Свет
Турскиот парламент расправа за членството на Шведска во НАТО
![](https://makfax.com.mk/wp-content/uploads/2023/09/erdogan.jpg)
Турскиот парламент попладнево треба да ја продолжи расправата за ратификацијата на шведската кандидатура за членство во НАТО, горливо прашање, дополнително комплицирано откако турскиот претседател Реџеп Таип Ердоган го поврза со барањето на Анкара, Вашингтон да ѝ продаде борбени авиони „Ф16“.
Шведска и Финска го отфрлија децениското воено неврзување и се обидоа да ѝ се приклучат на одбранбената организација предводена од САД откога Русија ја нападна Украина минатата година.
Нивните барања за членство беа бргу одобрени од сите членки на НАТО, освен Турција и Унгарија. Но, во случајот со Финска тие попуштија, па во април таа стана 31. членка на НАТО.
Турција и Унгарија се единствените членки на НАТО што допрва треба да ја ратификуваат кандидатурата на Шведска 19 месеци откако таа поднесе барање за членство.
Комитетот за надворешни работи на турскиот парламент не успеа да го договори текстот за парламентарно гласање во ноември и ќе се состане повторно во вторник попладне.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Никола Саркози го критикуваше повикот на Макрон за предвремени избори, предупредува на „хаос“
![](https://makfax.com.mk/wp-content/uploads/2024/06/gfd.jpg)
Поранешниот француски претседател Никола Саркози го критикуваше актуелниот претседател Емануел Макрон за распишувањето предвремени избори за парламентот, оценувајќи дека тоа претставува голем ризик за земјата и за претседателот.
Саркози, кој беше претседател на Франција од 2007 до 2012 година, во интервју за „Журнал ди диманш“ изјави дека одлуката на Макрон може да ја турне земјата во „хаос“ од кој ќе биде тешко да се излезе, пренесува Еурактив.
Зборувајќи за лидерите на десницата, Саркози оцени дека лидерот на Националното собрание, Џордан Бардела е неискусен и дека ќе мора да го компензира недостатокот на искуство, бидејќи никогаш не бил во позиција да раководи со нешто и дека Ерик Чиоти, кој неодамна беше сменет од функцијата претседател на Републиканската партија (ЛР), требаше повеќе да се консултира со сопартијците.
Свет
Четири лица загинаа во одрон во кинеската провинција Фуџијан
![](https://makfax.com.mk/wp-content/uploads/2024/06/бгб.jpg)
Четири лица загинаа, а две се водат за исчезнати во лизгање на земјиште во кинеската провинција Фуџијан, на југоистокот на земјата, јавува кинеската државна телевизија CCTV.
Обилните дождови кои започнаа во неделата попладне предизвикаа лизгање на земјиштето во кое се урнаа 378 куќи, пренесува Ројтерс.
Локалните власти ангажираа служби за итни случаи, а метеоролошката служба ги окарактеризираше врнежите како „екстремни“.
Свет
Истражување: Рекорден број луѓе во светот избегнуваат да следат вести
![](https://makfax.com.mk/wp-content/uploads/2024/06/lkl.jpg)
Рекорден број луѓе ширум светот избегнуваат да ги следат вестите, покажа истражувањето на Институтот Ројтерс на Универзитетот Оксфорд.
Како што е наведено, 39 проценти од испитаниците од 47 земји рекле дека понекогаш или често активно ги избегнуваат вестите, додека во 2017 година, 29 проценти од учесниците во истражувањето го дале овој одговор.
Околу 46 отсто од луѓето одговориле дека се многу или екстремно заинтересирани за вести, наспроти 63 отсто во 2017 година, пренесува Би-би-си.