Свет
Американец поминал 48 години во затвор за убиство, не бил виновен

70-годишниот Глин Симонс од САД речиси половина век бил невин во затвор за убиство во 1974 година. Симонс беше затворен 48 години, што е најдолгата казна што невин човек ја издржал во САД, пишува Би-би-си.
Оваа недела, окружниот судија во Оклахома, Ејми Палубо, го прогласи Симонс за невин. Во пресудата се наведува дека врз основа на јасни и убедливи докази судот утврдил дека делото за кое Симонс е осуден и затворен не е извршено од него.
Судија од Оклахома ослободи човек што бил во затвор речиси половина век поради убиство во 1974 година, најдолгата погрешна казна издржана во САД.
Симонс издржа 48 години, еден месец и 18 дена затвор за убиство на Каролин Сју Роџерс за време на грабеж на продавница за алкохол во предградието на Оклахома Сити. Според Националниот регистар за помилување, Симонс е затвореникот со најдолг стаж што бил ослободен.
Симонс имаше 22 години кога тој и кообвинетиот Дон Робертс беа осудени на смрт во 1975 година. Казните подоцна беа намалени на доживотен затвор поради пресудите на американскиот Врховен суд за смртна казна.
Симонс рече дека во моментот на убиството бил во својата родна држава Луизијана. Окружниот суд му ја укина казната во јули оваа година откога утврди дека обвинителите не ги предале сите докази на адвокатите на одбраната, вклучително и дека сведокот идентификувал други осомничени.
Симонс и Робертс беа делумно осудени поради сведочењето на тинејџер, кој бил застрелан во задниот дел од главата. Тинејџерот при полициското идентификување на сторителот покажал кон уште неколку мажи. Робертс беше пуштен на условна слобода во 2008 година.
Погрешно осудените лица што издржуваат казна во Оклахома имаат право на компензација до 175.000 долари. Симонс моментно се бори со рак на црниот дроб. Илјадници долари се собрани преку GoFundMe за покривање на неговите трошоци за живот и хемотерапија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Демократите до секретарот за одбрана на Трамп: „Каде да ги најдеме парите за испраќање војници во Лос Анџелес?“

За време на денешното сослушување во Одборот за доделување средства во Претставничкиот дом, американскиот министер за одбрана Пит Хегсет беше принуден да објасни како ќе се финансира распоредувањето на Националната гарда и маринците во Лос Анџелес, објави Си-ен-ен.
Хегсет рече дека Министерството за одбрана „ќе има можност да покрива итни случаи“ според барањето за буџет за фискалната 2026 година.
Претставничката од Минесота, Бети Меколум, највисоката демократска членка во поткомитетот, го притисна Хегсет за детали за тоа како најновиот потег на администрацијата ќе влијае на буџетот.
„Колкава е моменталната цена на она што се случува во Калифорнија и како тоа ќе влијае на овој буџет или на буџетот според кој моментално работиме?“, праша Меколум за време на денешното сослушување. „Каде, господине, ќе ги најдете средствата во вашиот ограничен буџет за покривање на овие распоредувања за остатокот од оваа фискална година и какви празнини остава тоа?“
I’m proud to say that Pete Hegseth is a Minnesotan.pic.twitter.com/LOIuV8UBuk
— Dustin Grage (@GrageDustin) June 10, 2025
Хегсет првично избегна директен одговор, повторувајќи дека верува оти Службата за имиграција и царина „има право безбедно да спроведува операции во секоја држава и јурисдикција во земјата“, осврнувајќи се на протестите во Минеаполис во 2020 година, кога, според него, Националната гарда била мобилизирана „премногу доцна“.
Мекколум и републиканскиот претставник Кевин Калверт од Калифорнија, претседател на поткомитетот, го натераа дополнително да даде одговор.
Хегсет на крајот одговори дека според новото барање за буџет, Министерството за одбрана „ќе има средства за покривање на вонредни состојби, особено оние важни како одржувањето на законот и редот во голем американски град“.
Свет
(Фото) Маринците пристигнаа во Лос Анџелес

Стотици американски маринци пристигнаа во Лос Анџелес, а подоцна денес се очекуваат уште, по наредба на претседателот Доналд Трамп, кој претходно распореди 4.000 војници на Националната гарда за да ги смират протестите и покрај противењето на локалните лидери.
Немирите беснеат во градот со денови откако администрацијата на Трамп започна серија имиграциски рации во петокот, иако локалните власти изјавија дека протестите вчера биле во голема мера мирни.
Marines with 2nd Battalion, 7th Marines, who were placed in an alert status over the weekend to support #USNORTHCOM mission, prepare to depart for the greater Los Angeles area June 9. pic.twitter.com/xUDw0byvqd
— U.S. Northern Command (@USNorthernCmd) June 9, 2025
Околу половина од околу 700 маринци на кои Трамп им нареди да влезат во Лос Анџелес пристигнаа доцна синоќа, а останатите ќе влезат во градот денес, изјави американски функционер за Ројтерс.
Карен Бас, градоначалничката на Лос Анџелес, изјави за телевизијата KABC дека повеќе од 100 лица биле уапсени во понеделник, но дека повеќето од демонстрантите биле ненасилни.
Во текот на викендот, демонстрантите фрлаа камења и други предмети кон полицајците и возилата и запалија неколку автомобили. Полицијата одговори со шок бомби и солзавец.
Европа
ЕУ подготвува нов удар врз Путин, објавени се деталите

Европската комисија (ЕК) денес предложи 18-ти пакет санкции против Русија, главно насочени кон руските приходи од енергија и банкарскиот сектор.
„Предлагаме 18-ти пакет строги санкции, насочени во суштина кон два сектора, рускиот енергетски сектор и банкарскиот сектор. Ги прошируваме забраните за извоз и ги зајакнуваме мерките против заобиколување на санкциите“, изјави претседателката на ЕК, Урсула фон дер Лајен.
Извршното тело на ЕУ за прв пат предлага забрана за трансакции со гасоводите „Северен тек 1“ и „Северен тек 2“, како и намалување на максималната цена по која може да се продава руска нафта од 60 на 45 долари за барел.
Намалувањето на максималната цена за продажба на руска нафта е мерка усвоена од групата Г7, која ќе разговара за тоа на самитот во Канада оваа недела.
Новиот пакет санкции вклучува дополнителни 77 бродови кои се дел од таканаречената руска флота во сенка, бродови кои пловат под знамиња на трети земји и кои ги користи Русија за заобиколување на санкциите. На листата веќе има 342 брода.
Фон дер Лајен изјави дека на почетокот на војната, руските приходи од извоз на енергија во Европа изнесувале 12 милијарди евра месечно, но благодарение на досегашните санкции, тие паднале на 1,8 милијарди евра. „Тоа е сè уште премногу“, рече таа, додавајќи дека една третина од приходите на Русија доаѓаат од продажба на нафта.
Во банкарскиот сектор, ЕК ја проширува забраната за пристап до SWIFT, систем за размена на комуникации меѓу банките, до целосна забрана за трансакции.
Се предлага и забрана за извос во Русија во вредност од над 2,5 милијарди евра, што би го оневозможило пристапот на руската економија до критични технологии и индустриски стоки, вклучувајќи машини, метали, пластика и хемикалии.
Со неа се ограничува и извозот на стоки и технологии со двојна употреба што се користат за производство на беспилотни летала, ракети и други системи за оружје. Санкциите се насочени и кон 22 руски и странски компании кои обезбедуваат директна или индиректна поддршка на рускиот воено-индустриски комплекс.
Земјите-членки, кои треба едногласно да го потврдат пакетот санкции, започнуваат дискусии за предлогот оваа недела.