Свет
Чешката полиција за масовниот убиец: Бил инспириран од терористички напад во Русија

Дваесет и четиригодишниот чешки студент Давид К. уби повеќе од 15 и повреди најмалку 24 лица на својот универзитет во Прага пред да биде елиминиран, соопшти чешката полиција.
„Имаме многу свежи непотврдени информации од профил на социјалната мрежа дека наводно бил инспириран од терористички напад во Русија што се случи неодамна“, изјави началникот на полицијата Мартин Вондрашек пред новинарите, додавајќи дека напаѓачот легално поседувал неколку огнени оружја.
„Тоа бил однапред испланиран ужасен чин кој почнал во областа Кладно и, за жал, заврши тука“, додаде тој.
Се истражува дали напаѓачот е убиен од полициски куршум или си го одзел животот, изјави Вондрашек.
Полицијата го спречи пристапот до плоштадот и просторот до зградата на карловиот универзитет, кој се наоѓа во центарот на градот, на околу 500 метри од историскиот Карлов мост.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.