Спорт
Италијанските медиуми: Готово е, Брекало денеска оди во Динамо

Јосип Брекало денеска треба да стане играч на Динамо, пренесува добро информираниот весник од Фиренца Ла Национе. Синоќа во Купот на Италија против Болоња, Брекало остана цел натпревар на клупата, иако Фиорентина има големи проблеми со повредите и заминувањето на крилните играчи на Африканскиот куп на нации.
“На Фиорентина и треба играч на крилната позиција, но Брекало ќе си замине во следните неколку часа. Брекало оди во Динамо Загреб. Со денови е сигурно. Тој оди на позајмица со опција за откуп на договорот”, тврдат Италијанците.
Брекало во Фиорентина заработува 1,7 милиони евра по сезона. Да оди на позајмица до лето, Динамо би му платил нешто помалку од тоа што му го плаќа Фиорентина. Брекало би заработувал 100 илјади евра месечно во Динамо, а бара и бонус за евентуална титула во лигата. Брекало би го чинел Динамо околу 600.000 евра до крајот на сезоната и до 700.000 доколку ја освои титулата.
Брекало, 25-годишниот крилен напаѓач, сезонава за Фиорентина забележа 16 настапи и постигна еден гол. На почетокот на сезоната имаше солидна минутажа, но во последно време најмногу седи на клупата. Брекало сака да го промени клубот за да му се наметне на селекторот Златко Далиќ пред Европското првенство.
Брекало забележа 11 настапи и еден гол за првиот тим на загрепскиот клуб пред да замине во Волфсбург во 2016 година како 18-годишник за десет милиони евра. Тој беше член на германскиот клуб до јануари оваа година, со тоа што во меѓувреме беше на позајмица во Штутгарт и Торино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Седум играчи го засилија Алкалоид

Фото/ rkalkaloid.mk
РК Алкалоид останува на својата определба и во следната сезона да биде клуб составен во најголем дел од македонски ракометари кои ќе добијат врвни услови за тренинг, ќе работат според професионална програма и ќе имаат простор за напредок преку настапите на домашната и на европската сцена.
Неколку ракометари со голем потенцијал и за клубот и за сениорската репрезентација на Македонија доаѓаат следната сезона во клубот.
Алкалоид кој ја освои титулата во Европскиот куп, за следната сезона ангажира седум нови играчи, шестмина се Македонци, странец е само Србинот, Урош Борзаш. Покрај него нови играчи на Алкалоид се: Ненад Костески, Емилијан Ѓорговски, Михаил Аларов, Михаил Иваноски, Ѓорѓи Николовски и Давид Трајкоски,
Спорт
Пукна љубовта, Мурињо ќе го напушти Фенербахче

Жозе Мурињо и Фенербахче ќе го објават прекинот на соработката во следните неколку дена, тврдат турските медиуми.
Ова е епилогот од средбата во Лондон помеѓу познатиот тренер и Али Коч, претседателот на клубот од Истанбул. Мурињо бара 15 милиони евра за предвремен раскин на договорот.
Португалецот го презеде тимот минатото лето, но Фенербахче под негово водство не освои ниту еден трофеј. Во првенството на Турција, тие беа втори зад нивниот најголем ривал Галатасарај.
Покрај тоа, Мурињо беше во постојан конфликт, со судиите, со службените лица од другите клубови, што предизвика гнев кај навивачите и новинарите и му наштети на угледот на турскиот фудбал.
Спорт
Мајк Џејмс сака да си замине од Монако

Мајк Џејмс, најдобриот стрелец во историјата на Евролигата, бара опции да го напушти Монако.
Американецот сака да го напушти Кнежевството, иако има важечки договор до 2027 година. Тој се реши на ваков чекор откако клубот го суспендираше на неопределено време пред полуфиналето од плејофот во француското првенство.
Како дел од казната, му е забрането да биде дел од какви било тимски активности.
Џејмс не се согласува со оваа одлука, а во целиот случај се вклучи и Здружението на играчи од Евролигата, кое сака да ги дознае сите детали.
Претходно беше објавено дека причината за суспензијата е инцидент во ресторан, кога полицијата морала да интервенира, а во кој бил вмешан Џејмс. Американецот, од друга страна, тврди дека нема вина од негова страна.