Спорт
Надал елиминиран од Томпсон во Бризбејн
Џордан Томпсон го елиминираше Рафаел Надал во четвртфиналето на АТП турнирот од серијата 250, во Бризбејн. Австралиецот, успеа да спаси три меч топки во вториот сет и потоа по три часа и 28 минути игра го победи шпанскиот тенисер.
Рафа Надал, по пауза од 349 дена му се врати на тенисот. Успешно ги мина првите две рунди во Бризбјен (Тим и Кублер), но третата пречка еднаоставно не можеше да ја совлада.
Џордан Томпсон со храбра и пред се упорна игра дојде до најголемата победа во кариерата. Австралиецот со пресврт славеше над Надал 5:7, 7:6, 6:3.
Првиот сет го доби Надал и покрај тоа што имаше брејк минус. Томпсон водеше 4:3, но во тој момент не го издржа притисокот.
Во вториот сет Австралиецот успеа да спаси три меч топки, една на свој сервис прирезултат 4:5 и две во тај брејкот при резултат 4:6.
Третиот сет го реши брејкот на Томпсон во четвртиот гем, а веднаш потоа Надал побара медицинска помош поради болки во битниот мускул на левата нога.
Томпсон во полуфиналето ќе се сретне со Димитров, додека втората полуфинална двојка ја формираа Савјулин и Руне.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Германија ја победи Холандија, БиХ дома загуби од Унгарија
Комплетирано е четвртото коло во групата 3, во А-дивизијата во Лигата на нации. Германија ја победи Холандија, а Босна и Херцеговина загуби од Унгарија.
Германците ја надиграа Холандија, но успеаја да постигнат само еден гол. Стрелец беше дебитантот Левелинг во 64.минута.
Играчот на Штутгарт постигна гол и во втората минута, меѓутоа голот беше поништен поради минимален офсајд.
За Левелинг ова беше деби натпревар во дресот на Германија.
Во Зеница, Босна и Херцеговина не успеа да и пружи отпор на Унгарија и покрај тоа што имаше свои шанси.
Капитенот Собослаи ги постигна двата гола во победата 2:0. Играчот на Ливерпул најпрвин погоди во 38.минута, а птооа од пенал во 60.минута го постави конечниот резултат.
По четири кола во групата 3 лидер е Германија со 10 бода, по пет имаат Холандија и Унгарија, БиХ е на последното место со еден бод.
Спорт
(Видео) Коло Муани ја реши Белгија, Италија со покер голови го испрати Израел
Фудбалерите на Франција ја совладаа Белгија во дербито на А дивизијата на Лигата на нации. Во вториот меч од групата Италија без проблеми го победи Израел.
Французите, без Мбапе, во Брисел на стадионот „Крал Бодуен“ ја победија домашната екипа со 2:1.
Французите на тој начин ги задржаа шансите први да ја завршат во оваа група, бидејќи сега имаат само бод помалку од Италијанците на две кола до крајот.
Франција победи благодарение на головите што ги постигна Рандал Коло Муани. Трагичар е Белгиецот Јури Толеманс, играчот на Астон Вила при резултат 0:0 не реализираше пенал.
Франција дојде до предност од пенал, а во последниот напад во првиот дел изедначи Опенда. Во вториот дел Коло Муани во 62.минута го постигна вториот гол. Французите мечот го завршија со играч помалку, поради два жолти картони исклучен беше капитенот Чуамени.
Италија ја оправда улогата на фаворит против селекцијата на Израел, победи со 4:1.
Ретеги го постигна првиот гол во 41.минута. Во 55 погоди Ди Лоренцо, а потоа Изреалците намалија со голот на Абу Фани. До крајот на мечот Италија постигна уште два гола преку Фратези и ДИ Лоренцо.
Италија со 10 бода ја предводи групата 2, бод помалку има Франција, Белгија освои четири, а Израел е без освоен бод.
Италија во следното коло ќе и гостува на Белгија, а Израел ќе патува во Франција.
Спорт
Фудбалерите се бесни поради новото натпреварување на ФИФА, подготвени се за штрајк
Професионалните фудбалери никогаш не биле поблиску до штрајк во услови на растечко незадоволство од раководните тела на фудбалот, особено од ФИФА и нејзиното обновено Светско клупско првенство, кое се споредува со Супер лигата, изјави во понеделникот шефот на синдикатот на играчи ФИФпро Европа.
Дејвид Териер разговараше за „Ројтерс“, откако ФИФпро Европа, асоцијацијата на европските лиги и шпанската Ла Лига ја обвинија ФИФА за злоупотреба и поднесоа заедничка жалба до антимонополските регулатори на Европската унија во врска со меѓународниот распоред на натпревари на глобалното раководно тело.
Териер рече дека само дијалогот помеѓу спортските чинители може да го спаси системот.
„Очигледно како синдикален лидер би требало да сонувам за штрајк бидејќи тоа ви дава поголема моќ, но јас сум многу посветен на концептот на социјален дијалог“, рече Териер.
„Би било сериозен неуспех да се достигне таа крајност, но таа крајност е се поблиску секој ден. Европската унија мора да ги потсети сите и да им каже дека мора да учествуваат во дијалогот во понеделник“.
ФИФпро Европа. Европските лиги и Ла Лига го нападнаа преполниот календар на натпревари на ФИФА, емитувајќи видеа од играчи, вклучително и капитенот на Франција, Килијан Мбапе, велејќи дека имаат премногу натпревари.
Фудбалерот на Манчестер сити, Родри ја отвори вратата за штрајк во септември, иако експерт за спортско право рече дека таков потег е малку веројатен во Премиер лигата.
„Дали ќе одиме до крај, да штрајкуваме? Играчите се подготвени и не можат да поднесат да не бидат слушнати или почитувани од ФИФА“, рече Териер.
„Се повеќе играчи ни кажуваат дека сакаат да организираат штрајк“, додаде тој, насочен кон Светското клупско првенство во САД. Европа ќе биде претставена со 12 клуба меѓу 32 клуба од 15 јуни до 13 јули 2025 година.
Териер го спореди настанот со обидот на 12 врвни клубови од Англија, Италија и Шпанија да основаат Супер лига во 2021 година, кој не успеа.