Свет
Петте најбогати луѓе на светот ги удвојуваат своите пари, а најсиромашните стануваат посиромашни
Петте најбогати луѓе во светот го зголемија своето богатство повеќе од двојно на 869 милијарди долари (681,5 милијарда фунти) од 2020 година, а најсиромашните 60 % во светот – речиси 5 милијарди луѓе – изгубија пари.
Јазот меѓу богатите и сиромашните веројатно ќе се зголеми, се вели во извештајот на „Оксфам“, и ќе доведе до тоа светот да го круниса својот прв трилионер во рок од една деценија. Истовремено, предупредува, доколку продолжат сегашните трендови, сиромаштијата во светот нема да биде искоренета уште 229 години.
Истакнувајќи го драматичното зголемување на нееднаквоста од пандемијата на Ковид-19, според „Оксфам“, светските милијардери се побогати за 3,3 трилиони долари (2,6 трилиона фунти) отколку во 2020 година, а нивното богатство пораснало трипати побргу од стапката на инфлација.
Извештајот Inequality Inc. открива дека седум од 10 најголеми светски корпорации имаат милијардер како извршен директор или главен акционер и покрај стагнацијата во животниот стандард на милиони работници од светот.
Составен со помош на податоци од истражувачката компанија Wealth X, вели дека комбинираното богатство на првите пет најбогати луѓе во светот – Илон Маск, Бернард Арно, Џеф Безос, Лери Елисон и Марк Цукерберг – се зголемило 464 милијарди долари или 114 %. Во истиот период, вкупното богатство на најсиромашните 4,77 милијарди луѓе – што сочинуваат 60 % од светската популација – се намали 0,2 %.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Хеликоптер ги извлекува пожарникарите од надојдената вода: драматична снимка од Чешка
Чешки „Блеск“ објави драматично видео од четворица доброволци пожарникари од Крнов.
Тие отишле да им помогнат на жителите погодени од поплавите, но и самите заглавиле во поројот.
Takhle vypadala záchrana čtyř dobrovolných hasičů z Krnova, kteří při záchraně osob ze zatopených obydlí divokou vodou potřebovali sami pomoc. Zachraňovali je i @HZS_STC. Pomáhají totiž i mimo hranice Středočeského kraje. S @HasiciPraha se pravidelně střídají ve vrtulníkové… pic.twitter.com/aQf07urx2b
— Petra Pecková (@PPeckova) September 16, 2024
На објавеното видео се гледа како хеликоптер ги извлекува пожарникарите, чие возило е целосно опколено со вода.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Свет
Трамп ги обвини Бајден и Харис за обидот за атентат: Тие се вистинска закана
Поранешниот американски претседател Доналд Трамп денеска ги обвини сегашниот претседател Џо Бајден и потпретседателката Камала Харис за вториот обид за атентат во неговиот голф клуб во Флорида.
За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Кога јас сум тој што ќе ја спаси земјата, а тие се оние кои ја уништуваат – и одвнатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата.
„Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. И јас би можел да го сторам тоа, многу подобро од нив, но не го правам тоа“, рече Трамп.