Македонија
Мостовите без столбови и разурната конструкција предизвик и во новата година
Mостовите со искршени и напукнати носечки столбови и надвозниците од кои паѓаат камења, и во новата година остануваат предизвик со којшто ќе треба да се справува државата.
За шест вакви моста кои ги користат граѓаните, а беа посочени како опасни, реконструкцијта се’ уште не е почната.
Еден од нив е мостот кај селото Уланци во Градско, изграден во 1973 година од ЈНА. Директорот на ЦУК, Стојанче Ангелов, го посети мостот во јуни по пријава на градоначалникот. Двајцата кажаа дека неколку носечки столбови на мостот се видливо напукнати и уште тогаш повикаа на проценка од страна на стручните лица.
Без редовно одржување опасноста е голема, особено при поројни поплави кога притисокот врз столбовите е најсилен, беше посочено.
И мостот на реката Пчиња е еден од оние во исклучително лоша состојба и со оштетени стобови, а жителите стравуваат дека ќе останат отсечени од Куманово. Кумановскиот градоначалник, Максим Димитриевски летово информираше дека оштетените столбови ќе се санираат со средства обезбедени преку проект на ЕУ, но процедурата се’ уште не е почната.
И овој мост е изграден во 60-тите години од минатиот век од тогашната југословенска армија.
Јавноста остана во неверување по објавените снимки од мостот на реката Струмица, во Босилово, каде целосно е урнат носечкиот столб, а луѓе од пет села со трактори секојдневно поминуваат над него. При движење на мостот се чувствуваат вибрации. Ангелов пред седум месеци реше дека мостот е небезбеден и порача до Општина Босилово да викне стручни лица кои ќе ја испитаат стабилноста, кои ќе кажат дали тој може да се санира или треба целосно да биде затворен и да се изгради нов мост.
Во многу лоша состојбата се столбовите и целосната конструкција на мостот на Вардар кај Башино Село на влезот во Велес стар 47 години, назводникот кај Визбегово, а санација е потребна и за подземниот премин кај Хотелот „Континетнтал“.
Паѓаат камења од назводникот кај Визбегово
Стојанче Ангелов во изјава за „Макфакс“ вели дека најголем предизвик за следната година останува следењето, односно стручниот надзор на статиката на мостовите којашто се загрозува со текот на времето, како и преземањето на градежни мерки за нејзино санирање.
Од друга страна, Ангелов како предизвик ги истакнува и инсталациите коишто одат покрај самите мостови, но и бездомниците кои престојуваат под нив.
„Во 2023 година по иницијативи на ЦУК отстранета е опасноста од висечки кабли под напон покрај мостот во Сарај и мостот во центарот на Град Скопје кај МАНУ. Следен предизвик со којшто се соочуваме при обезбедување на безбедноста е повремениот привремен престој на бездомни лица под мостовите. Оваа појава покрај престој под мостовите во Скопје е присутна и во останатите урбани средини – група луѓе често престојува под „Мелнички Мост“ во Дебар, под мостот во Кочани и на други места“, вели Ангелов.
Стојанче Ангелов – директор на Центарот за управување со кризи
Во случајот со мостот/натпатник во Визбегово, Ангелов објаснува дека има недоразбирања околу надлежноста помеѓу Град Скопје и Општина Бутел, за што и досега известија во неколку наврати и тој проблем се уште не е надминат. За останатите мостови што не се санирани, а е констатирана потреба за нивна санација, јасно се знае во чија надлежност припаѓаат, но треба да се има предвид и финансиската состојба, односно можностите на единиците на локалната самоуправа.
Сепак и покрај бројните предупредувањата, до Институт за земјотресно инженерство и инженерска сеизмологија – Скопје (ИЗИИС), не е стигнато барање за мерење на статиката.
Влатко Шешов, директор на ИЗИИС за „Макфакс“ вели: „Во блиско минато нема никој побарано од нас мерења за овие спомнати мостови“.
Дополнително, објасни тој, за да се констатира дали некој мост е безбеден или не, ќе треба да се изработи студија со контрола на сите потребни фази од експлоатацијата на мостот, а неопходни се и теренски мерења.
Влатко Шешов, директор на ИЗИИС
Годинава реновиран е мостот над Брегалница кај селата Балван-Таринци; санирани се коловоз и ограда на мостот/надвозник во населбата „Даме Груев“, поправена е заштитната ограда на мостот на Вардар кај селото Таор Скопје, поставена е заштитна ограда за пешаците на мостот/надпатник во Визбегово; санирани дупки на мостот на Маркова Река пред Драчево; санирани се дупки на мостот „Обединети нации“ во Општина Ѓорче Петров; поставена заштитна ограда на пешачката патека на кејот на Вардар кај Хотел „Русија“ и поставена заштитна ограда на велосипедската патека под Универзитетот на Југоисточна Европа во Скопје и други.
Во моментов во постапка на санација е Мостот „Беласица“ во Скопје што е делумно пуштен во употреба по пожарот во инсталацијата. Поправката според очекувањта, ќе трае уште неколку месеци.
Стручниот надзор констатира дека определени оштетувања не се опасни за корисниците на некои од мостовите како на пример напукнатите стаклени подни плочи на мостот „Око“; напукнатата страница на мостот на скопската обиколница кај клучката за с. Мирковци и мостот над Црн Дрим кај селото Луково на патниот правец кон Локов, информираше Ангелов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
За прв пат после шест години, учениците во основните училишта ќе имаат учебници по сите странски јазици, вели Јаневска
„Наместо училиштата да им делат парталави и неупотребливи учебници на учениците, треба да ги пријават во електронскиот систем на Министерството за образование и наука и истите ќе бидат заменети со нови пред почетокот на новата учебна година. За оваа намена обезбедени се буџетски средства и нема потреба да ги разочаруваме ниту учениците, ниту нивните родители кои оправдано реагираат до министерството дека нивните деца добиваат учебници без корици и искинати страници“.
Ова го истакна министерката за образование и наука проф. д-р Весна Јаневска на денешната прес конференција посветена на набавката на учебници за основци и средношколци за новата учебна 2025-2026 година.
„Овој предизвик воопшто не треба да постои. Секое училиште има комисија за учебници која лесно може да процени дали еден учебник може или не може да се употребува и тоа што не е за употреба, не смее да се враќа во библиотечниот фонд и потоа некому да се доделува. Треба да се извести Педагошката служба при министерството и потребниот тираж ќе биде надополнет“, рече Јаневска, изразувајќи очекувања за поголема ажурност на членовите на училишните комисии за учебници.
Потсети дека учебниците од прво до трето одделение секоја учебна година се печатат во полн тираж, па така ќе биде и оваа, со оглед дека станува збор за таканаречени „работни учебници“ кои содржат материја што се пополнува со пишување, боење и сечење.
„Нови учебници со надградена содржина ќе има и за седмо одделение, затоа што од септември започнува примената на нови наставни програми. Се сеќавате дека ја модифициравме Kонцепцијата за основно образование на претходната Влада, која предвиде интегрирање на предмети како историја и географија, хемија и физика во седмо. Ги одвоивме, на барање на пошироката јавност, а најмногу на барање на наставниот кадар и затоа имаме нови наставни програми и нови одобрени учебници кои наскоро влегуваат во процес на печатење“, рече Јаневска.
Министерката информираше дека за прв пат после шест години, учениците во основните училишта ќе имаат учебници по сите странски јазици.
„Цели шест години, не беа набавени учебници по англиски, француски, германски и така натаму. Како нова Влада се заложивме уште минатата година, да го спроведеме овој процес и ќе успееме да го завршиме. На 1 септември, за сите странски јазици во основните училишта ќе има нови учебници“, потврди министерката.
Нови учебници по дел од предметите ќе има и во гимназиското и во средното стручно образование. Јаневска рече дека ова е втора учебна година по ред во која ќе има навремена испорака на учебници, што, како што нагласи, не беше пракса седум претходни години.
Според министерката, учебниците се еден од клучните фактори за квалитет на образовниот процес, покрај мотивираните наставници, наставните програми и инфраструктурата. Изрази благодарност до сите вклучени во постапките за нивна изработка, набавка и навремена испорака.
Годишно во просек за набавка на учебници, министерството издвојува околу 660 милиони денари.
Македонија
Герасимовски: Зелениот регистар е гаранција за зачувување на урбаното зеленило
Градоначалникот на Општина Центар, Горан Герасимовски, информира дека секој граѓанин, јавно и без никакво најавување, може да има целосен увид во Зелениот регистар преку ГИС платформата на Општината.
„Секое дрво е важно. Создаваме општина во која секој граѓанин има пристап до податоци за состојбата на зеленилото. Воведуваме поголема контрола и транспарентност во урбаното планирање“, изјави Герасимовски.
Досега се регистрирани над 10.000 дрвја, од кои 8.000 се листопадни и 2.000 зимзелени. Секое е мапирано со фотографија, состојба и латинско име. Најзастапени видови се липа, јавор, костен и јасен.
„Зелениот катастар ни овозможува реална слика за тоа што го имаме и што ни недостига. Тоа е суштинска алатка за долгорочна заштита на зеленилото“, додаде градоначалникот.
Покрај Зелениот регистар, преку ГИС платформата се достапни и други услуги – електронски упис на првачиња, увид во урбанистички планови и јавни површини. Општина Центар е првата општина која го воведе ГИС системот и од тогаш континуирано работи за надградба и усовршување на оваа дигитална технологија, се со цел поголема транспарентност пред граѓаните, побрз пристап до информации, подобро управување со истите и поголема ефикасност во оперативното работење на секторите, велат од Општината.
Македонија
„Додека Филипче е спотер на Заев и му го чува претседателското столче во СДС, главен фокус му е бизнисот во Бугарија и фирмите на иста адреса со кланот Заеви“, вели ВМРО-ДПМНЕ
„Додека Македонија беше во здравствена и енергетска криза Венко Филипче како тогашен министер за здравство освен што имаше низа скандали како тие со набавката и провизиите за кинеските вакцини, Филипче си градел и луксузна хациенда на три ката на Водно, вредна еден милион евра и си отворал фирми во Бугарија“, вели ВМРО-ДПМНЕ.
„Додека Филипче е спотер на Заев и му го чува претседателското столче во СДС главен фокус на Филипче му е бизнисот во Бугарија и фирмите кои се на иста адреса како и фирмите на кланот Заеви.
Венко Филипче и ден денес е управител на бугарската фирма Пауер Ај 8, која е во негова 100% сопственост. Статусот на фирмата и ден денес е активен што се гледа и од електронските регистри.
Филипче оваа фирма во Бугарија ја основал на 18.11.2022 година, со седиште во Петрич на улица Гоце Делчев бр. 12, адреса каде што се регистрирани и многу од фирмите на Заеви.
Фирмата на Филипче, Пауер Ај 8 е фирма регистрирана за изградба на згради, продавање на станови, нивно издавање, потоа за трговија, но и за хотелска дејност.
Дали тоа што е претседател на СДС му овозможува полесна соработка со Бугарија и ширење на бизнисот?
Филипче е должен на јавноста да одговори што точно работи фирмата и какви бизниси има во Македонија, Бугарија, Персискиот залив и Дубаи“, се наведува во соопштението на ВМРО-ДПМНЕ.
За прв пат после шест години, учениците во основните училишта ќе имаат учебници по сите странски јазици, вели Јаневска
„Наместо училиштата да им делат парталави и неупотребливи учебници на учениците, треба да ги пријават во електронскиот систем на Министерството...
Арсовска: Аценце, те чекам на ТВ дуел
Градоначалничката на Град Скопје, Данела Арсовска преку социјалните мрежи го повика градоначалникот на Ѓорче Петров на ТВ дуел. „Во меѓувреме...
(Фото) ДЗС: Пронајдени артилериска граната од 75 mm и рачна бомба од Првата светска војна
Во последното деноноќие, вчера во пределот на преспанскиот дел од Национален парк Галичица, беа пронајдени една артилериска граната 75 mm...
Хронологија на масакрот: Австриецот нишанел во главите на децата, оставил видео-порака за мајката
Првиот училишен ден по долгиот викенд. Потоа започнува ужасот: некои деца се преправаат дека се мртви, други очајно им се...
Словачка се заканува дека ќе ги блокира новите санкции кон Русија
Словачка би можела да го блокира новиот пакет санкции на Европската Унија кон Русија доколку Европската комисија не понуди решение...
Трамп: Нѐ напаѓаат странски непријатели, сакаат да предизвикаат инвазија
Американскиот претседател Доналд Трамп во вторникот изјави дека „странски непријатели“ го напаѓаат Лос Анџелес, каде што беснеат немири од петокот...
Жителите на Грац запалија свеќи во центарот на градот за да оддадат почит на жртвите од нападот
Граѓаните на Грац се собраа на главниот плоштад во градот за да запалат свеќи и да им оддадат почит на...
(Видео) Масовен напад врз Харков, гори станбена зграда: има мртви и многу повредени
Во новите руски напади врз североисточниот украински град Харков во текот на ноќта во вторник загинаа две лица, а повеќе...
Америка до Русија: Веднаш престанете со нападите врз украинските градови
Руските напади врз украинските градови мора веднаш да престанат, изјави денес портпаролот на американскиот Стејт департмент, осудувајќи го еден од...
Трамп: Грета е чудна и бесна; Грета: Искрено, на светот му требаат повеќе бесни жени
Шведската активистка Грета Тунберг му возврати на американскиот претседател Доналд Трамп откако тој ја опиша како „чудна“ и „бесна“ поради...
(Видео) Убиецот оставил писмо пред масакрот во училиштето во Грац: расте бројот на жртвите
Масовниот убиец Артур А. (21) кој денес уби девет лица со пиштол и пушка во училиште во Грац, потоа изврши...
Трамп: Демонстрантите низ САД ќе се соочат со иста или поголема сила отколку во Лос Анџелес
Претседателот на САД, Доналд Трамп, им рече на новинарите во Овалната соба дека ако протестите против имиграциските политики продолжат во...
ЕУ подготвува нов удар врз Путин, објавени се деталите
Европската комисија (ЕК) денес предложи 18-ти пакет санкции против Русија, главно насочени кон руските приходи од енергија и банкарскиот сектор....
Сергеј Попов ги матираше СДММ, извади документ од кој се гледа како лажат, велат од ВМРО-ДПМНЕ
„Се е пријавено дечки, затоа вчера ви рековме два пати да размислите пред да излезете на прес. Ама толку слушате,...
Зеленски за масакрот во Австрија: Длабоко сме потресени
Украинскиот претседател Володимир Зеленски го коментираше денешното пукање во училиште во Грац, во кое беа убиени 10 лица, од кои...
(Видео) „УМС фатени во лага – законот за пиротехника е прекрешен, а Тошковски молчи“, велат од СДММ
„Откако ја предизвикаа згрозеноста кај младите со срамната журка со пиротехника додека Македонија тагува за изгубените млади животи во Кочани,...
(Фото) Кривична против 29-годишен скопјанец: нелегално поседувал автоматска пушка и друго оружје и муниција, а ја истепал и сопругата
СВР Скопје – Единицата за насилен криминал поднесе кривична пријава по брза постапка против А.Р.(29) од Скопје поради постоење основи...
Пониква станува рехабилитациски центар за повредените од пожарот во Кочани
Повредените од пожарот во Кочани ќе бидат испратени на рехабилитација во Пониква. На денешната седница на Владата и официјално се...
(Видео) Кузеска: Власта ги покачи платите на функционерите за 200 евра
Срамно и дрско – народoт едвај преживува, а власта ги покачува само платите на функционерите, обвини Богданка Кузеска, портпаролка на...
(Видео) Објавени снимки од училиштето во Грац: се слушаат истрели, седум ученици убиени
Најмалку девет жртви во пукањето во училиштето во австрискиот град Грац. Потврдени се девет смртни случаи – вклучувајќи го и сторителот....
