Македонија
Адеми оствари видеосредба со своите колеги од Италијанскиот парламент, се разговараше и за билатералната соработка
![](https://makfax.com.mk/wp-content/uploads/2023/12/ademi.jpg)
Претседателот на Комисијата за европски прашања, Арбер Адеми денес оствари видео средба со Алесандро Џиљо Виња, претседател на Комитетот за ЕУ политики и Џулио Тремонти, претседател на Комитетот за надворешни работи, како и со членовите на двете тела. Имено, тие информираа дека на седница на Комитетот за ЕУ политики и Комитетот за надворешни работи при Домот на пратеници разгледале и дебатирале за четири важни резолуции во врска со поддршката на Италија на процесот на проширување на ЕУ кон земјите од Западен Балкан.
Претседателот Адеми се заблагодари за принципиелните позиции на Италија и целокупната поддршка за евроинтегративниот процес на Република Северна Македонија. Адеми ги запозна соговорниците со актуелните случувања во земјава, која се наоѓа пред формирање на техничка влада во пресрет на парламентарните и претседателските избори, а на европскиот пат се соочува со вето од Бугарија, кое бара промена на Уставот. Во однос на релациите со Италија, истакна дека имаме добра соработка, која може секако да се надгради.
Претседателите на Комитетот за ЕУ политики и Комитетот за надворешни работи на Италијанскиот парламент, ја изразија целосната поддршка на нивната земја кон Северна Македонија, нагласувајќи дека Италија може да обезбеди помош во однос на пристапувањето во ЕУ преку зајакнување на севкупната соработка.
На видеосредбата се направи размена на мислења, се претставија перспективите и критичните прашања поврзани со патот на нашата земја кон пристапувањето во ЕУ, како и во однос на транспонирањето на acquis communautaire, така и во однос на поддршката на јавното мислење.
На видео средбата се разговараше и за билатералната соработка и можностите за нејзино унапредување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Возачот не е повреден а заглавениот камион е извлечен, соопшти ЦУК
![](https://makfax.com.mk/wp-content/uploads/2023/02/policija-2.jpg)
Возачот на камионот не е повреден и нема никакви посериозни штети направено на камионот, информира ЦУК откако претходно беше објавено дека преку единствениот повикувачки број за итни случаи 112 во ЦУК била добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Конкретно, заглавениот камион на патот кај Росоман кон Прилеп, на место викано „Камен Дол“ близу кај ресторанот „Јавор“ е извлечен од страна на ТППЕ Кавадарци со екипа од три пожарникари и две ПП возила. Камионот бил заглавен и во кал со предните две тркала“, велат надлежните.
Македонија
ЦУК: Заробен возач во заглавен камион на патот меѓу Росоман и Прилеп
![](https://makfax.com.mk/wp-content/uploads/2021/06/85020985.jpg)
Преку единствениот повикувачки број за итни случаи 112 во ЦУК е добиена пријава за камион што се заглавил меѓу паднати дрвја кај ресторанот „Јавор“ на патот помеѓу Росоман и Прилеп.
„Пријавителот побара интервенција на ТППЕ Кавадарци, бидејќи според него, како очевидец кажува дека возачот на камионот е заробен во камионот. Инаку, јавувачот беше известен дека ТППЕ Кавадарци имаат екипа подолу од нивната локација и дека веднаш ќе се упатат на местото.
Регионалниот ЦУК Велес го следи случајот и извести дека екипа од ТППЕ со 1 ПП возило и 2 пожарникари веќе се упатени на местото на настанот и кога ќе завршат со интервенцијата, дополнително ќе не известат“, информира Центарот за управување со кризи.
Македонија
ЦУК: Падна карпа на булеварот „Никола Карев“ после влезот на касарната „Илинден“, во Скопје
![](https://makfax.com.mk/wp-content/uploads/2024/06/Screenshot-2024-06-27-214830.jpg)
Преку единственствениот повикувачки број за итни случаи 112 во ЦУК била добиена пријава за падната карпа на булеварот „Никола Карев“ после влезот на Касарна „Илинден“, во Скопје.
„Регионалниот ЦУК Скопје известува дека веднаш ги информирале надлежните од Град Скопје за итниот случај, по што ќе превземе мерки Градот преку своите служби“, соопштија од центарот.