Регион
Албанија ќе го забрза пристапот во ЕУ користејќи ChatGPT: „Ја намалуваме потребата од армија преведувачи и адвокати, што чини милиони евра“
Албанската влада планира да го забрза својот пристап во Европската Унија со користење на ChatGPT за да преведе илјадници страници законски мерки и одредби на ЕУ на албански јазик и потоа да ги интегрира во постојните правни структури.
Овој план ќе почне да се спроведува на почетокот на 2024 година по недамнешниот договор со извршната директорка на матичната компанија на ChatGPT, OpenAI, Мира Мурати, која е родена во Албанија, пренесува „Еуроактив“.
Моделот што ќе го користи албанската влада ќе вклучува превод на документи на албански јазик и ќе даде детален преглед на потребните измени и дополнувања на законодавството со цел Тирана да се усогласи со правилата на Европската Унија.
Албанскиот премиер Еди Рама рече дека на овој начин се намалува потребата од „армија преведувачи и адвокати, која чини милиони евра“ и дека ќе го забрза процесот.
Рама најави и дека вештачката интелигенција ќе замени голем дел од услугите во локалната и националната власт, особено во јавните набавки, во обид да се бори против корупцијата.
Албанија е земја кандидат за членство во ЕУ од 2014 година, а по неколку години одложување на преговорите поради поврзаноста на напредокот на Албанија кон членството со напорите на Северна Македонија, процесот е деблокиран до летото 2022 година.
Премиерот на Албанија претходно ја изрази својата фрустрација поради, како што тврди, недостигот на мотивација и ентузијазам на ЕУ за проширување и што неговата земја е заложник на грчкото вето, како и на ветото на Бугарија против пристапувањето на Северна Македонија.
Грција го блокира писмото на 27-те земји членки до Европската комисија за отворањето на првите пет поглавја за прием на Албанија во ЕУ, пишува „Еуроактив“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Срби на одмор во Грција снимија огромна змија на плажа: се слушаат врисоци
На Фејсбук групата „Грција инфо“ се појави видео кое, благо кажано, исплаши многумина. Имено, на видеото од плажата во Патра може да се види како огромна змија излегува од морето и лази по плажата до грмушките.
Меѓу стотиците коментари на ова видео, голем е и бројот на оние на кои не им било грижа кога на плажата виделе змија која, колку што може да се процени од видеото, била долга од 1,5 до 2 метри.
„Ова е да се умре веднаш“, беше еден од многуте коментари на оние кои не сакаат змии или се плашат од нив.
Од друга страна, имаше доста реакции од оние кои тврдат дека тоа не е змија отровница, дека тоа е нејзиното природно живеалиште, дека луѓето се натрапници на плажата.
Регион
Се обидел да се пресоблече, па паднал од ѕид висок 20 метри: трагедијата на Калемегдан
В. М. (39) од Белград загинал синоќа при пад од тврдината Калемегдан, а според очевидци, до несреќата дошло кога се обидел да се пресоблече.
Луѓето што биле во близина забележале маж што се обидел да се облече, па, најверојатно, на тој начин изгубил рамнотежа.
„Видовме дека е сам. Сакаше да го облече горниот дел од облеката. Се чинеше дека ја изгуби рамнотежата. Полицијата и итната помош бргу дојдоа, но немаше помош“, велат очевидци во текот на истрагата.
За случајот е информирано Вишото јавно обвинителство во Белград.
Телото на В. М. (39) од Белград е пренесено на обдукција во Институтот за судска медицина, пишува српски „Телеграф“.
Неофицијално, на полицијата ѝ е наредено да обезбеди видеонадзор од околните камери.
Регион
Осомничениот за убиството на малата Данка денеска пред обвинител: реши да го прекине молчењето и да се произнесе
Осомничениот за убиството на малата Данка Илиќ (2), Срѓан Јанковиќ, кој се бранеше со молчење два месеца, реши да се произнесе и да го даде своето сведочење во врска со овој случај пред обвинителот денеска, ова во текот на изминатата недела го потврди неговиот адвокат Живадин Богдановиќ.
Срѓан Јанковиќ, кој управувал со автомобилот кога девојчето било удрено, по апсењето, се бранел со молчење и по два месеца решил да зборува.
Инаку, најстариот Драгијевиќ, татко на осомничениот за убиството на малата Данка Илиќ, Дејан Д., на 29 мај беше пуштен да се брани од слобода по приведувањето за соучесништво во кривично дело за кое сè уште нема докази бидејќи телото на девојчето не е пронајдено.
Тој веќе извесно време не е во семејната куќа во Злот, која ја нашол празна, бидејќи во меѓувреме починале и неговиот помал син Далибор и неговата сопруга Светлана.
„Пред неколку дена дојде кај мене да ги намири трошоците за погребот на сопругата. Донесе сè што требаше од фондот на ПИО бидејќи и двајцата се пензионери. Беше целосно депресивен, затоа никој ништо не го праша, ниту имаше сила да го праша. Што може да се праша во ваква ситуација“, изјави сопственикот на погребалното претпријатие во Бор.