Спорт
Историјата ја фаворизира Џирона

Екипата на Џирона игра брилијантно во тековната сезона од шпанската Ла Лига. Тимот од стадионот „Монтилви“ кој е во сопственост на „Сити фудбал груп“ од Обединетите Арапски Емирати беше хит на почетокот на првенството, а по 17 рунди, Каталонците се уште се на врвот на табелата во Примера.
Тие во понеделникот на домашен терен убедливо го победија Алавес со 3:0 (2:0) и ја забележаа 14. победа во сезоната. На табелата црвено-белите се пред гигантите Реал Мадрид, Барселона и Атлетико Мадрид.
Џирона по 17 кола има освоено 44 бода. Последните четири пати кога еден тим освоил толку бодови во овој дел од сезоната, три пати на крајот ја освојувал титулата.
Барселона во сезоната 2008/2009. имаше 44 поени и стана шампион, Реал во сезоната 2010/2011 не беше шампион, Атлетико ја освои титулата во сезоната 2020/2021, а истото го направи Барселона минатата сезона.
Дали избраниците на тренерот Мичел можат да направат сензација во светот на фудбалот? Ако тоа се случи, дали ова ќе биде поголемо изненадување од титулата на Лестер во 2016 година?
44 – Girona have won 44 points in LaLiga 2023/24 (W14 D2 L1). Three of the last four teams to have exactly 44 points after their opening 17 games were champions:
✅ Barcelona 2008/09
❌ Real Madrid 2010/11
✅ Atlético de Madrid 2020/21
✅ Barcelona 2022/23Thrill. pic.twitter.com/1VXbpTijG7
— OptaJose (@OptaJose) December 18, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сон е подготвен да го напушти Тотенхем

Капитенот на Тотенхем, Сон, не е сигурен дека ќе остане во клубот. Кореецот има договор со клубот и за следната сезона. Клубот нема да му стои на патот доколку донесе одлука да го напушти Лондон.
„Имам уште една година од договорот. Пред да кажам нешто во овој момент, мислам дека сите треба да почекаме и да видиме што ќе се случи. Но, без разлика каде ќе завршам, секогаш ќе го дадам својот максимум. Тоа никогаш нема да се промени“, рече Сон.
Тој сè уште има повреда на стапалото, но влезе од клупата на натпреварот на Јужна Кореја во Сеул против Кувајт (4:0), во квалификациите за Светското првенство во 2026 година.
Сон рече дека имал проблеми минатата сезона, но дека била посебна поради пласманот на Тотенхем во финалето на Лигата на Европа.
„Знам дека луѓето можеби ќе кажат дека имав разочарувачка сезона, но за мене беше посебна бидејќи играш фудбал за да победиш, само победниците се паметат. Не бев во најдобра форма поголемиот дел од сезоната, но се надевам дека ќе бидам во подобра форма на почетокот на новата сезона“, рече тој.
Спорт
Готово е, Де Брујне ќе потпише за Наполи

Кевин Де Брујне (33) ќе стане нов играч на Наполи, објави Фабрицио Романо. Најпознатиот фудбалски инсајдер напиша „here we go“, што значи дека трансферот е завршен и дека се чека само да биде официјализиран.
Репрезентативецот на Белгија, како слободен играч бараше нов клуб откако му истече договорот со Манчестер сити, каде што стана еден од најдобрите фудбалери во светот.
Се пишуваше дека може да ја продолжи кариерата во МЛС или Саудиска Арабија, но одлучи да остане во Европа и следната сезона ќе игра во Лигата на шампионите со италијанскиот шампион.
„По лекарските прегледи и другите формалности, ќе потпише двегодишен договор со опција за продолжување за уште една сезона“, откри Романо.
Финснаките детали се уште не се познати, но италијанските медиуми претходно пишуваа дека Наполи му понудил 27 милиони евра за три сезони.
Кариерата, Де Брујне ја започнал во Генк, а потоа играше за Челзи, Вердер и Волфсбург. Дојде во Манчестер сити во 2015 година и долги години беше главен играч на тимот што владееше во Премиер лигата. Со клубот од Манчестер, тој ја освои Лигата на шампионите и уште 17 трофеи.
Одигра 111 натпревари за белгиската репрезентација и постигна 31 гол. „Трансфермаркт“ ја проценува неговата вредност на 20 милиони евра, а неговата највисока вредност според овој портал, специјализиран за фудбалски трансфери, била 150 милиони евра во мај 2018 година.
Спорт
Дурент посакува трејд во Сан Антонио

Кевин Дурент, еден од најдобрите играч во НБА бара начин да го напушти Феникс. Дурент има договор и за следната сезона, според кој треба да заработи 55 милиони долари, меѓутоа минимални се шансите да остане во Аризона.
Според инсајдерот Зак Лоу, Мајами Хит подготвуваат понуда, се обидуваат да состават вистински пакет за размена за да го доведат Дурант во Флорида.
Од друга страна, Дурант наводно ги претпочита Сан Антонио Спарс како прва опција. Тие се подготвени да вклучат тројца играчи во размената.
Спарс беа поврзувани со Јанис Адетокумбо во претходните месеци, па се чини дека тие исто така подготвуваат сериозен потег, покрај својот млад бисер Виктор Вембањама, да донесат суперѕвезда со која тимот би станал конкурентен во борбата за титулата.
Дурант одигра 62 натпревари во регуларната сезона оваа сезона, имаше просек од 26,6 поени, шест скока и 4,2 асистенции по натпревар.
Триесет и седумгодишникот ја започна својата кариера во Оклахома, а играше и во Голден Стејт и Бруклин.