Македонија
Лукаревска: Со успешната мерка „Мој ДДВ“ вративме над 100 милиони евра кај граѓаните
![](https://makfax.com.mk/wp-content/uploads/2023/12/14122023-Лукаревска-Трибина-2.jpeg)
Заменик претседателката на СДСМ, Сања Лукаревска на трибината „Повеќе за сите“ во скопски Аеродром истакна дека 540 илјади кограѓани кои редовно скенираат фискални сметки се најсилна потврда за успешноста и значајноста на мерката „Мој ДДВ“.
„540 илјади корисници, граѓани кои редовно скенираат фискални сметки се најсилна потврда за успешноста и значајноста на оваа мерка. Од една страна враќаме пари кај граѓаните, а од друга се бориме против сивата економија. Ќе продолжам да се борам и понатаму, оваа мерка да биде најдоброто нешто од сите мерки коишто досега сме ги реализирале“, рече Лукаревска.
Во новата програма којашто ја пишуваме и која знам дека ќе биде најдобра, победничка програма ќе одиме уште еден чекор напред за оваа мерка, затоа што граѓаните заслужуваат повеќе, додаде таа.
„Програмата на СДСМ има реализација од 90%. Ја пишуваме и новата победничка програма на СДСМ за изборите 2024 година. Можам да најавам дека лимитот за поврат на ДДВ дополнително ќе го зголемиме, максимално можно, затоа што и во новата програмата на пиедестал го ставаме граѓанинот кој со СДСМ добива повеќе“, рече Лукаревска.
Ако во времето на ДПМНЕ редовноста на повратот на ДДВ иако беше законска обврска а не се враќаше, ние редовно ги враќаме, над 40 милијарди денари годишно, редовноста на повратот ја имаме зголемено за 76,5%, додаде таа.
На нашата економија и е потребна стабилна политика и европска иднина, блокадите на ДПМНЕ и штетат на економијата, децидна беше Лукаревска.
„Блокадата на европскиот пат има име и презиме, тоа е ДПМНЕ. Но радосна вест за државата никогаш не била радосна вест за опозицијата, таа е заглавена во нивната деструкција, блокада на државата. Затоа ќе бидат поразени на претседателските и парламентарните избори“, рече Лукаревска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Почина поранешниот пратеник на СДСМ, Миле Андонов
![](https://makfax.com.mk/wp-content/uploads/2024/06/pratenik.jpg)
На 62-годишна возраст, денес во Кочани, почина поранешниот пратеник од редовите на СДСМ, Миле Андонов.
Неговите сопартијци се збогуваа со него на социјалните мрежи.
„Сочувство до семејството, роднините и пријателите на трагично починатиот Миле Андонов, наш почитуван другар и сопартиец. Андонов даде значен придонес во развојот на Кочани, но и во политичко-економскиот живот во земјата, како пратеник во Собранието од редовите на СДСМ, но и како силен поддржувач на реформските процеси, на прогресивните, социјалдемократски политики. Нека почива во мир“, се наведува на страницата на СДСМ на „Фејсбук“.
Тој беше дипломиран економист, а во три мандати, во периодот од 2008 до 2016 година беше дел од пратеничката група на СДСМ.
Македонија
Парада на гордоста во Скопје под мотото „спектакуларно непослушни“
![](https://makfax.com.mk/wp-content/uploads/2024/06/parada-na-gordosta-skopje.jpg)
Под мотото „Спектакуларно непослушни!“ вечерва во Скопје се одржува петтата Парада на гордоста.
Учесниците се собраа во паркот „Жена-борец“, по што го почнаа протестниот марш низ градските улици кој завршувa на стадионот на АРМ во Градскиот парк со богата музичка програма.
Организаторите велат ова е еден ден кога ЛГБТИ луѓето можат да бидат видливи, свои и автентични.
Македонија
(Видео) Ковачевски: Владината Програма во делот на економијата е општа, без бројки за просечната и минималната плата
![](https://makfax.com.mk/wp-content/uploads/2024/06/thumbnail_Димитар-Ковачевски.jpg)
Во владината програма има неконзистентни делови и ставови. Што се однесува до економијата која е најзначајна за едно општество, најавите се општи, без конкретни бројки за зголемување на просечната и минималната плата, рече претседателот на СДСМ и пратеник во македонското Собрание, Димитар Ковачевски во денешното обраќање.
-Добро е што има продолжување на досегашните владини политики за поддршка на инвестициите и за македонските компании. За разлика од периодот до 2016 година кога од страна на ВМОР-ДПМНЕ беа поддржувани само странски компании. Но има неконзистентност во ставовите на ВМРО-ДПМНЕ да не се зголемува задолжувањето на државата. Сега кога заврши кризата несоодветно и неконзистентно е да се најавува зголемување за 8% на националниот долг на Македонија. Со каматите некаде на крајот на тој период ќе дојде до 10% зголемување на јавниот долг. Неконзистентност од јавно декларирање за не зголемување на долгот кон зголемување на долгот од 10% веднаш при доаѓањето на новата Влада, рече Ковачевски.
Во делот на инфраструктурата сите предложени елементи во делот на програмата се продолжување на сите стратешки проекти на досегашната Влада предводена од СДСМ, додаде Ковачевски.
-Тука пред се мислам на Коридорот 8 и Коридорот 10Д коишто исто така од ВМРО-ДПМНЕ беа квалификувани како криминални проекти, изведувачите беа квалификувани како криминални организации. Дури како што ја читам програмата провејува дека ќе им бидат доверени и други проекти, додаде Ковачевски.
Во однос на персоналниот состав на Владата, Ковачевски посочи дека од сегашното владино мнозинство беа искажувани негативни лични квалификации за луѓе кои сега се предложени за министри, како што е примерот со Таравари.
-Укажав на тројца пратеници дека давање лични квалификации не е добро. Со оглед на тоа дека господинот Таравари беше најнапаѓан за политичка корупција. Им укажав дека неговата политичка траекторија имплицира дека еден ден ќе треба да гласаат за него. Сега доаѓа тој ден кога ВМРО-ДПМНЕ ќе треба да гласа за Таравари за министер за здравство, рече Ковачевски.