Три деца, државјани на САД, беа депортирани во Хондурас минатата недела со нивните мајки, вклучувајќи и едно 4-годишно девојче кое се лекува од рак, соопштија адвокатите на семејството и организацијата за граѓански и имигрантски права, објави Си-ен-ен.

Во еден случај, мајка била депортирана со своето двегодишно дете, додека во друг, мајка била протерана заедно со нејзините деца на возраст од 4 и 7 години, се вели во соопштението на Американската унија за граѓански слободи (ACLU) и Националниот проект за имиграција.

Според адвокатите и судските документи, сите жени и деца биле уапсени за време на рутински состаноци со службеници за имиграција во Луизијана, како дел од програмата за надзор ИСАП (Intensive Supervision Appearance Program).

Застапниците на семејството тврдат дека нивното протерување од САД покажува загрижувачки недостаток на правна заштита во услови на сè пожестоко ограничување на имиграцијата за време на администрацијата на Доналд Трамп.

„Сведоци сме на колапс на владеењето на правото во реално време“, рече Грејси Вилис, адвокатка и координаторка за одговор на рации во Националниот проект за имиграција, која го застапува двегодишното дете преку семеен пријател кој дејствува како тужител во тековниот судски случај. „Тоа е длабоко загрижувачко, а овие случаи се јасна илустрација за тоа“, додаде Вилис.

Според Грејси Вилис, на двете мајки им биле издадени наредби за депортација во нивно отсуство, што значи дека го пропуштиле судското рочиште, па судијата автоматски го донел налогот за депортација.

„Нешто ги спречило да бидат присутни на тоа едно рочиште“, рече Вилис, „и затоа судот издаде налог за депортација“.

Во судските поднесоци, владата тврди дека мајката на двегодишното девојче побарала да го земе детето со себе во Хондурас, повикувајќи се на рачно напишана белешка за која тврдат дека ја напишала на шпански. „Граничниот цар“ на Трамп, Том Хоман, и државниот секретар Марко Рубио го повторија тоа тврдење во интервјуата во неделата.

„Ако некој е нелегално во земјата, тоа лице е депортирано. Ако тоа лице има двегодишно дете и каже: Сакам детето да дојде со мене, имате две опции“, изјави Рубио за емисија на Ен-би-си.

„Можете да кажете да, детето може да биде со вас, без разлика дали е граѓанин или не, бидејќи е ваше дете“, рече Рубио. „Или можете да кажете: дека можете да си одите, но детето мора да остане.“

Сепак, Вилис го отфрла тврдењето дека мајката на В.М.Л., која е исто така бремена, сакала да го земе детето со себе. Рачно напишаната белешка, тврди таа, не е изјава на желба.

Вилис за Си-ен-ен изјави дека ниту една од мајките немала вистински избор и дека двете сакале нивните деца да останат во Соединетите Држави. Четиригодишното дете, се присети таа, било во процес на лекување од рак. Исто така, обете жени имаат семејство во САД.

„Ова се мајки, бремени жени, деца“, рече Алана Одомс, извршна директорка на ACLU од Луизијана. „Ова се луѓе со терминални или многу сериозни медицински состојби, кои ги следеле сите правила и редовно се пријавувале во Имиграциска контрола“, додаде таа.

„Ако Имиграциската контрола може да им го направи ова на овие мајки и деца, ако може да им го направи ова на студентите на универзитетите… никој од нас не е безбеден од ваков вид беззаконие“, заклучи Одомс.

Американскиот претседател Доналд Трамп изјави дека верува оти неговиот украински колега Володимир Зеленски е подготвен да го отстапи Крим на Русија како дел од мировниот договор, иако Киев постојано ги отфрла таквите предлози.

На прашањето на новинарите дали смета дека украинскиот претседател е подготвен да се откаже од полуостровот што Русија нелегално го анектираше во 2014 година, Трамп одговори: „Мислам дека да“.

Трамп, исто така, го повика рускиот претседател Владимир Путин да „престане со пукањето, да седне и да потпише договор“ за прекин на борбите, сугерирајќи дека тој би можел да се постигне во рок од две недели.

Тој ги даде коментарите за новинарите по враќањето од Ватикан, каде што накратко разговараше со Зеленски пред погребот на папата Франциско.

Фотографиите објавени од украинската претседателска служба ги прикажуваат Трамп и Зеленски како разговараат во Ватикан на 26 април 2025 година. Нивната средба се одржала приватно на маргините на погребот на папата, а Трамп подоцна изјави дека разговорот „поминал добро“ и дека прашањето за Крим било споменато „само накратко“.

Тој исто така додаде дека Зеленски сега му изгледа „посмирен“, што може да биде алузија на нивниот јавен судир што се случи во Белата куќа во февруари. Украина постојано нагласува дека нема да се согласи на територијални отстапки и дека за територијата може да се разговара само откако ќе се постигне прекин на огнот. Ниту Зеленски ниту Путин сè уште не ги коментираа последните изјави на Трамп.

Едно лице загина, а неколку други се повредени откако рекреативен брод се судри со ферибот што превезувал 45 лица во Клирвотер, Флорида, потврди полицијата за Си-ен-ен.

Рекреативниот чамец избегал од местото на настанот, но друга агенција за спроведување на законот успеала да го идентификува, изјави Роб Шо, портпарол на полицијата во Клирвотер.

Clearwater Ferry Crash Update: At 8:40 p.m., the Clearwater Ferry collided with a privately owned recreational vessel near the Memorial Causeway, triggering a mass casualty event. Approx. 51 passengers were evaluated, with 12 transported to hospitals, including 6 trauma… https://t.co/ZDzMEZ0sHi pic.twitter.com/2BjMU2J32Z

— The Fact Checker (@The_Facts_Dude) April 28, 2025

Полицијата претходно објави дека шест лица се здобиле со многу сериозни повреди, а две биле транспортирани од местото на несреќата со хеликоптер. Шо рече дека едно од повредените лица подоцна починало од повредите здобиени во несреќата.

„Пожарникарите прогласија масовен инцидент поради бројот на повредени“, соопшти полицијата.

Полицијата пријавувањето го добила околу 20:40 часот по локално време дека брод удрил во ферибот во близина на мостот Клирвотер Меморијал Косвеј.

#BREAKING: A Mass casualty event has been declared after a Ferry crashes into a sandbar injuring numerous passengers

#Clearwater | #Florida

Numerous emergency crews are currently on scene in clear water Florida responding to a mass casualty incident after the Clearwater… pic.twitter.com/xr0puwaYQa

— R A W S A L E R T S (@rawsalerts) April 28, 2025

Сите други патници беа безбедно евакуирани, соопшти полицијата. Причината за судирот е сè уште непозната.

Според полицијата, сите повредени биле на фериботот.

„Не веруваме дека некој од патниците е исчезнат“, изјави Шо за Си-ен-ен.

Меѓу 45-те лица на фериботот имало и двајца членови на екипажот, соопшти полицијата.