Свет
Бројот на жители на планетата годинава се зголеми за 75 милиони
Бројот на жители на планетата во текот на оваа година се зголемил за 75 милиони, а на Нова година ќе има повеќе од осум милијарди луѓе во светот, покажуваат денеска објавените податоци на Бирото за попис на САД.
Стапката на демографски раст во светот минатата година беше нешто под еден процент.
На почетокот на 2024 година се очекува секоја секунда во светот да има 4,3 раѓања и два смртни случаја, покажуваат податоците на Бирото.
Стапката на раст на населението во САД годинава изнесува 0,53 отсто. Во САД бројот на жители е зголемен 1,7 милион, а на првиот ден од Новата година ќе има 335,8 милиони жители.
Ако сегашната стапка на раст на населението во САД продолжи со ова темпо до крајот на деценијата, 2020-тите би можеле да бидат деценија со најбавен раст на населението во историјата на САД, со стапка на раст од помалку од четири проценти во текот на десет години, од 2020 до 2030 година, рече Вилијам Фреј, демограф во Институтот „Брукингс“.
Деценијата со најбавен раст на населението во САД досега беше по големата депресија од 30-тите кога стапката беше 7,3 проценти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.