Спорт
УЕФА листа: Шкендија 174., Шкупи 178,, Македонија е на 50.место
Foto/ kfshkendija.com
Фудбалерите на Манчестер сити се први на најновата листа на клупски коефициенти. Кога станува збор за националниот коефициент, убедливо прва на УЕФА листата е Англија. Македонија на оваа листа е на 50.место, додека од клубовите најдобар рејтинг има Шкендија (174. место).
Актуелните шампиони на Европа, Манчестер сити, со коефициент 141.000 зад себе ги оставија Баерн (136.000), Реал (123.000), ПСЖ (108.000) и Ливерпул (103.000).
Од македонските клубови најдобар рејтинг има Шкендија (174), следуваат Шкупи (178), Струга (328), Македонија ЃП, Силекс, АП Брера, Ренова.
Кога станува збор за националниот коефициент, Англија е убедливо прва со 98.803 поени, Шпанија е втора (85.614), Италија е трета (82.141), Германија е четврта (79.909), а Франција е петта (60.831).
На оваа листа, во конкуренција на 55 држави, Македонија се наоѓа на 50.место. Зад Македонија се само Андора, Велс, Црна Гора, Гобралтар и Сан Марино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Алонсо се збогуваше со Леверкузен: „Разговарав со играчите“
Веќе нема никаква дилема, Чаби Алонсо јавно потврди дека ја напушта клупата на Баер Леверкузен и дека ќе стане нов тренер на Реал Мадрид.
Официјална потврда дојде и од главниот актер.
На прес-конференцијата пред натпреварот од Бундеслигата против Борусија Дортмунд, Алонсо откри пред јавноста дека веќе разговарал со играчите и дека ќе се збогува со клубот во преостанатите два натпревари од сезоната.
„Оваа недела, клубот и јас се согласивме дека ова ќе бидат моите последни два натпревари во Леверкузен. Ова е вистинско време да го објавам тоа бидејќи секогаш имавме добра комуникација. Мораме да уживаме во овој момент со измешани емоции. Разговарав со играчите и персоналот, не беше лесно. Имавме одличен однос и тоа беше клучот. Тие веруваа во мене и ме следеа. Сакам да се збогувам на вистински начин овој викенд“, рече Алонсо.
Алонсо, поранешен шпански репрезентативец, играше за Реал Мадрид од 2009 до 2014 година за време на својата играчка кариера и освои бројни трофеи со Реал, вклучувајќи ја и Лигата на шампионите во 2014 година.
Спорт
Мекалистер прогласен за играч на месецот во Премиер лигата

Мекалистер постигна два гола и имаше една асистенција во пет натпревари од Премиер лигата во април, со што за прв пат ја освои наградата за играч на месецот во Премиер лигата.
Ливерпул забележа четири победи и еден пораз во тој период, а исто така ја обезбеди и титулата откако изгради непобедлива предност пред Арсенал.
Менаџерот на Вулверхемптон Вондерерс, Витор Переира, е прогласен за менаџер на месец април во Премиер лигата.
Переира за прв пат ја освои наградата за најдобар тренер на месецот во Премиер лигата.
Вулверхемптон минатиот месец забележа пет победи од исто толку натпревари и го обезбеди опстанокот во Премиер лигата.
Спорт
Ѓоковиќ доби вајлд-карта – ќе се бори за 100-тата титула на АТП-турнирот во Женева

Настанот е закажан за неделата пред Ролан Гарос, од 17 до 24 мај.
🚨 BREAKING ! Novak Djokovic accepte une wild-card pour disputer le tournoi ATP 250 de Genève 🇨🇭 la semaine avant Roland-Garros. 🎟️
(@tdgch) pic.twitter.com/izKEVCEz4A
— Univers Tennis 🎾 (@UniversTennis) May 9, 2025
За потсетување, Ѓоковиќ претходно се повлече од Мастерсот во Рим, без многу објаснувања, по неколку неочекувани порази во првите кола на големите турнири.
Минатата година, Новак стигна до полуфиналето во Женева кога беше елиминиран од Томас Махач. Оваа година, Ѓоковиќ ќе се соочи со Тејлор Фриц, Каспер Руд, Григор Димитров, како и со Махач и други како негови конкуренти за титулата.
Србија ќе има уште еден претставник, бидејќи Миомир Кецмановиќ, исто така, ќе биде во главниот состав.