Македонија
Стоилковски: Минатата беше година на криминал, нерасчистени убиства и спектакуларни бегства од затворите
Портпаролот на ВМРО-ДПМНЕ, Наум Стоилковски, ја оцени минатата како година на криминал. Имаше убиства – двојното убиство во Скопје и Велес, спектакуларни бегства од затвори, пукање во трговски центри – двапати повторени, брутална ликвидација во локал под скопското Кале, а ништо од ова не е до крај расчистено, вели Стоилковски.
„Годината мина без завршница со криминалниот случај ‘Беса транс’, без вистинска завршница за пожарот во модуларната во Тетово, без завршница за случајот со родилката на која ѝ се извадени органи.
2023 е година во која градоначалникот на Струга е ставен на американската црна листа, но тој нема никаккви политичко-правни последици.
Ова е годината во која судијката што судеше за пасоши за мафијаши јавно порача дека предметот не ја опфатил главата на криминалот.
Во 2023 година ЈО за организиран криминал, Ислам Абази, нема случај за коруптивни скандали за семејството на Али Ахмети и Артан Груби и ја прекина соработката со ДКСК затоа што била спомната партијата ДУИ!
Нема предмет за скандалот БРОИЛО, нема предмет за „Соравија“, нема предмет за ништо.
Нема истрага за случајот „Лотарија“, ниту за поврзаноста на главните актери со министерот Артан Груби.
Јавното обвинителство на сега веќе заминатиот Јовески спроведе истрага за влијанието на Мерко, според наводите на американскиот Стејт департмент, ама во судовите не откри баш ништо!
Ова е година во која повторно најмногу профитираа спонзорите на ДУИ од јавни тендери, ама секако нема предмет.
И, секако, 2023 ќе заврши без истрага за Онкологија – за организирано злосторничко здружување со смртни последици, со огромно оштетување на буџетот и криминално коруптивни неказнети врски!
Годината завршува со нереално огромен буџет со криминално-коруптивни мерки само и само во изборни цели за злоупотреби!
Почитувани, никогаш не било полошо. Криминалот владее, а Оливер Спасовски, Димитар Ковачевски и Артан Груби сѐ уште се на власт!
Никогаш не било полошо. Важно е да ги поразиме“, рече Стоилковски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Трагедијата во дискотеката „Пулс“ во Кочани со 63 загинати и над 200 повредени е настан што ја одбележа 2025 година
2025 година ќе остане запаметена по тешката трагедија што се случи на 16 март во дискотеката „Пулс“ во Кочани, која ја потресе целата земја. Во раните утрински часови, за време на настап на македонската група ДНК, пиротехнички средства што беа употребени на сцената го запалија таванот на клубот исполнет со млади луѓе.
Пожарот бргу се прошири и предизвика густ чад, паника и обид за бегство низ тесниот единствен излез. Во трагедијата загинаа 63 лица, претежно млади луѓе, а повеќе од 200 беа повредени, што ја прави најсмртоносната цивилна катастрофа во историјата на земјата од овој тип.
Истрагата подоцна покажа дека дискотеката работела без соодветни дозволи и противпожарни стандарди. Според обвинението, овие пропусти и системски недостатоци имале влијание врз исходот од настанот.
Трагедијата предизвика национално тажење, протести и подигнување на јавна дебата за безбедноста на јавни простори и институционалната одговорност. Подоцна, повеќе лица, меѓу кои ексфункционери и државни службеници, беа обвинети за злоупотреби поврзани со работата на клубот. Ниеден од 35-те физички и трите правни лица обвинети за пожарот не призна вина. Судскиот процес за пожарот е во тек.
Македонија
СДСМ тврди: Има координирана операција за уривање на партијата од внатре
Криминалната власт ја започна последната фаза од кампањата – репресија врз СДСМ и политички прогон, велат од опозициската партија.
„По Декретот и забраната на слободата на говорот, сега сакаат да апсат. Се обидуваат да ја запрат борбата на СДСМ против криминалот и корупцијата на ВМРО и ЗНАМ, да ја замолчат опозицијата. Прва фаза, обвини ја СДСМ и нападни ја од надвор со лажни вести и од внатре. Втора фаза, забрана на говор. Трета фаза: репресија и политички прогон. Copy-paste сценарио по рецепт на СНС“, велат од СДСМ.
Според партијата, целта е јасна – заштита на криминалците во власта од кривична одговорност за скандалите со тендери кои секојдневно ги објавува СДСМ.
„Како што беа 161 тендер за една фирма вредни 5,3 милиони евра, 9 милиони евра за друга фира со двајца вработени, 1,2 милиони евра тендери од Пошта и многу други. Затоа: Власта ги заби канџите и презеде целосна контрола врз судството и обвинителството. Се води акција за медиумски напад врз СДСМ, постојано и секојдневно се бомбардира јавноста со лажни вести од кујните на ВМРО. Има координирана операција за уривање на СДСМ од внатре, преку поединци како Деспотовски и синхронизирани текстови на Героски за јавно напаѓање на партијата. И затоа се исплаќаат рати кон ЗНАМ за предавничка Резолуција преку тендери. Сега на сите им е јасно. Политичкиот прогон, репресијата и нарачаните судски пресуди се последни подготовки пред изборите наредната година и носењето мигранти. СДСМ нема запре, борбата против криминалот и корупцијата на ВМРО-ЗНАМ продолжува. Сите ќе одговарате. Работата не е завршена“, се наведува во соопштението.
Македонија
Најстудено на Шапка, утрово измерени -14 степени
Утрово најстудено е на Попова Шапка каде се измерени -14 степени, -12 во Mаврови Анови, -10 Крива Паланка, Берово, Kрушево, -6 Виница, Куманово, -5 Скопје-Петровец, Тетово, Прилеп, -4 Скопје-Зајчев Рид, Битола, Штип, Охрид, -3 Струмица, Велес, Кавадарци, Претор, -2 Демир Капија, 0 Гевгелија.
Денеска ќ биде сончево и студено со мала до умерена локална облачност. Наместа ќе има услови за провејување на снег. Ќе дува засилен до силен северен ветер.
Максималната температура ќе биде во интервал од -3 до 6 степени.
Во Скопје, сончево и студено со умерен ветер од северен правец. Максималната температура ќе достигне до 3 степени.
фото/депозитфотос

