Регион
Вучиќ му честита на Додик: Допрва доаѓа ерата на големи предизвици за Србија и Република Српска
Претседателот на Србија, Александар Вучиќ, упати честитка до претседателот на ентитетот на Република Српска, Милорад Додик, по повод Денот на Република Српска, кој Уставниот суд на Босна и Херцеговина го прогласи за неуставен.
„Верувавме дека тешките времиња се зад нас, но се плашам дека допрва доаѓа ерата на големи предизвици како за Србија така и за РС“, вели Вучиќ.
Тој додава дека Србија „сите овие години се однесуваше одговорно и доследно ги поддржуваше Дејтонскиот мировен договор и правните рамки што произлегуваат од тој договор“.
„Многумина што учествуваа во донесувањето на оваа рамка се обидуваат да се исмеваат со нејзините фундаментални постулати и суштински да го избришат постоењето на РС со нејзините уставно загарантирани надлежности. Србија нема да го промени својот став и ќе остане посветена на словото на Дејтонскиот договор поддржувајќи го територијалниот интегритет на Босна и Херцеговина, но и остро се противи на укинување или какво било понижување на Република Српска“, рече Вучиќ.
Инаку, Уставниот суд на БиХ 9 јануари го прогласи за празник, а Денот на РС трипати за неуставен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Невреме и обилни врнежи во Србија: пет воспитувачки евакуирани од градинка, во Суботица избувнал пожар по удар на гром
Припадници на Секторот за вонредни состојби при две интервенции евакуирале 10 лица поради невреме и обилни врнежи во Србија.
Како што е наведено во соопштението на српската полиција, пет воспитувачки биле евакуирани од градинка.
Во соопштението се наведува дека 57 пожарникари-спасувачи со 26 возила и 12 пумпи биле ангажирани во 11 операции за испумпување на вода во Врање, Лесковац и Мионица и во гаснење пожари по удар на гром во Суботица и Врање.
Пожарникарите-спасувачи им помагаат на граѓаните и во отстранувањето на паднатите дрвја во Заечар, Књажевац, Ужице, Чачак и Лесковац, како и отстранување на делови од лимени покривни конструкции пишуваат српските медиуми.
„Во моментов службените лица се ангажирани во Лесковац за отстранување на паднато дрво зад Центарот за култура, како и во Лазаревац за отстранување на паднатите дрвја и за испумпување на вода од домаќинствата во Лазаревац и Крушевац“, се наведува во соопштението.
Регион
Борисов: Во моментов никој не може да формира влада
Лидерот на бугарската партија ГЕРБ и поранешен премиер на таа земја, Бојко Борисов денеска изјави дека ниту една партија во моментов не може да формира стабилна влада.
Тој за новинарите изјави дека актуелната ситуација го попречува напредокот на Бугарија кон влезот во еврозоната, цел за која верува дека може да се постигне доколку има стабилна влада предводена од ГЕРБ, пишува порталот Новините.
Тој ја критикуваше предизборната кампања на одредени партии, велејќи дека политичките партии повеќе се фокусирани на добивање изборна предност отколку на ефективно владеење.
Регион
Камионџија од Македонија усмрти Србин во Словачка: бил удрен кога излегол да помогне на колега
Србинот Ненад Николиќ (42) од Баново поле кај Сремска Митровица загинал во вторникот вечерта на автопатот кај Братислава, кога во него удрил камион.
„Во последните неколку години, тој работи како возач вози низ цела Европа. Уште како дете бил мил и добродушен, како и во текот на целиот живот. Го сакаше животот, беше весел и како сите големи и крупни луѓе, личност со карактер на слободоумна мечка која никогаш во животот не згазнал мравка. Сите ние што го познававме ќе паметиме многу незаборавни анегдоти со него. Нашиот добар Шон“, напишал еден од пријателите на Ненад и додал дека подоцна ќе ги извести сите свои пријатели и познаници кои сакаат да се простат од него за времето и местото на погребот.
Ненад настрадал кога застанал на автопатот во Братислава за да му помогне на колегата во неволја, кому му била потребна помош за менување гума. Кога ја завршиле работата, Ненад, како што раскажува пријател, излегол на автопатот и бил удрен од камион со македонски таблички, пишува Нова.рс.
„Нашиот брат, пријател и пред се колега загина на автопатот надвор од Братислава. Почина пред мои очи и пред очите на уште двајца колеги. Брат, почивај во мир Божји“, напишал неговиот пријател.