Македонија
Мицкоски има слика и со Ковачевски кој е прв во криминалот, што не значи дека го споделува неговиот криминал
![](https://makfax.com.mk/wp-content/uploads/2023/06/06072023_PVRSM_Liderska-sredba_1.jpeg)
Очигледно СДС нема попаметна работа па листа фотографии на социјалните мрежи и гледа кој се фотографирал со лидерот на ВМРО-ДПМНЕ и од тоа фабрикува лажни вести, реагираат од ВМРО-ДПМНЕ.
„Да им олесниме, Мицкоски има фотографии и со Димитар Ковачевски, на последната лидерска средба и со Али Ахмети. И двајцата за жал водечки во криминалот во државата.
Фотографијата со нив не значи дека Мицкоски го споделува нивниот криминал, но тоа секако дека значи дека тие и нивните пулени веднаш по нивната смена ќе одговараат за секој криминал“, додаваат од партијата на Мицкоски.
Кога сме кај соработниците и блиските луѓе до власта, како што велат од опозициската партија, првиот братучед на Сашко Николов, поранешен градоначалник на Штип и финансиер на СДСМ е фатен како е дел од криминална банда рекетари, лихвари и изнудувачи.
Прашуваат, дали првиот братучед на најблискиот соработник на Ковачевски изнудувал и рекетирал поради блискоста и заштита која ја имал со Ковачевски?
Дали Ковачевски ќе се извини за овој скандал и дали е вистина дека братучедот на соработникот на Ковачевски рекетирајќи се повикувал на името на Димитар Ковачевски?, се наведува во реакцијата на партијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
109 санкционирани возачи во Скопје
![](https://makfax.com.mk/wp-content/uploads/2023/05/policija-mvr-3.jpg)
Во Скопје вчера се изречени вкупно 109 мерки, меѓу кои за возење без возачка дозвола 14 санкции, четири мерки за користење на мобилен телефон при управување, 28 санкции за прекршоци што ги чинат возачите на мотоцикли, четири мерки за некористење на сигурносен појас, информира МВР во дневниот извештај.
Сообраќајните контроли продолжуваат и во наредните денови.
Се апелира до граѓаните да ги почитуваат сообраќајните правила и прописи за зголемена безбедност во сообраќајот и придонес за посигурни патишта.
Македонија
Воведен е летен сообраќаен режим за движење на камиони
![](https://makfax.com.mk/wp-content/uploads/2023/08/kamioni-granica.jpg)
Од вчера, па се до 31 август на државните патишта во Македонија воведен е летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.
Македонија
Променливо облачно, во текот на денот на повеќе места ќе биде нестабилно со пороен дожд и грмежи, локално во форма на невреме
![](https://makfax.com.mk/wp-content/uploads/2017/05/oblacno-2.jpg)
Времето денеска ќе биде променливо облачно, во раните утрински часови со услови за изолирана појава на краткотраен пороен дожд, грмежи и засилен ветер.
Во текот на денот на повеќе места ќе биде нестабилно со пороен дожд и грмежи, локално во форма на невреме со интезивен пороен дожд, силен ветер (над 70 км/час) и град. Минималната температура ќе биде во интервал од 14 до 23, а максималната ќе достигне од 27 до 35 степени. UV=7
Во Скопје, ќе биде променливо облачно со повремен пороен дожд и грмежи, во делови од котлината во форма на невреме со интезивен пороен дожд, силен ветер (над 70 км/час) и град. Услови за краткотраен пороен дожд, грмежи и засилен ветер ќе има и во раните утрински часови. Минималната температура ќе се спушти до 20, а максималната ќе достигне до 31 степен.
Во среда и во четврток времето ќе биде променливо облачно и посвежо со повремен пороен дожд и грмежи и ќе дува умерен до засилен северен ветер. Потоа се очекува стабилно и потопло време.