Спорт
Нејмар финансиски му помага на обвинетитот за силување Дани Алвеш

Познатиот бразилски фудбалер Дани Алвеш е во притвор речиси една година. Обвинет е дека во ноќем клуб во Барселона, кон крајот на 2022 година силувал девојка. Обвинителството побара максимална казна од 12 години затвор.
Иако Алвеш ги негираше овие наводи, адвокатите на девојката сметаат дека имаат доволно докази кои ќе бидат презентирани на судењето кое ќе започне на 5 февруари, додека фудбалерот на секој начин се обидува да се „одбрани“.
Алвеш побарал помош од својот долгогодишен соиграч од Барселона и бразилската репрезентација, еден од најдобрите светски фудбалери Нејмар.
Според бразилските медиуми, тој од него побарал финансиска и правна помош за да избегне затворска казна.
Наводно, Нејмар веднаш се согласил да му помогне, бидејќи верува дека Дани Алвеш е невин. Нејмар му префрлил 150 илјади евра за да му помогне на славниот дефанзивец.
Како што пишуваат бразилските медиуми, парите биле префрлени на Судот во Шпанија заради „обесштетување на оштетениот“, што на крајот може да влијае на намалување на казната на Дани Алвеш. Како е тоа можно не е сосема јасно, но се наведува дека таков закон постои во Шпанија.
Исто така, Нејмар го ангажирал Густаво Чист, еден од најдобрите и најстарите адвокати кој работи во компанијата на таткото на Нејмар, додека Динора Сантана е „отстранета“ од случајот. Тој беше ангажиран од поранешната сопруга на Алвеш и се чини дека Алвеш не му верува целосно.
Да потсетиме, Дани Алвеш е еден од најдобрите десни бекови на сите времиња и вториот најтрофеен фудбалер во историјата на овој спорт. За време на неговата богата кариера, тој освои 44 трофеи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Сон е подготвен да го напушти Тотенхем

Капитенот на Тотенхем, Сон, не е сигурен дека ќе остане во клубот. Кореецот има договор со клубот и за следната сезона. Клубот нема да му стои на патот доколку донесе одлука да го напушти Лондон.
„Имам уште една година од договорот. Пред да кажам нешто во овој момент, мислам дека сите треба да почекаме и да видиме што ќе се случи. Но, без разлика каде ќе завршам, секогаш ќе го дадам својот максимум. Тоа никогаш нема да се промени“, рече Сон.
Тој сè уште има повреда на стапалото, но влезе од клупата на натпреварот на Јужна Кореја во Сеул против Кувајт (4:0), во квалификациите за Светското првенство во 2026 година.
Сон рече дека имал проблеми минатата сезона, но дека била посебна поради пласманот на Тотенхем во финалето на Лигата на Европа.
„Знам дека луѓето можеби ќе кажат дека имав разочарувачка сезона, но за мене беше посебна бидејќи играш фудбал за да победиш, само победниците се паметат. Не бев во најдобра форма поголемиот дел од сезоната, но се надевам дека ќе бидам во подобра форма на почетокот на новата сезона“, рече тој.
Спорт
Готово е, Де Брујне ќе потпише за Наполи

Кевин Де Брујне (33) ќе стане нов играч на Наполи, објави Фабрицио Романо. Најпознатиот фудбалски инсајдер напиша „here we go“, што значи дека трансферот е завршен и дека се чека само да биде официјализиран.
Репрезентативецот на Белгија, како слободен играч бараше нов клуб откако му истече договорот со Манчестер сити, каде што стана еден од најдобрите фудбалери во светот.
Се пишуваше дека може да ја продолжи кариерата во МЛС или Саудиска Арабија, но одлучи да остане во Европа и следната сезона ќе игра во Лигата на шампионите со италијанскиот шампион.
„По лекарските прегледи и другите формалности, ќе потпише двегодишен договор со опција за продолжување за уште една сезона“, откри Романо.
Финснаките детали се уште не се познати, но италијанските медиуми претходно пишуваа дека Наполи му понудил 27 милиони евра за три сезони.
Кариерата, Де Брујне ја започнал во Генк, а потоа играше за Челзи, Вердер и Волфсбург. Дојде во Манчестер сити во 2015 година и долги години беше главен играч на тимот што владееше во Премиер лигата. Со клубот од Манчестер, тој ја освои Лигата на шампионите и уште 17 трофеи.
Одигра 111 натпревари за белгиската репрезентација и постигна 31 гол. „Трансфермаркт“ ја проценува неговата вредност на 20 милиони евра, а неговата највисока вредност според овој портал, специјализиран за фудбалски трансфери, била 150 милиони евра во мај 2018 година.
Спорт
Дурент посакува трејд во Сан Антонио

Кевин Дурент, еден од најдобрите играч во НБА бара начин да го напушти Феникс. Дурент има договор и за следната сезона, според кој треба да заработи 55 милиони долари, меѓутоа минимални се шансите да остане во Аризона.
Според инсајдерот Зак Лоу, Мајами Хит подготвуваат понуда, се обидуваат да состават вистински пакет за размена за да го доведат Дурант во Флорида.
Од друга страна, Дурант наводно ги претпочита Сан Антонио Спарс како прва опција. Тие се подготвени да вклучат тројца играчи во размената.
Спарс беа поврзувани со Јанис Адетокумбо во претходните месеци, па се чини дека тие исто така подготвуваат сериозен потег, покрај својот млад бисер Виктор Вембањама, да донесат суперѕвезда со која тимот би станал конкурентен во борбата за титулата.
Дурант одигра 62 натпревари во регуларната сезона оваа сезона, имаше просек од 26,6 поени, шест скока и 4,2 асистенции по натпревар.
Триесет и седумгодишникот ја започна својата кариера во Оклахома, а играше и во Голден Стејт и Бруклин.