Свет
Студен бран ја погоди Кина, затворени автопатишта
Бран студено време, кој зафати поголем дел од Кина, со температури под нулата, ги принуди властите да ги затворат автопатите или да го ограничат сообраќајот во неколку провинции по повеќекратните несреќи на замрзнатите делови од патот.
Според прогнозата на кинескиот Национален метеоролошки центар, температурите се очекува да се спуштат под минус 40 Целзиусови степени во делови од североисточната провинција Хејлонгџијанг и северозападниот регион Ксинџијанг, како и во провинциите Внатрешна Монголија и Гансу и Чингхај.
Студениот бран почна на почетокот на неделата и се движи од северот на Кина кон југ, температурите се очекува да се спуштат уште пониско во текот на викендот, а метеоролозите предвидуваат дожд и снег, пренесува „Ројтерс“.
Траектите и некои автобуси се привремено суспендирани во Шангај, каде што се очекуваат температури околу минус 6 степени во текот на викендот.
Пекинг и провинциите Џијангкси и Шанкси исто така презедоа мерки за зачувување на овошјето и зеленчукот од смрзнување, јавуваат кинеските државни медиуми, пренесува „Танјуг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Нови детали за трагедијата во Иран: технички дефект е причина за падот на хеликоптерот, јавуваат иранските медиуми
Причината за падот на хеликоптерот во кој се наоѓаше иранскиот претседател Ебрахим Раиси е технички дефект на леталото, јавува иранската агенција ИРНА.
„Раиси загина во неделата како последица на хеликоптерска несреќа што се случи поради технички дефект на леталото“, се наведува во извештајот на иранската државна новинска агенција.
ИРНА не ја прецизираше природата на дефектот на хеликоптерот, објави ТАСС.
Екипите за пасување со часови ја пребаруваа нерамната површина од густа шума низ дожд и магла пред да го пронајдат местото на несреќата. Немаше преживеани.
Хеликоптерот со претседателот Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Регион
Вучиќ изрази сочувство за смртта на Раиси
Претседателот на Србија, Александар Вучиќ, изрази сочувство до народот и владата на Иран во врска со смртта на претседателот на таа земја, Ебрахим Раиси.
„Изразувам сочувство до народот и владата на Исламската Република Иран за смртта на претседателот Ебрахим Раиси, искрен и доследен пријател на Србија“, напиша Вучиќ на својот профил на мрежата Х.
Хеликоптерот со Раиси и министерот за надворешни работи Хосеин Амир-Абдолахиан се урна во неделата во северозападниот дел на Иран, во областа Верзеган, а покрај двајцата загинаа уште шест лица.
Свет
Хелокоптерот во кој загина иранскиот претседател не емитувал никаков сигнал
Хеликоптерот што се урна додека ги превезуваше претседателот и министерот за надворешни работи на Иран немал вкучено сигнален систем или не поседувал, изјави турскиот министер за транспорт Абдулкадир Уралоглу.
Уралоглу им рече на новинарите дека провериле дали има сигнали од хеликоптерот откако слушнале дека се урнал.
„Но, за жал, мислиме дека најверојатно сигналниот систем бил исклучен или хеликоптерот го немал тој сигнален систем бидејќи ние сигурно ќе ги видиме тие сигнали, но немаше“, рече тој.