Свет
Ме малтретираше, ми се закануваше, имам и рани: Русинка брутално претепана од партнерот од Србија кој и ги зел документите
М.С.(29) од Косјерица е осомничен дека ја нападнал својата девојка А.Р. (19) од Русија во алкохолизирана состојба. По него е започната потрага, дознава „Блиц“.
Според неофицијални информации, тој на 4 декември во утринските часови додека тој и девојката биле во изнајмениот стан, во алкохолизирана состојба, физички ја нападнал.
„При земање на изјавата, како што дознаваме, девојката не го знаела презимето на осомничениот и дала погрешна адреса каде живеат“, вели извор на „Блиц“ запознаен со случајот.
Сепак, понатамошната работа го идентификуваше осомничениот како и адресата на живеење.
„По него е започната потрага, а на адресата биле неколку полициски патроли и инспектори, но никој не ја отворил вратата од станот“, се наведува.
Осомничениот немал претходни пријави за насилство.
Девојката на својот Инстаграм профил објавила фотографии на кои се гледаат сите повреди кои и ги нанел осомничениот човек.
Хематоми под очите, на рацете и грбот. Исекотини на усната, а очите и се затворени поради модринки. Нејзините очни капаци беа отечени.
Под тие фотографии таа објави краток опис.
„Моето поранешно момче го направи ова. Ми ги фрли пасошите и изводот на родените. Ме малтретираше и тепаше, ми се закануваше. Тој ми ги зеде сите заштеди. Ми скрши два мобилни телефони. Имам рани на главата. Ме остави без работа и буквално се. Немам како да ја напуштам државата. Никогаш нема да ти простам С.“, напиша таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Цени во грчките ресторани, кафулиња и маркети: оваа сезона се малку повисоки од минатата година
Голем број туристи веќе уживаат на плажите во Грција, а оние што летуваат во популарниот олимписки регион велат дека цените на храната и пијалаците во маркетите, рестораните и во кафулињата го следат европскиот тренд на раст, па оваа сезона тие се малку повисоки од минатата година.
Цените на овошјето и зеленчукот на пазарите во Лептокарија се генерално слични на македонските, па доматите, краставиците и кромидот може да се најдат за само едно евро за килограм, а компирите и тиквичките за помалку од едно евро.
Лубеницата може да се купи за цена од 0,6 евра за килограм, дињите за 1,50 евро, а вишните за 1,90 евро. Лимоните се две евра, кајсиите и јаболката од 1,50 евро па нагоре, а праските од 2,50 до 2,75 евра.
Цената на грчкото кафе во повеќето кафулиња и ресторани се движи од 1,80 до 2,50 евра, еспресото и капучиното се меѓу 2 и 3 евра, а нес-кафето е околу 3 евра. Најниската цена за половина литар пиво е четири евра, за толку може да се испие и чаша вино, а за жестоки пијалаци треба да потрошите најмалку пет евра.
Лежалките и чадорите во сопственост на кафулињата се бесплатни доколку нарачате пијалак, а во некои од нив оваа поволност можете да ја користите цел ден. Некои кафулиња имаат правило дека не мора да плаќате за лежалка и чадор ако нарачате една пијачка наутро, а друга попладне.
Во супермаркетите шише вода од 1,5 литар чини меѓу 0,3 и 0,5 евра, а пакување од шест шишиња чини 1,70 евро. Најевтиниот леб може да се купи за 0,9 евра, литар млеко е од 1,8 до 3,5 евра, а цената на јајцата е меѓу 0,23 и 0,45 евра за парче. Цената на сирењето е од 6 до 15 евра за килограм, маслинките од 4,50 до 7 евра, а литар маслиново масло од 13 до 17 евра.
Просечната цена на една порција лигњи во рестораните е околу десет евра, иста цена како пилешко и свинско сувлаки, како и свински стек и пилешко филе. Цената на тестенините се движи од пет до десет евра, а пиците од 4,5 до 11 евра.
Омилената храна на туристите кои летуваат во Грција е гирото, а на почетокот на летото пита со гиро чини меѓу 3,80 и 4 евра, а порцијата во ресторан е до 10 евра. За оние што сакаат да јадат нешто од нога има и хот-дог, кој чини од 2,50 до 3,50 евра.
Топка сладолед чини две евра, за две топки треба да платите 3,50 евра, а за три 4,50 евра.
Свет
Четири лица загинаа во поплавите во Кина
Четири лица загинаа во поплавите предизвикани од силниот дожд што го погодија округот Шангханг во источнокинеската провинција Фуџијан, соопштија денеска локалните власти.
Од недела до понеделник 15 општини во округот доживеаја 24-часовни врнежи од дожд, кои ги надминаа сите претходни рекорди, соопшти локалниот штаб за контрола на поплавите и сушата, пренесе „Ксинхуа“.
Според прелиминарните статистички податоци, во поплавите во споменатиот округ беа погодени 66.498 лица.
Свет
„Дојче веле“: „Луфтханза“ ќе сервисира и воени авиони
Поради големата побарувачка за експерти за одржување воени авиони, германската авиокомпанија „Луфтханза“ неодамна го формира одделот за одбрана LHT. Во основа се согласи на преквалификација и усовршување работници од други области.
LHT е деловна единица за одржување и поправка на германската „Луфтханза“, таа се грижи за повеќе од 800 клиенти во светот и има повеќе од 20.000 вработени, пишува „Дојче веле“.
Како што е наведено, често се регрутираат експерти од компании, кои работеле како доставувачи на делови, а чии производи повеќе не се барани поради преминот кон електрични автомобили.