Свет
Хамас: Нема повеќе ослободување заложници додека Израел целосно не ја заврши војната
Хамас, милитантната група што го контролира Појасот Газа, вели дека нема да има дополнително ослободување на заложниците додека Израел не се согласи на „целосен прекин на агресијата“, пренесува Би-би-си.
Израел соопшти дека убиле повеќе од 2.000 борци на Хамас во Газа по прекинот на огнот со кој беа ослободени повеќе од 100 заложници. Се верува дека околу 120 луѓе киднапирани на 7 октомври сѐ уште се во заробеништво во Газа.
Продолжуваат напорите во Обединетите нации да се донесе резолуција за војната.
САД рекоа дека сè уште имаат сериозна загриженост за нацрт-резолуцијата на Советот за безбедност на ОН, а гласањето сега е одложено до петок.
Еднонеделниот прекин на огнот овој месец донесе и зголемен проток на помош во Газа, каде што ОН предупредија дека населението е во опасност од глад доколку продолжи војната меѓу Израел и Хамас. Преговорите за ново примирје се во тек во Каиро, Египет, иако првичните разговори во средата не постигнаа договор.
„Постои палестинска национална одлука дека нема да има разговори за затвореници или договори за размена, освен по целосен прекин на агресијата“, се вели во соопштението на Хамас, пренесе Би-би-си. Не е јасно на кои други палестински фракции се однесува изјавата. Исламскиот џихад, помала група во Појасот Газа, е една од оние што исто така се познати дека држат израелски заложници.
Изјавата на Хамас ја става израелската влада во тешка позиција бидејќи Израел смета дека најдобриот начин за ослободување на заложниците е да се изврши воен притисок врз Хамас и да се организираат спасувачки операции.
Сепак, досега овој пристап навистина не функционираше. Само еден заложник во ваква акција на Израел е спасен, а тоа е Ори Мегидиш. Исто така, Израел е под притисок на семејствата на заложниците, а некои од нив сметаат дека израелската стратегија не функционира.
Хамас врши притисок врз Израел целосно да ја прекине војната, но без никаква гаранција дека групата ќе престане со своите вооружени акции. Затоа израелската влада не сака да престане да се бори додека не почувствува дека целосно ја деградирала способноста на Хамас, а тоа сè уште не го сторила.
Ова ќе биде огромно разочарување за луѓето од Газа, кои очајно сакаат оваа војна да престане.
Израелскиот извештај за убиството на 2.000 члена на Хамас во Газа овој месец дојде еден ден откако Министерството за здравство на територијата под контрола на Хамас процени дека вкупниот број загинати таму од 7 октомври надминал 20.000. Тие наведуваат дека од таа бројка 8.000 се деца, а 6.200 жени.
Кога Хамас и неговите сојузници го нападнаа Израел на 7 октомври, тие убија 1.200 луѓе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с