Спорт
Камерунците за овој играч тврдат дека е 17-годишно момче

Спрдачина на африканското првенство. Камерун тврди дека станува збор за 17-годишно момче
Нејтан Дуала, анонимен фудбалер од камерунската Викторија Јунајтед, стана глобален хит.
Имено, Фудбалскиот сојуз на Камерун, по најавата на селекторот Ригобер Сонг дека го носи споменатиот играч на Африканскиот куп на нации, континенталниот шампионат кој започнува во јануари, напиша дека Дуала, кој се уште нема играно за сениорскиот тим , е роден во 2006 година.
Дуала потоа стана вирален. Поконкретно, снимките и фотографиите од него бидејќи тој воопшто не изгледа толку млад. Неговите слики и исмејувачки коментари за наводниот 17-годишник се шират на социјалните мрежи.
Така, пред почетокот на африканското првенство се појави она што вообичаено го карактеризира, а тоа се контроверзи и скандали. Ова е бизарно затоа што нема ограничување за младоста или возраста на играчите кои можат да настапат на натпреварувањето, така што возраста на играчот нема потреба да се лажира.
Камерунците, од друга страна, ја фалат федерацијата и претседателот Самуел Ето за давање можности на млади талентирани играчи како Дуала. Камерун е бронзен од последното африканско првенство и е еден од фаворитите на она што стартува на 13 јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Левандовски заминува од Барселона по завршувањето на сезоната

Роберт Левандовски ќе ја напушти Барселона по крајот на оваа сезона, открива каталонски „Спорт“. 37-годишниот полски напаѓач оваа сезона во Ла Лига има седум настапи и четири голови, но сѐ почесто се наоѓа на клупата поради фаворизирањето на Феран Торес.
Во Барселона веќе се разгледуваат потенцијални наследници, а најчесто споменуван е 21-годишниот Карл Ета Ејонг од Леванте.
Левандовски пристигна во Барселона во 2022 година, по одличните настапи во Борусија Дортмунд и Баерн Минхен, со кој во 2020 година освои тројна круна под водство на сегашниот тренер на Барса, Ханси Флик.
Спорт
Селекторот на Казахстан: Македонија е силна селекција

Македонија утревечер игра важен квалификациски натпревар против Казахстан, на кој цели кон нов триумф и продолжување на позитивната серија во овој циклус. Селекторот на гостите, Талгат Бајсуфинов, сепак, потенцираше дека неговиот тим ќе даде сè од себе за добар резултат во Скопје, но призна дека Македонија е фаворит.
„Македонија е силна селекција и знаеме колку ѝ значи овој меч, но ние ќе се бориме за позитивен исход. Против Лихтенштајн имавме среќа и се надевам дека ќе имаме слична ситуација и утре. Првиот меч со Македонија покажа дека можеме да пропуштиме многу шанси, но сега реализацијата ни е подобрена. Ќе се обидеме да освоиме колку што можеме повеќе бодови до крајот на квалификациите, и тоа важи и за утрешниот натпревар“, изјави Бајсуфинов.
Во првиот меѓусебен дуел, Казахстан го предводеше Али Алиев, кој по поразот од Белгија со 6-0 си поднесе оставка.
Спорт
Тренерот на Црвена Звезда ќе биде нов селектор на Србија?

Актуелниот тренер на Црвена Звезда, Владан Милојевиќ, според ексклузивни информации на „Спортски журнал“, ќе го преземе кормилото на фудбалската репрезентација на Србија.
Иако меѓу потенцијалните наследници се споменуваше и Вељко Пауновиќ, „Спортски журнал“ открива дека изборот паднал на Милојевиќ, кој ќе биде официјално потврден на седницата на Извршниот одбор на Фудбалскиот сојуз на Србија закажана за 17 октомври.
Одлуката доаѓа само еден ден по оставката на Драган Стојковиќ – Пикси, кој се повлече по поразот од Албанија (0-1) во Лесковац, резултат што практично ја затвори вратата за Србија за пласман во баражот за Светското првенство 2026.
Интересно е што Милојевиќ ќе ја комбинира новата функција со сегашната на клупата на Црвена Звезда, до зимската пауза ќе продолжи да го води клубот во Суперлигата и Лигата на Европа, по што клубот ќе добие нов тренер.
Дебитантскиот настап на Милојевиќ како селектор треба да биде на големиот дуел со Англија на „Вембли“ на 13 ноември.