Македонија
Искористувањето на позитивниот моментум за проширување во ЕУ е шанса која Македонија не смее да ја пропушти: Маричиќ и Османи од Брисел
Заменик претседателот на Владата задолжен за европски прашања и главен преговарач со Европската Унија, Бојан Маричиќ заедно со Министерот за надворешни работи, Бујар Османи, и Државната секретарка во Секретаријатот за европски прашања и заменичка на главниот преговарач со ЕУ, Дрита Абдиу – Халили, денес престојуваат во Брисел на последните билатерални скрининг состаноци за поглавје 31 „Заедничката надворешна и безбедносна политика„ од Кластер 6 со што скрининг процесот за Северна Македонија ќе биде официјално завршен.
Вицепремиерот Бојан Маричиќ го отвори состанокот заблагодарувајќи им се на претставниците на Европската комисија, министерот за надворешни работи, на делегацијата Република Северна Македонија, и на членовите на Работната група за Поглавје 31: Надворешна, безбедносна и одбранбена политика, потенцирајќи ја важноста и успешното завршување на сеопфатниот циклус на билатералните состаноци кои се иницирани од 2019 година и дека овој процес е за пофалба, нагласувајќи ја колективната решителност за унапредување на интеграцијата на Северна Македонија во Европската унија.
– Ние гледаме напред кон позитивниот моментум на нашиот евроинтегративен пат. Минатата година за нас беше клучна, полна предизвици, истовремено важна и со успеси, започнувајќи од усвојувањето на Преговарачката рамка се до крајот на Скрининг состаноците.
Во својот говор Маричиќ ја потенцираше посветеноста на Северна Македонија во тековните преговори за усогласување на нејзините политики со оние на Европската Унија, преку постојан ангажман во политичките дијалози, нашата држава е фокусирана на демонстрација на одговорност, решителност, учество како и е важен чинител во регионот на Западен Балкан, регионот и меѓународната сцена како што беше забележано минатата недела во главниот град на нашата земја.
-Вреди да се напомени дека Република Северна Македонија активно се вклучува во редовните политички дијалози за прашања од надворешната и безбедносната политика на сите нивоа, тесно соработува со Европската Унија и другите партнери од Западен Балкан, како држава не само што го прифаќаме, туку и целосно го поддржуваме Acquis наведено во Агендата за ова Поглавје, што сигнализира силна посветеност за усогласување на политиките со европските стандарди- потенцираше Маричиќ.
Свое воведно обраќање на скрининг состанокот за Поглавје 31: Надворешна, безбедносна и одбрана политика имаше и Министерот за надворешни работи, Бујар Османи, кој меѓу другото истакна дека “Доколку не ги усвоиме уставните измени, нашиот европристапен пат ќе запре вештачки. Тоа ќе биде историски испуштена шанса во оваа геополитичка ситуација во Унијата кога проширувањето е приоритет и геостратешка неопходност.
Затоа, повторно упатувам повик да го обезбедиме потребното мнозинство во Собранието за да ја оствариме целта, која е од стратешко државно значење и е аспирација на мнозинството наши граѓани за припадност во евро-атлантското семејство, која ниту една партија не може да ја игнорира особено ако претендира да предводи идна Влада”, предочи Османи.
Македонската делегација за оваа поглавје го сочинуваат претставници на Секретаријатот за европски прашања, министерството за одбрана, министерството за надворешни работи.
Скрининг процесот за Република Северна Македонија започна на 15 септември 2022 и се одвиваше успешно и со динамиката која беше воспоставена, а досега се одржани објаснувачки и билатерални скрининг состаноци, за сите 33 поглавја кои се поделени во 6 кластери. Со затворањето на овие поглавја скрининг процесот за Република Северна Македонија ќе биде официјално завршен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Следува променливо облачно време со повремени врнежи од дожд и снег
Времето утре ќе биде променливо облачно со врнежи од дожд, кои локално ќе бидат пообилни (над 25 l/m²), особено попладне и во текот на ноќта. На планините врнежите ќе бидат од снег. Ќе дува засилен ветер од јужен правец (над 60 km/h).
Минималната температура ќе биде во интервал од 7 до 12, а максималната ќе достигне од 10 до 17 степени.
Во Скопје, променливо облачно со повремен дожд, особено кон крајот на денот и во текот на ноќта. Ќе дува умерен ветер од јужен правец. Минималната температура ќе се спушти до 8, а максималната ќе достигне до 14 степени.
Времето во наредните денови
Под влијание на циклонска активност во следните денови времето ќе биде променливо облачно со повремени врнежи од дожд, а на планините од снег. Поради продор на постуден воздух и засилен северен ветер во четврток врнежите ќе преминуваат во снег на повисоките и во некои од пониските места.
На планините во западните делови ќе се формира нова снежна покривка, а помала покривка се очекува и во пониските места. Во петок ќе има преодно стабилизирање на времето, а во деновите од викендот, особено во сабота повторно ќе има локални врнежи од дожд и снег, кои наместа ќе бидат пообилни. Температурите ќе бидат во опаѓање.
Македонија
(Видео) Николоски: 40 километри од автопатот Охрид – Кичево се веќе во функција
Вицепремиерот и министер за транспорт Александар Николоски на својот фејсбук профил објави ноќно видео од автопатот Охрид-Кичево, каде истакнува дека 40 километри од автопатот се ставени во функција.
„Погледнете го ова прекрасно ноќно видео од делот од автопатот Охрид – Кичево. 40 километри се веќе во функција. Се надевам голем број македонски граѓани ќе возат по овој автопат на пат кон Балканскиот Ерусалим – Охрид за овој Божиќ. Честитки на сите вредни работници кои се посветија на неговата изградба! За многу години Божиќ и Бадник!“ порача вицепремиерот Николоски.
Македонија
(Фото) Мицкоски: Бадник не е само ден, туку порака дека заедништвото, љубовта и солидарноста нe прават посилни
„Во пресрет на Бадник, денеска поделивме пакети помош во Карпош, Гази Баба, Чаир, Аеродром, Ѓорче Петров, Кисела Вода, Бутел и Центар со желба секое семејство да ја почувствува топлината на празникот на својата трпеза“, извести премиерот Христијан Мицкоски преку социјалните мрежи.
„Бадник не е само ден, туку порака дека заедништвото, љубовта и солидарноста нe прават посилни“, додаде Мицкоски.

