Свет
(Видео) Судир на два воза на метрото во Њујорк, полесно повредени 24 лица
Најмалку 24 лица се полесно повредени вчера во Њујорк кога се судрија два воза на метрото и еден од возовите излета од шините, соопштија спасувачките служби за една од најпрометните области на Менхетн.
Two subways Trains have Collided causing a derailment in New York. pic.twitter.com/iNrYqUJxQ4
— DramaAlert (@DramaAlert) January 4, 2024
Затворени се три линии од разгранетата мрежа на една од најстарите подземни пруги во светот. Северозападниот дел на главниот остров на мегаполисот, областа Апер Вест Сајд на Менхетн, беше целосно опколен од пожарникари, полиција и возила на брзата помош.
A New York City subway train derailed Thursday after colliding with another train at low speed, leaving more than 20 people with minor injuries and causing major service disruptions across Manhattan during the afternoon rush hour, authorities said. https://t.co/yYrfJsftZE pic.twitter.com/OWS7oLgrKw
— ABC News (@ABC) January 5, 2024
Никој не е сериозно повреден во судирот.
Њујоршкото метро е екстремно дотраено, но несреќите и инцидентите се многу ретки, а бројот на патници почна повторно да се зголемува по намалувањето поради пандемијата и порастот на криминалот помеѓу 2020 и 2022 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.