Спорт
(Видео) Денвер го преживеа рафалот на Богдановиќ

Кошаркарите на Денвер Нагетс ги победија Атланта Хокс со 129:122. Натпреварот го обележа Богдан Богдановиќ, кој стана вториот играч во историјата на НБА, која како резерва успеал да постигне 10 тројки.
Богдановиќ го одигра најдобриот натпревар во НБА кариерата со 40 поени, три скока, три асистенции. Тој постигна 10 тројки (14-24 од поле) и серизно ја истакнува кандидатурата за најдобра шести играч во сезоната.
Неговиот сонародник Јокиќ постигна 25 поени, осум скока, осум асистенции и три украдени топки.
Одличен во победата на Денвер беше Џамал Мареј со 29 поени (12-15), Џулијан Стротер постигна 22, Арон Гордон 18, а Реџи Џексон 12 поени.
Атлатна од третата четвртина играше без најдобриот играч, Тре Јанг, кој беше исклучен поради расправија со судиите.
Сан Антонио против ривалот од Тексас, Хјустон, испиша негативна историја. Хјустон славеа со 93:82. За Сан Антонио ова е 17. последовен пораз. Најефикасен кај тимот на Спарс беше Виктор Вембањама со 15 поени и 18 скока.
Кошаркарите на Филалделфија го декласираа Вашингтон со 146:101. Џоел Ембид мечот го заврши со 34 поени и 11 скока.
Со својот 129-ти натпревар во кариерата со повеќе од 30 поени и 10 скока, Џоел Ембиид го надмина Чарлс Баркли (128 натпревари), кој беше единствениот играч во историјата на франшизата во Филаделфија со вакво остварување.
Резултати:
Шарлот Хорнетс – Мајами Хит 114:116
Детроит Пистонс – Индијана Пејсерс 123:131
Орландо Меџик – Кливленд Кавалирс 104:94
Филалделфија – Вашингтон Визардс 146:101
Атланта Хокс – Денвер Нагетс 122:129
Њујорк Никс – Торонто Репторс 136:130
Хјустон Рокетс – Сан Антони Спарс 93:82
Мемфис Гризлис – Далас Маверикс 113:120
Милвоки Бакс – Чикаго Булс 133:129 стр
Пеликанс – Тимбервулфс 121:107
Оклахома сити Тандер – Јута Џез 134:120
Сакраменто Кингс – Бруклин Нетс 131:118
ЛА Клиперс – Портланд Блејзерс 132:127
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Синер и Алкарас рутински славеа над Ѓоковиќ, односно Фриц

Двајцата најдобри тенисери во светот, Карлос Алкараз и Јаник Синер се пласираа во финалето на турнирот „Шест Кралеви“ во Ријад. Турнирот е егзибиција, не е во калнедарот на АТП, а во полуфиналето Алкараз и Синер беа супериорни против Тејлор Фриц, односно Новак Ѓоковиќ.
Јаник Синер во два сета со 6:4, 6:2 го победи Ѓоковиќ. Најдобриот на сите времиња, Новак Ѓоковиќ нема решение за Синер. Италијанецот ја забележа седмата последовна победа против Ѓоковиќ.
Она што треба да го загрижи Ѓоковиќ што нема никакво решение за играта на Синер. Италијанецот направи брејк во вториот гем, а откако го доби првиот сет, со брејк го отвори вториот, а уште еден брејк направи во петтиот гем, со што птактично и го реши мечот.
Исто како и Синер и Карлос Алкараз славеше со 6:4, 6:2 во дуелот со Тејлор Фриц.
Овој меч имаше речиси ист тек како и дуелот Синер-Ѓоковиќ. Алкараз во првиот сет направи брејк во петтиот гем, во истиот гем му го одзеде сервисот на противникот и во вториот сет, а потоа направи брејк и во седмиот гем.
Спорт
(Видео) Меси може да остане без вилата од 11 милиони евра

Лионел Меси би можел да се соочи со рушење на неговата вила на Ибица вредна 11 милиони евра, поради контроверзиите околу имотот од 16.000 квадратни метри. Имено, вилата е изградена на заштитено земјиште без потребните дозволи.
Меси го купи имотот во 2022 година, но оттогаш се соочи со низа проблеми, вклучувајќи го и вандализмот од страна на климатските активисти минатата година.
Имотот лоциран во Сант Жозеп де Са Талаја на западниот брег на Ибица, Меси го купи од швајцарскиот бизнисмен Филип Амон. Сепак, во текот на изградбата биле прекршени правилата за урбанистичко планирање бидејќи ѕвездата на Интер Мајами во моментов нема важечка дозвола за употреба или потребните одобренија за вила на заштитено земјиште.
Според „AБЦ“, делумно рушење на вилата „не е исклучено“ ако ситуацијата не се реши.
Во август 2024 година, климатските активисти од групата „Футуро Вегетал“ упаднаа во имотот и го вандализираа, боејќи го црвено и црно и споделувајќи фотографии на социјалните мрежи.
Двајца членови на групата држеа транспарент на кој пишуваше „Помогнете ѝ на планетата, изедете ги богатите, укинете ја полицијата“, во она што се верува дека е протест против владините политики што ја влошуваат климатската криза.
Тие ги објаснија своите постапки во објава на социјалната мрежа „X“: „Ја обоивме нелегалната вила на Меси на Ибица. Вилата е нелегална градба што фудбалерот ја купи за претерана сума од 11 милиони евра. Додека ова се случува, само на Балеарските Острови помеѓу 2 и 4 лица починаа како директен резултат на топлотниот бран. Најбогатиот, еден отсто од населението е одговорен за истата количина емисии на јаглерод како и најсиромашните две третини… Потребна ни е радикална промена во системот за да се соочиме со климатската криза.“
Spanish eco and climate change activists from Futuro Vegetal have vandalized Lionel Messi’s Ibiza home.
Via @OliLondonTV pic.twitter.com/Ru0bhlLddi
— Visegrád 24 (@visegrad24) August 6, 2024
Спорт
Ленокс Луис ги избра петте најдобри боксери на сите времиња

Ленокс Луис се смета за еден од најголемите имиња во тешка категорија во историјата на боксот. Иако има два порази со нокаут во кариерата, тој успеа да им се одмазди на двајцата борци кои го победија, постигнувајќи вкупно 41 професионална победа. За време на неговата импресивна кариера, поранешниот освојувач на златен олимписки медал се соочи со некои од најголемите легенди во тешка категорија, а неговата борба со Мајк Тајсон е сè уште еден од најпрофитабилните мечеви на сите времиња, пишува „Bloody Elbow“.
Во неодамнешно видео објавено на Инстаграм, Луис го откри својот личен список на петте најдобри боксери во историјата. Интересно е што тој не вклучи ниту еден боксер против кого се натпреварувал, како што се Мајк Тајсон или Евандер Холифилд, иако забележа дека би „се ставил во иста соба со тие борци“.
На врвот на својата листа, Луис очекувано го стави Мухамед Али, чиј прекар „Најголемиот“ совршено го опишува неговото наследство. Заедно со Али, листата вклучува уште четири легенди кои ги дефинираа своите епохи:
Џек Џонсон – првиот црн светски шампион во тешка категорија (1908 – 1915).
„Чудото“ Марвин Хаглер – легендарен борец во средна категорија кој ги победил великаните како Томас Хернс и Роберт Дуран.
Џорџ Форман – поранешен двократен светски шампион во тешка категорија и освојувач на златен олимписки медал.
Џо Луис – сопственик на најдолгото владеење со титулите во историјата на боксот, кое траело 11 години и 8 месеци.