Спорт
Видал го советува Алексис Санчез да го напушти Интер: Михтаријан игра повеќе од тебе
Артуро Видал (36), не игра поради повреда, па времето го користи за да испрати остри коментари на актуелни фудбалски теми. Чилеанецот играше во Интер од 2020 до 2022, една од критиките е упатена кон неговиот поранешен клуб. Видал го советува соиграчот од репрезентацијата Алексис Санчез (35) да го напушти Интер.
Санчез сезонава има 14 настапи и два гола за тимот од Милано, а одигра 473 минути. Видал смета дека неговиот пријател Санчез треба повеќе да игра.
„Алексис, ако ме слушаш, те молам замини од Интер. Треба да заминеш во клуб каде што ќе може да уживаш во играта. Но тој нема да го направи тоа бидејќи е тврдоглав. Мхитарјан игра, а Алексис не… Би се убил само и да помислам на нешто такво“, рече Чилеанецот.
Санчез пристигна во Интер ова лето од Марсеј бесплатно, а веќе играше во Интер од 2019 до 2022 година.
Во својата кариера Санчез играше за Кобрело, Коло Коло, Удинезе, Ривер Плата, Барселона, Арсенал, Манчестер јунајтед, Марсеј и Интер. За репрезентацијата на Чиле има 160 настапи и 51 гол. Минатата година Видал настапуваше за бразилскиот Атлетико Паранаенсе, а претходно за Фламенго, Интер, Барселона, Баерн, Јувентус, Баер и Коло-Коло. За Чиле има 142 настапи и 34 гола.
Хенрих Мхитарјан (33) сезонава има 25 настапи за Интер, два гола и шест асистенции за 1.883 минути игра. Тренерот Симоне Инзаги го користи стандардно во средниот ред. Во својата кариера настапуваше за Сао Паоло, Пјуник, Металург Доњецк, Шахтјор, Борусија Дортмунд, Манчестер јунајтед, Арсенал и Рома. За ерменската репрезентација има 95 настапи и 32 гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.