Европа
Хорор во Франција: 12-годишно девојче донесе нож во училиште, се обидело да убие професор за време на часот
12-годишно девојче во Франција донесе нож во училиште и му се заканувало на наставникот по што било уапсено. Во инцидентот нема повредени. Според француските медиуми, ученичката рекла дека сака да прави „како што било во Арас“.
Како што пишува францускиот „Либерасион“, оваа среда во Рено ученичка од петто одделение му се заканувала на наставникот за време на часот по англиски јазик. Ученичката, наводно, мафтајќи со своето остро оружје, рекла дека сака да го повтори гестот на Мухамед Могучков, кој на 13 октомври го уби наставникот Доминик Бернард и тешко рани уште две лица.
Со психијатриско вештачење е констатирано дека малолетничката е „опасна за себе“ и дека нејзината состојба бара лекување во специјализирана средина.
Обвинителот Рене Филип Аструк изјави дека ученичката дошла на училиште вооружена со голем нож, долг 17 сантиметри, со очигледна намера да го убие професорот по англиски јазик.
„За време на часот замавнала со ножот кон жртвата, која побегнала. Ученичката ја следела жртвата додека не била разоружана од вработените во училиштето“, додаде обвинителот.
Според локалните медиуми, тинејџерката се налутила кога наставникот ѝ го одзел телефонот потсетувајќи ја дека тоа е забрането на училиште за време на часовите. Оваа информација за „Франс прес“ ја потврдила девојка, која наведува дека ученичката што го донела ножот минатата недела се скарала со професорот по англиски јазик бидејќи ѝ го одзел мобилниот телефон на час.
Тогаш девојката рекла пред сите во класот дека ќе го убие „и ќе го направи истото што се случи во Арас“.
„Тогаш никој не ја сфати сериозно“, вели ученикот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.
Европа
Будимпешта се подготвува за пристигнувањето на водениот бран
Во Будимпешта, властите ги зголемија прогнозите за нивото на водата и предвидоа дека Дунав ќе се искачи над 850 сантиметри во втората половина на оваа недела, приближувајќи се до рекордот од 2013 година од 891 сантиметар.
„Според прогнозите, една од најголемите поплави во последните години се приближува кон Будимпешта, но ние сме подготвени да се справиме со тоа“, најави градоначалникот на Будимпешта Гергели Карачони.