„Ќе го развиеме и подобриме ВАР. Тој систем го користат 65 национални асоцијации, но сега ќе го подобриме. Создадовме базна технологија со помалку камери и без судии да одлучуваат, така што ќе биде достапен за секого и полесен ќе се имплементира. Тој систем веќе се тестира.
Ќе функционира така што тренерот на секоја екипа ќе има право двапати по натпревар да бара помош од ВАР. Доколку првичната одлука на судијата се смени по таквата барана проверка, тимот што ја побарал проверката повотрно ќе има право на две проверки. Доколку, пак, по ваквата барана проверка, ВАР ја потврди одлуката на судијата на теренот, тогаш екипата која ја побарала го губи правото на една проверка“.