Спорт
Реал и Барселона ја канат Црвена звезда во европската Суперлига
Реал Мадрид и Барселона се уште не се откажуваат од формирањето на европската Суперлига. Како што пренесува „Мундо Депортиво“, дозвола се бара преку судот.
Доколку пресудата биде позитивна, место во конкуренција би добила и Црвена звезда.
Потенцијалните организатори планираат да вклучат 60 клубови во системот, а клубови како Црвена Звезда, Андерлехт, ПСВ, Феенорд би биле вклучени преку неколку дивизии, пишува „Мундо Депортиво“.
Барса и Реал засега немаат јавна поддршка од останатите големи европски клубови. Сè укажува на победа на УЕФА и одбрана на интегритетот на фудбалот.
Сослушувањето во Европскиот суд на правдата е закажано за четврток на 21 декември, а во случај на позитивна пресуда, тогаш несомнено би се вратиле и другите великани.
Основањето на европската Суперлига беше најавено во пролетта 2021 година, со разработен систем на натпреварување и можност за голема заработка.
Тогаш идејата ја претставија Јувентус, Реал Мадрид, Милан, Барселона, Ливерпул, Манчестер јунајтед, а поддршка дадоа Манчестер сити, Арсенал, Тотенхем, Челзи, Атлетико Мадрид и Интер.
За претседател е избран Флорентино Перез, актуелниот прв човек на Реал Мадрид.
УЕФА и претседателот Александар Чеферин ја добија првата „битка“ и успеаја да ја задржат Лигата на шампионите и елитниот фудбал во свои раце, поради што голем број на клубови ја напуштија оваа идеа, на крајот останаа само Реал и Барса.
Во таборот на Црвена звезда беа против формирањето на европската Суперлига, за што во април 2021 година говореше и генералниот директор Звездан Терзиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.