Забава
Холивудски ѕвезди кои слават православен Божиќ
Православните верници го слават најрадосниот и најголемиот празник Божиќ, а меѓу нив се и некои од најпознатите имиња на Холивуд.
Имено, многу холивудски фаци ја почитуваат оваа традиција поради нивното потекло, а има и такви кои преминале во православие благодарение на нивните партнери.
Ким Кардашијан секогаш гордо го истакнува своето ерменско потекло, а љубовта и почитта што ја чувствуваше кон нејзиниот татко Роберт не се намалија дури ни кога тој почина.
Поради оваа причина таа го слави Божиќ на 25 декември, но и на 7 јануари поради децата и сопругот.
Познатата манекенка Наоми Кембел не потекнува од православна земја, но за време на врската со рускиот милијардер Владислав Доронин се приклучила на Руската православна црква, па соодветно го слави Божиќ.
Својата вера и Том Хенкс ја потчинил на љубовта, па влегувајќи во вториот брак, со актерката Рита Вилсон, го прифатил православието. Нејзиниот татко е од Бугарија, а нејзината мајка е со грчко-албанско потекло.
Познато е дека популарната актерка Џенифер Анистон има грчки корени.
Нејзиниот татко Џон е роден со името Јанис Анастасакис на островот Крит во Грција, а актерката е позната и како некој кој многу често донира пари за Грчката православна црква.
Познатата актерка, Милица Богдановна Јововиќ, попозната како Мила Јововиќ, е родена во Киев во семејството на Галина Логинова, поранешна руска актерка и Богдан Јововиќ, српски лекар.
Мила ја крсти и својата ќерка во Руската православна црква во Лос Анџелес.
Кристијан Бејл веќе дваесет години е во брак со моделот со српско потекло Сандра Блажиќ, попозната како Сиби.
По нивната венчавка, актерот се приклучил на православната црква, па Божиќ го слави на 7 јануари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Ќерката на Еминем, Хејли Џејд, бремена
Биолошката и најмлада ќерка на Еминем, Хејли Џејд, го чека своето прво дете со сопругот Еван Меклинток.
51-годишниот музичар ја откри среќната вест во спотот за својата песна Temporary. Видеото содржи стара домашна снимка од ќерка му. На крајот од видеото Еминем сподели видео на кое Хејли Џејд му открива дека го чека своето прво дете.
Тогаш Хејли објави и неколку фотографии со сопругот на „Инстаграм“ и откри дека ќе стане мајка.
View this post on Instagram
За потсетување, Хејли Џејд кон средината на мај се омажи за својот партнер Еван Меклинток, со кој беше во долга врска, а на социјалните мрежи сподели фотографии од венчавката.
„Оваа недела се разбудив како сопруга. Не можевме да замислиме подобра и поубава прослава. Пролеавме многу солзи радосници. Многу се смеевме и можеше да се почувствува толку многу љубов“, напиша тогаш во описот на објавата.
Додаде дека таа и Еван се благодарни што толку многу членови на семејството и пријатели отпатувале за да ги поддржат и да бидат дел од нивното ново животно поглавје. Двојката се запозна на колеџ и почна да се забавува во 2016 година. Многу следбеници ѝ ја честитаа свадбата.
Да потсетиме, раперот и неговата поранешна сопруга Ким Скот ја добија Хејли во 1995 година. За разлика од многу славни деца, Хејли никогаш не сакала да биде во очите на јавноста.
Дипломирала на Државниот универзитет во Мичиген со диплома по психологија во 2018 година. Пред две години таа го почна поткастот Just A Little Shady со својата пријателка Британи Едни, а потоа создаде модна линија.
Еминем има уште две ќерки. Тој ја посвои Алаина Скот во 2002 година. Нејзината биолошка мајка, покојната Доун Скот, е сестра близначка на поранешната сопруга на Еминем, Кимберли. Покрај неа, тој ја посвоил и Витни Матерс, ќерка што Кимберли ја имал од друг маж.
Забава
„Колдплеј“ заминува во пензија по 12. албум
„Колдплеј“ се подготвува за пензија. Ова го откри фронтменот на бендот, Крис Мартин, велејќи дека и 12-тиот албум на бендот ќе биде последен.
„Ќе снимиме 12 албуми и тоа е тоа“, изјави тој во интервју за „Епл мјузик“ за најавата за новиот албум. Нивниот десетти албум, Moon Music, излегува на 4 октомври оставајќи им на фановите само уште два да очекуваат.
На прашањето зошто бендот си наметнува лимит, Мартин рече:
„Постојат само седум книги за Хари Потер. Има само 12 и пол албуми на ‘Битлси’, исто толку колку и Боб Марли, сите тие се наши идоли. Исто така, таквото ограничување наметнува и квалитет. Песната мора да биде навистина добра за да се најде на тие албуми бидејќи има ограничен број места“.
„Не сакам да се мачиме и да работиме напорно на 60 години“, вели тој. Сепак, Мартин најави и дека нема да престане да се занимава со музика. Секогаш ќе го правам тоа на некој начин, но нешто е поинаку со ‘Колдплеј’“, заклучи тој.
„Колдплеј“ е англиски алтернативен рок -енд, основан во 1996 година во Лондон. Групата ја сочинуваат пејачот, клавијатурист и гитарист Крис Мартин, гитаристот Џони Бакланд, басистот Гај Бериман и тапанарот Вил Чемпион. Новиот албум Moon Music ќе содржи 10 песни. Се зборуваше за аванс од 35 милиони фунти за албумот, што, доколку е точно, е најголемиот аванс за албум во историјата.
Забава
Филмот на Алек Болдвин, на чие снимање беше убиена снимателката, набргу ќе ја има својата премиера
Филмот „Раст“ ќе има премиера на полскиот филмски фестивал следниот месец, пишува Си-ен-ен. Три години откако кинематограферката Халина Хачинс трагично почина на снимањето, светската премиера ќе се одржи на 23 ноември на фестивалот EnergaCAMERIMAGE, со панел-дискусија, на која ќе учествува и режисерот на филмот, Џоел Соуза, кој исто така беше повреден во пукањето.
„Снимателите ќе разговараат за настаните поврзани со филмот нудејќи увид во продолжувањето на продукцијата по смртта на Халина. Одржувањето на нејзината уметничка визија, колку и да беше предизвик за целата екипа, беше важно за филмскиот тим бидејќи се надеваат дека ќе ја исполнат својата должност да ја завршат нејзината работа“, стои во најавените проекции.
„Раст“ е приказна за 13-годишно момче, кое е оставено да се грижи за себе и за својот помал брат по смртта на нивните родители во Вајоминг во периодот на 1880 година. Тој оди во бегство со својот одамна отуѓен дедо откако е осуден на бесење за случајно убиство на локален сточар. Болдвин нема да биде присутен на проекцијата.
Да потсетиме, Болдвин ја уби снимателката Халина Хачинс во 2021 година, а на сетот беше ранет и режисерот Џоел Соуза. Му се закануваше затворска казна до 18 месеци за убиство од небрежност. Актерот се изјаснил за невин и рекол дека не знаел оти во пиштолот имало вистински куршум.
Во јули оваа година тој беше ослободен од обвиненијата за убиство од небрежност. Кога судијата го прогласи за невин, актерот се расплака, а неговата сопруга Хиларија Болдвин истрча да го прегрне, која плачеше заедно со него.
Неколку месеци претходно, реквизитерката Хана Гутиерез-Рид, задолжена за оружјето на филмскиот сет, која го наполни пиштолот на актерот Алек Болдвин пред да ја застрела и убие снимателка на сетот на „Раст“ во 2021 година, беше прогласена за виновна за убиство од небрежност.