Свет
Бразилската полиција: Девојката на концертот на Тејлор Свифт почина од топлотна исцрпеност
Ана Клара Беневидес Мачадо (23), која почина минатиот месец на концертот на Тејлор Свифт во Рио де Жанеиро, починала како последица на топлотна исцрпеност, соопшти денеска локалната полиција.
Во полицискиот извештај се вели дека топлотната исцрпеност довела до кардиоваскуларни и респираторни проблеми, наведувајќи ги „алвеоларната хеморагија и поливисцералната конгестија предизвикана од дифузна изложеност на топлина“ како официјална причина за смртта.
Во соопштението за медиумите таа истакнува дека токсиколошките тестови не покажале присуство на други лекови или алкохол во крвта, пренесува Ројтерс.
Организаторите на концертот, компанијата „Tajм4Фaн“, признаа дека можеле да преземат повеќе мерки за да им помогнат на фановите да се справат со екстремните горештини во Рио де Жанеиро, кои во тој момент достигнаа субјективно чувство од 59,3 степени Целзиусови, пренесува медиумот.
„Тајм4Фан“ истакна дека времето на почетокот на концертот можело да биде одложено, како и дека било потребно да се овозможи влез на стадионот со шишиња вода.
„Претставници на компанијата ќе бидат повикани да дадат појаснување по оваа пријава“, соопшти полицијата која привремено отвори истрага за оваа компанија.
Ана Клара Беневидес Мачадо (23) почина на 17 ноември на стадионот, непосредно пред почетокот на концертот на Тејлор Свифт во Рио.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вети олеснување на прописите во САД за поседување оружје што ги воведе Бајден
Поранешниот американски претседател и републикански претседателски кандидат Доналд Трамп вети во говорот во Националната асоцијација за пушки (NRA) дека ќе ги олесни прописите за поседување оружје што ги воведе демократскиот претседател Џозеф Бајден.
Трамп го искористи обраќањето до илјадници членови на NRA во Далас за да ја расветли неговата политика, но и да ги охрабри членовите на NRA да гласаат на ноемвриските избори, пренесува Ројтерс. „Треба да ги натераме сопствениците на оружје да гласаат. Мислам дека сте бунтовен куп.
„Бидете бунтовни и гласајте овој пат“, рече Трамп во говорот што траеше повеќе од 90 минути.Националната асоцијација за пушки (НРА) со ентузијазам го поддржа Трамп за време на претседателската трка во 2016 година и во текот на неговата администрација.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.