Регион
Стигна првата реакција од БиХ до Додик: „Направете го тоа во 11:00 часот, во 11:01 сте зад решетки“

Откако лидерот на босанските Срби Милорад Додик денеска објави дека Република Српска наскоро би можела да прогласи отцепување, жестока реакција имаше и од сојузниот министер за внатрешни работи Рама Исак. Додик денеска изјави дека Република Српска ќе прогласи независност доколку високиот претставник на меѓународната заедница Кристијан Шмит го наметне Законот за државна сопственост на Босна и Херцеговина.
„Ако прогласите независност во 11:00 часот, ќе завршите зад решетки во 11:01 часот“
„Милорд, ако високиот претставник Кристијан Шмит го наметне Законот за државен имот на БиХ во 17:00 часот, а вие прогласите независност во 11:00 часот – во 11:01 часот ќе завршите зад решетки. Тоа ви гарантирам. Па повели“, рече Исак, а пренесува кликс.ба.
Тој го повика Додик да не ја чека одлуката на високиот претставник.
„Биди храбар и обиди се, и нема да успееш, или ќе престанеш да го труеш босанското општество и да сееш страв, омраза, раздор и нетрпеливост. Ти Милорад ништо нема да прогласиш. Можам само тебе да те прогласам. И тоа виновен, виновен за извршување тешки кривични дела според одредбите на Кривичниот законик на Босна и Херцеговина“, рече министерот Исак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.