Македонија
Герасимовски: Вклучувањето на граѓаните во креирањето на буџетот е значајно за развојот на Центар

Општина Центар, вечерва, од 18 часот, ќе ја одржи втората сесија од буџетските форуми. Состанокот ќе се одржи во ООУ „Киро Глигоров“, каде шпо ќе биде претставен и разгледан нацрт-буџетот на 2024 година и ќе бидат дискутирани проектите што граѓаните ги предложија на првата средба на буџетските форуми. Градоначалникот Горан Герасимовски ги поканува граѓаните да се вклучат во реализацијата и креирањето политики во локалната самоуправа.
„Мислењето на граѓаните ни е исклучително важно, затоа нивното вклучување во креирањето на буџетот е многу значајно за развојот и унапредувањето на животот во Центар. Ние ќе се фокусираме на нивните барања според приоритети во рамките на можностите на буџетот. Затоа ги поздравувам проектите што ги предложија и ние ќе ги разгледаме за некои од нив, секако, според нивната важност, да ги вметнеме во буџетот в година. На втората и завршна сесија исто така сме отворени за нови предлози за конечно прецизирање на буџетот“, порачува Герасимовски.
На буџетските форуми, покрај градоначалникот Герасимовски и граѓаните на Центар, свое учество земаат и раководителите на сите сектори на општинската администрација, кои ќе одговараат на прашањата на граѓаните во однос проектите што се предлагаат и советници во Советот на Општината. Минатата недела Општина Центар ја стави во функција алатката „Мој буџет“ со цел граѓаните направат преглед на приходите и расходите во нацрт-буџетот на Општина Центар за 2024 и ги изменат проектираните средства за одредена ставка според нивно видување. Вклучувањето на граѓаните во креирање на програмите и проектите ќе го направат поквалитетен животот за сите граѓани што живеат во општината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
За три дена, 109 повредени од Кочани доставиле барања и предлози на телефонската линија на Владата

109 граѓани за три дена од пуштање на телефонската линија за повредените лица и нивните семејства, која е во директна комуникација со Канцеларијата на Ппретседателот на Владата, ја искористиле можноста и доставиле свои барања и предлози, соопштија од Владата.
Од таму велат дека тоа покажува дека оваа телефонска линија дава резултат и дека Владата е отворена за секаква сугестија и идеја.
„Како Влада преку низа на мерки помагаме за помош на повредените и нивните семејства. Ова е заедничка борба и нема да отстапиме од неа, бидејќи секој граѓанин има право на соодветна здравствена заштита и медицинска нега, токму поради тоа како Влада донесовме одлука за рехабилитација во Пониква на повредените лица кои се во стабилна здравствена состојба, но им е потребна дополнителна медицинска услуга. Тим на лекари од 10 јуни до 20 август во рехабилитацискиот центар Пониква на сите лица ќе им пружат дополнителна медицинска грижа, но и психолошка поддршка“, велат од Владата.
Од таму ги повикуваат и ги охрабруваат сите повредени лица кои се засегнати да се јават на телефонскиот број 070/355-526 и да ги изразат своите барања и потреби.
Македонија
Сончево време, попладне локален дожд

Времето денеска ќе биде сончево со мала до умерена облачност. Попладне ќе има услови за локален развој на нестабилна облачност со пороен дожд и грмежи. Ќе дува слаб ветер од променлив правец. Минималната температура ќе биде во интервал од 12 до 20, а максималната ќе достигне од 26 до 35 степени.
Во Скопје, сончево со мала до умерена облачност. Ќе дува слаб ветер од северен правец. Минималната температура ќе се спушти до 17, а максималната ќе достигне до 34 степени.
Од денеска следува период на стабилно и сончево време со мала до умерена локална облачност. Дневните температури ќе бидат без значителни промени.
Македонија
Мурал од балкански рис исцртан на фасадата на Театар Комедија

Со мурал од балкански рис и мала прослава, Македонското еколошко друштво вчера го прослави Светскиот ден на рисот.
„Конечно најдовме дом за муралот, најдовме и артист кој го нацрта, и најдовме човек кој има визија и кој е отворен за соработка, а тоа е директорот на Театар Комедија – Дарко Спасов. Целта ни е со овој мурал да ја подигнеме јавната свест, не само на рурално туку и на урбано ниво. Кога работите ќе згуснат ни треба секаква поддршка, од секоја популација“, изјави раководителот на Програмата за закрепнување на балканскиот рис, Диме Меловски.
Тој се заблагодари на поддршката од Театар Комедија и директорот Дарко Спасов.
„Велат исти птици во исто јато летаат“, вели директорот Спасов, кој го изрази своето задоволство од соработката со Македонското еколошко друштво.
Освен муралот на фасадата на Театар Комедија, пред објектот поставена е и инфо табла со основните податоци за рисот, како и QR код кој води до новата интернет страница посветена на балканскиот рис: balkanlynx.com.
По поздравните обраќања, присутните членови и соработници на МЕД, се упатија кон Бистро Комедија каде што во неформална атмосфера имаа прилика да поразговараат за досегашните постигнувања, но и да разменат идеи и предлози за идни активности.