Македонија
Финансиската полиција влегува во Град Скопје: Ќе го побараме повикот за украсување за кој зборува градоначалничката, сè друго е тајна поради предистрагата
![](https://makfax.com.mk/wp-content/uploads/2023/12/Finanskiska-Grad-Skopje.jpg)
Инспектори од Управата за финансиска полиција, денес, од градоначалничката на Скопје, Данела Арсовска, ќе го побараат јавниот повик за новогодишното украсување што го добила компанијата што го украсува градот за 30.000 евра, кој не е достапен за медиумите и за граѓаните. Директорот на Управата, Горан Иванов, вели дека екипата тргнува имајќи го предвид тврдењето на градоначалничката дека постои јавен повик, а на што ќе наидат, ќе биде извесно по завршувањето на увидот, кој не е исклучено да трае и повеќе денови.
„Во Град Скопје влегува екипа со оптимален број инспектори за завршување на оваа обврска. Појдовна точка се изјавите на градоначалничката дека постои некаков повик, но за сè друго ќе чекаме да заврши увидот. Сè зависи од она на што ќе наидат инспекторите. Јас во овој момент не би можел да кажам ништо повеќе оти предистрагата е тајна. Токму поради тоа,. во овој момент не можам да кажам ниту дали постапуваме по налог од Обвинителството или по пријава, која може да биде и анонимна. Кога ќе заврши увидот, ќе дадеме и објаснување на забелешките дека увидот го правиме со најава оти се знае од минатиот петок“, вели директорот Иванов за „Макфакс“.
Јавното обвинителство минатата недела, одговарајќи на забелешките на јавноста за новогодишното украсување на Скопје, за кое нема податоци која компанија го прави и како била избрана, посочи дека доколку Управата за финансиска полиција, во чија надлежност е следењето како се трошат народните пари, не оформи предмет, тогаш тие ќе го сторат тоа. По јавната прозивка од Обвинителството, Финансиската полиција се охрабри и соопшти дека денес ќе влезе во Град Скопје.
Градоначалничката Арсовска, откако е дојдена на функцијата, не одговара на прашањата што „Макфакс“ ѝ ги поставува на официјалниот имејл на Град Скопје. Не оговори ниту на прашањата за новогодишното укасување. Со јавноста комуницира еднострано, преку соопштенија, како што и соопшти дека компанија, на која не ѝ го кажа името, за 30.000 евра ќе го украси Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Коце Трајановски ја презеде директорската функција во „Државни патишта“
![](https://makfax.com.mk/wp-content/uploads/2024/07/траја.jpg)
Во просториите на Јавното претпријатие за државни патишта беше извршено примопредавање на директорската функција.
Новиот директор Коце Трајановски ја презеде функцијата од Ејуп Рустеми.
Рустеми го запозна Трајановски со состојбите и функционирањето на претпријатието.
„Денес ја превземав функцијата директор на Јавното претпријатие за државни патишта.
Благодарам за дадената доверба од Претседателот на владата Христијан Мицкоски за да го водам ова јавно претпријатие.
Ќе работам чесно и посветено се со цел да се реализираат што повеќе проекти, кои ќе ги подобрат условите за живот на граѓаните“, напиша Трајановски на социјалните мрежи.
Македонија
Љутков од Велес: Фолклорот нè идентификува и нè поврзува со светот
![](https://makfax.com.mk/wp-content/uploads/2024/07/ИФФ-Велес-2024-2.jpg)
Во Младинскиот парк во Велес, вчеравечер свечено беше отворено 19. издание на Интернационалниот фолклорен фестивал „Велес 2024“.
Во присуство на многубројни гости, Фестивалот за отворен го прогласи министерот Зоран Љутков, кој изрази задоволство што низ годините овој фестивал прерасна во вистински репрезент на фолклорната традиција на народите од повеќе држави во светот, потенцирајќи дека Министерството за култура и туризам останува отворено за поддршка на сите проекти што ја афирмираат културната традиција и посебноста на сите чинители.
– Нема ништо поубаво од тоа од генерација на генерација да се пренесува сето она културно наследство што нè идентификува, што нè прави посебни и препознатливи во европскиот, но и во светскиот културен мозаик. Секоја држава, секоја култура е посебна токму поради шаренилото на културните вредности што имаме обврска да ги чуваме, да ги негуваме и да ги пренесеме на идните генерации – рече Љутков.
Преку настапите на младите уметници, како што рече министерот за култура и туризам, ќе се запознаеме со убавината на фолклорната традиција, музиката, песната и сето она што е обележје на земјите од кои доаѓаат, збогатувајќи го на тој начин културното живеење во Велес.
Честитајќи им на организаторите за посветеноста во реализацијата на Фестивалот, Љутков им посака убав престој во Македонија и во Велес на учесниците, а на посетителите незаборавни мигови со музиката и ората од земјите учеснички.
Љутков изрази уверување дека Меѓународниот фолклорен фестивал „Велес 2024“ и во иднина ќе биде настан на радост и среќа каде што ќе се создаваат спомени кои ќе останат траен запис во историјата на манифестацијата.
Македонија
Средба на претседателот Гаши со посебниот советник за Западен Балкан: Влезот на Западен Балкан во ЕУ треба да се случи што поскоро
![](https://makfax.com.mk/wp-content/uploads/2024/07/gashi-frangesh1.jpg)
Претседателот на Собранието, Африм Гаши, оствари средба со посебниот советник за Западен Балкан, Анжеј Франгеш.
Гаши изрази благодарност за заложбите на Словенија да назначи специјален претставник за Западен Балкан, со што ја потврдува својата посветеност на европската перспектива на земјите од Регионот, вклучително и нашата земја.
Словенија е искрена, пријателска земја, силен поддржувач на евроинтеграциите. Особено се ценат нејзините заложби за одржување на прашањето за проширувањето високо на агендата на Европската Унија.
Влезот на Западен Балкан во ЕУ треба да се случи што поскоро, затоа што и Балканците се Европејци и тоа е во корист не само на овие земји, туку и на самата Унија.
Во таа насока, прашањето за уставните измени како пречка за влез во големото европско семејство треба да се реши што поскоро, а реформскиот процес да продолжи. Помошта и поддршката од посебниот советник Франгеш е добредојдена како одличен познавач на Регионот.
Франгеш на претседателот Гаши му посака успешна работа во новиот мандат, истакнувајќи дека парламентарната демократија е многу важна.
Соговорниците оставија отворена врата за соработка, со почести средби и поактивна улога во наредниот период.