Македонија
(Видео) Стојкова-Серaфимовска: СДС и ДУИ дојдоа на власт ветувајќи чиста животна средина, но, за жал, останаа само на зборови
Скопје веќе повеќе од 10 дена е еден од најзагадените градови во светот, прв во Европа, вели Велика Стојкова-Серафимовска, пратеничка од ВМРО-ДПМНЕ.
Прашува што прави Владата за да се справи со вонредната ситуација во која аерозагадувањето ги надминува сите предвидени мерки за здрава животна средина.
Според неа, СДС дошле на власт ветувајќи чиста животна средина и чист воздух.
„Со особен осврт се зборуваше и се зборува за прашањата поврзани со животната средина. Но, за жал, власта остана на зборови.
Прашува дали вреди да го зголемуваме профитот на компании – големи загадувачи за сметка на здравјето на нашите деца?
„Па зарем децата на СДС не дишат воздух овде?
До каде сме со законот за индустриски емисии? Владата на СДС и градската власт на Шилегов на секој начин се обидуваа да го уништат системот за централно греење во Скопје со одземање лиценци за дистрибуција, со превработувања (кои патем не знаат ни каде е компанијата) во ЕСМ во делот на топлификација на Скопје.
Преку Фондот за иновации се испрани милионски суми, кои требаше да придонесат за почист воздух.
Министерството за животна средина веќе 7 години работи како филијала на ДУИ за обезбедување концесии за компании блиски до власта, а никако во интерес на граѓаните. За жал, нашите деца сѐ уште се разболуваат од загадениот воздух“, вели таа.
Оценува дека никогаш не било полошо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Сончево време со температури до 27 степени и можност за локален дожд
Времето денеска ќе биде сончево со мала до умерена облачност. Од пладневните часови во западните делови ќе има услови за локален дожд. Ќе дува слаб до умерен ветер од северен правец. Минималната температура ќе биде во интервал од 7 до 15, а максималната ќе достигне од 20 до 27 степени.
Во Скопје времето ќе биде сончево со мала до умерена облачност и со слаб ветер од северен правец. Минималната температура ќе се спушти до 14, а максималната ќе достигне до 26 степени.
Од УХМР информираат дека утре претежно во западните делови од земјата ќе има појава на краткотраен дожд. Потоа времето ќе биде сончево со мала до умерена облачност. Дневната температура ќе биде во постепен благ пораст.
Македонија
Невреме во Тетово: Поплавени улици, домови, гаражи
Силно невреме го зафати Тетово, поплавени се улици, домови, гаражи.
Невреме со силни врнежи од дожд, град и грмотевици попладнево ја зафати Општина Тетово и околината.
„Врнежите предизвикаа поплавување на дел од улиците, посебно кај касарната на влезот на Тетово и на неколку куќи во Мала Речица-Општина Тетово“, информира вечерва Регионалниот центар за управување со кризи (РЦУК) Тетово.
За невремето известени се и ТППЕ-Тетово, ЈКП-Тетово и одговорни лица во Општина Тетово.
Македонија
Митева: Состојбата во односите со Бугарија е последица на погрешните политики на СДС
„Ситуацијата не е настаната од вчера за денес. Не зборуваме ние за состојба која била совршена до вчера, а од денес не е совршена. Зборуваме за причинско последични состојби и дека состојбата во која сме дојдени е резултат на погрешно преземани политики на СДС”, истакна портпаролката, пратеничка и членка на ИК на ВМРО-ДПМНЕ Марија Митева.
Митева продолжи и додаде:
„Во делот на тоа што се случува помеѓу Бугарија и Македонија е состојба која ја предизвика СДС со погрешните политики”, вели Митева Митева истакна дека состојбите кои ги креира СДС се тотално погрешни.
„Состојбите кои ги креира СДС од позиција на опозиција се тотално погрешни и користи политика за дневно политички поени без никаква суштина”, кажа Митева.
Митева истакна дека за разлика од СДС, ВМРО-ДПМНЕ е многу посветена.
„За разлика од СДС, ВМРО-ДПМНЕ е многу посветено и ќе ја оправда довербата која на 8-ми мај ја доби од граѓаните”, заклучи Митева.