Спорт
Меџик е третиот клуб што го повлекува дресот на Шекил О’Нил
![](https://makfax.com.mk/wp-content/uploads/2024/01/68bc9ce7b6790179a76eb16c15d807ce_crop_exact.jpg)
Орландо Меџик потврди дека ќе го пензионира дресот со број 32. Официјалната церемонија ќе се одржи на 13 февруари, а Шекил О’Нил, некогаш најдоминантниот центар во НБА лигата, ќе стане првиот играч кој ќе биде награден од франшизата од Орландо.
Шек ја започна својата блескава НБА кариера, која траеше 19 сезони, во 1992 година, откако Орландо го зема како прв пик на драфтот. Тој беше играч на Меџик четири сезони и одигра 295 натпревари за клубот со просек од 27,2 поени, 12,5 скока, 2,4 асистенции и 2,79 блокади по натпревар.
И покрај неговата кратка кариера во тој клуб, тој сè уште котира високо во многу статистички категории на Меџик. Тој е втор блокер (824), трет по бројот на скокови (3691) и реализирани слободни фрлања (1602), шести најдобар стрелец (8019) во историјата на клубот со кој го играше во финалето на плејофот во 1995 година.
Тогаш не успеа да ја освои титулата, но подоцна тоа го направи четири пати. Три пати по ред како играч на ЛА Лејкерс и еднаш како член на Мајами Хит.
О’Нил ја заврши кариерата со просек од 23,7 поени, 10,9 скока, 2,5 асистенции и 2,3 блокади по натпревар.
Со 28.596 поени тој е осмиот најдобар НБА стрелец на сите времиња. Лејкерси и Хит веќе го пензионираа неговиот дрес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва