Спорт
(Видео) Феникс го победи Вашингтон, Милвоки славеше над Хјустон, Кари не погоди ниту една тројка
Милвоки Бакс, Феникс Санс и Голден стејт Вориорс забележаа победи во НБА лигата.
Феникс, предводен од Кевин Дурент, Девин Букер и Јусуф Нуркиќ го скрши отпорот на Вашингтон Визардс 112:108.
Дурент постигна 28 поени, имаше и по пет скока и асистенции, додека Букер постигна 27 поени, осум асистенции и четири скока. Нуркиќ мечот го заврши со шест поени, 17 скока и седум асистенции. Даниел Гафорд се истакна кај Вашингтон со 26 поени и 17 скока.
Милвоки на домашен терен победи над Хјустон, 128:119.
Ова е четврта последователна победа за Бакс, додека „Ракетите“ ја прекинаа серијата од пет победи.
Најефикасен на натпреварот беше Демиен Лилард со 39 поени, 11 асистенции и пет скока, а веднаш зад него беше Јанис Адетокумбо. Гркот на вечната листа го мина Карим-Абдул Џабар. Ја предводи франшизата според бројот на скоковите. Од претходно Адетокумбо е прв на клупските листи уште во две категории, поени и асистенции. Во историјата тоа им успеало само на Мајкл Џордан (Чикаго Булс), Леброн Џејмс (Кливленд Кавалирс) и Кевин Гарнет (Минесота Тимбервулвс).
На другата страна, Фред Ван Влит постигна 22 поени и шест асистенции, Алперен Шенгун, постигна 20 поени, осум скока и пет асистенции.
Голден стејт Вориорс славеа во Портланд со 118:114.
Стеф Кари не постигна ниту една тројка од осум обиди. Најдобриот шутер во историјата на НБА лигата ја прекина серијата од 268 натпревари на кои постигнал најмалку една тројка. Серијата ја започна пред пет години во Детроит. Ворирос до победата ги предводеа Клеј Томпсон со 28 поени и Ендрју Вигинс со 25 поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јовиќ си оди од Милан
Српскиот репрезентативец Лука Јовиќ не е во плановите на тренерот на Милан, Пауло Фонеска, а големи се шансите тој да го напушти „Сан Сиро“ во зимскиот преоден рок.
Ова го тврди познатиот италијански новинар Никола Шира, кој нагласува дека поранешниот центарфор на Реал Мадрид бил блиску до заминување од клубот летово, но дека ги одбил сите понуди.
Центафор Милан сезонава одигра само два натпревари во дресот на клубот од „Сан Сиро“ и собра скромни 64 минути на теренот, без конкретен статистички учинок.
Португалскиот тренер, чија позиција исто така не е сигурна, има многу поголема доверба во некои други играчи, па медиумите на Апенините пишуваат дека сето тоа упатува на сигурна разделба во зимскиот преоден рок, особено што актуелниот договор истекува во јуни следната година и Јовиќ може во јануари да преговара со други клубови.
Спорт
Платини предложи револуционерна промена во фудбалот
Легендата на францускиот и светскиот фудбал, Мишел Платини предложи револуционерна промена. Тој иднината на фудбалот ја гледа во игра10 на 10, а не 11 на 11.
Платини, поранешниот претседател на Европската фудбалска унија, оцени дека натпреварите би биле поатрактивни за гледачите доколку во тимот има десет играчи и дека тоа би создало повеќе простор за игра.
„Можеби треба да повлечеме еден играч и да имаме тим со десет луѓе. Со 11 играчи се игра од 1900 година, но тогаш имаше помалку трчање. Играчите не беа толку силни и играа побавно“, рече Платини.
Платини изрази жалење за досегашниот развој на фудбалот.
„Луѓето од мојата генерација повеќе не гледаат фудбал затоа што не се пронаоѓаат себе си во ваквата игра. Денес има повеќе додавања наназад отколку напред, а во посед на топката има многу додавања. Не критикувам. Но луѓе од мојата генерација кои доживеале поофанзивен фудбал, не сакаат да гледаат таква игра“, додаде славниот Платини.
Спорт
Италијанската полиција го забрани доаѓањето на навивачите на Звезда
Фудбалерите на Црвена звезда ќе имаат две гостувања во Милано како дел од групната фаза од Лигата на шампионите – на 1 октомври гостуваат кај Интер, а на 11 декември со Милан. Сепак, како што е наведено на официјалниот сајт на српскиот шампион, симпатизерите на белградските црвено-бели нема да смеат да присуствуваат на Сан Сиро.
Причината за забраната за пристигнување на навивачи од Србија на натпреварот е конфронтацијата меѓу симпатизерите на Делхи и Рома, па безбедносната проценка е дека мора да се спречи евентуална блиска средба на улиците на Милано или други италијански градови.