Регион
(Видео) Српскиот министер за внатрешни посети повреден полицаец, снимка на социјалните мрежи покажува дека тој бил удрен од колега
Група студенти и млади што учествуваат на протестите поради, како што тврдат, кражба на изборите на 17 декември, за денеска најавија шестчасовна сообраќајна блокада на две локации во Белград. Тие во 11 часот се собраа на улицата Бирчанинова пред Министерството за државна управа и локална самоуправа, од кое бараат да се овозможи проверка на избирачкиот список, пренесува „Нова.рс“.
Тој протест траеше еден час, колку што му дадоа на Министерството да одговори на нивните барања, по што следува блокада на два патни правца, чии локации не сакаа да ги откријат од безбедносни причини.
Блокадата на патиштата, како што најавија, ќе трае до 18 часот, а секоја наредна може да биде и подолга доколку не се исполнат нивните барања. Коалицијата „Србија против насилство“ за денеска во 18 часот најави нов протест.
Министерот за внатрешни работи, Братислав Гашиќ, ги посети полицајците што беа повредени во синоќешните нереди. Како што информираат од Министерството за внатрешни работи на Србија, министерот Гашиќ за време на посетата им се заблагодарил на полициските службеници за нивната „истрајност, трпение и професионализам со кои го чуваат мирот и безбедноста на граѓаните и ги штитат законите на Република Србија“.
Тренутак када жандар пендреком разбија главу инспектору у цивилу!
Да се подсетимо, по закону:
“Ударци службеном палицом могу се наносити на велике групе мишића руку и ногу.
Ударци службеном палицом не смеју се наносити у пределу главе, врата, кичменог стуба, грудног коша,… pic.twitter.com/9uwR4Mog6Z
— Немања Шаровић (@NemanjaSarovic) December 25, 2023
Според видеото што се појави на социјалните мрежи, еден полицаец кого министерот го посетил бил удрен со палка во главата од колега.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Мажот кој со сопругата загина во Хрватска, пред несреќата се снимал во живо додека вози „бмв“ 200 на час
Еди Здјелар (24) и неговата сопруга загинаа вчера во тешка сообраќајна несреќа кај Новска во Хрватска, а нивното двегодишно дете е тешко повредено.
Здјелар управувал „бмв“ со кое со голема брзина удрил во камион на автопат, а со нив во автомобилот имало и дете. До несреќата дошло кога тој удрил во задниот дел на камионот со босански национални ознаки што се движел пред него во истиот правец.
Кусо пред несреќата, 24-годишникот на својот Фејсбук профил објави видео на кое се гледа како вози на автопат, каде може да се забележи дека возел повеќе од 200 километри на час. На видеото во позадина гласно се слуша музика, а надвор врне.
Здјелар во еден дел од видеото ги поздравува пријателите и ги известува дека оди на крштевка. Видеото е снимено во периодот од 14:30 до 14:45 часот, што одговара на времето на несреќата кое е пријавено во 15:00 часот.
Порталот „24сата“ пишува дека во 2019 година Здјелар предизвикал уште една сообраќајна несреќа со смртни последици. Како возач на комбе изгубил контрола над возилото и неконтролирано преминал на другата страна на патот и удрил во бетонски мост. Тогаш загинале маж и неговата бремена сопруга.
„Јутарњи лист“ пишува дека девојчето моментално e надвор од животна опасност.
Регион
Драма во Хрватска: мал авион ја промаши пистата и удри во луѓе, има повредени
Во несреќата што се случи на Хвар, Хрватска, кога помал авион ја промаши пистата, три лица се полесно повредени, јави ХРТ.
Несреќата се случила во Староградско поле, кога авионот ја промашил пистата при слетување и удрил во двајца велосипедисти.
Повредените со хеликоптер се пренесени во сплитската клиничка болница.
Регион
Тепачка пред средно училиште во Сараево: повредено едно лице
Денеска во 11 часот и 40 минути пред Средното машинско-техничко училиште во Сараево дошло до физичка пресметка меѓу две лица во која едно лице е повредено, пренесува порталот „Radiosarajevo.ba“.
Според забележаното од порталот „Radiosarajevo.ba“ пред Средното машинско-техничко училиште, биле припадници на КС МУП и вршеле истрага.
„Пред училиштето се е оградено со жолти ленти, а полицијата е на терен“, пренесува порталот.
Според последните информации, непознат маж бил повреден од камен и во моментов се наоѓа во здравствена установа за да му биде укажана соодветна лекарска помош.